မြို့နယ်အင်ဂျင်နီယာမှူးက ငွေပေးသည့်နေရာများသာ မီးပေးသည့်အတွက် မြို့ခံများမကျေနပ်ဖြစ်နေ

ဉာဏ်မောင်

မြို့နယ်အင်ဂျင်နီယာမှူးက ငွေပေးထားသည့် စားသောက်ဆိုင်များနှင့် ရပ်ကွက်များကိုသာ မီးပုံမှန်ပေးပြီး အခြားမြို့ပေါ် ရပ်ကွက်များကို ပုံမှန်မပေးသည့်အတွက် မြို့ခံများက မကျေမနပ်ဖြစ်နေသည်။

မကွေးတိုင်း၊ ရေနံချောင်းမြို့နယ် လျှပ်စစ်အင်ဂျင်နီယာမှူး ဦးကျော်စွာက မြို့ပေါ်ရှိငွေပေးထားသည့် Country စားသောက်ဆိုင်၊ Lucky စားသောက်ဆိုင်၊ သိန်းလှစားသောက်ဆိုင်များနှင့် အခြားရပ်ကွပ်များတွင် တလလျှင်ငွေ ကျပ် ၂၅၀၀၀ မှ ၅၀၀၀၀ အထိ တောင်းယူပြီး ပုံမှန်မီးပေးနေသည့်အတွက်ဖြစ်သည်။

“ဆိပ်သာကွန်းထောက် ၊ညောင်လှ၊ စစ်တပွေတို့ သူဌေးကုန်းမြို့စွန်ရပ်ကွက်တွေကျတော့ တလကို ငါးသောင်းယူထားပြီး မီးပေးထားတယ်၊ အဲဒီဘက်တွေကို ၁၂ နာရီ ၁၆ နာရီ အဲလိုပေးထားတာ၊ ငွေမပေးတဲ့ ရပ်ကွက်တွေကျတော့ တနေ့မှ ၈ နာရီလောက်တောင် မလာဘူး၊ အလှူအတမ်းရှိလို့ မီးသုံးချင်ရင် သုံးသောင်းပေးရင် ၂၄ နာရီရတယ်” ဟု မြို့ခံတဦးက ပြောသည်။

ယခင်လျှပ်စစ်အင်ဂျင်နီယာမှူး လက်ထက်တွင် ယင်းကဲ့သို့ ငွေကြေးတောင်းယူမှုများ ပြုလုပ်ခဲ့သော်လည်း ရရှိသည့်အထဲမှ ဝန်ထမ်းများကိုလည်း အသုံးစရိတ်အဖြစ် ခွဲဝေပေးခြင်းများရှိခဲ့ပြီး ယခုပြောင်းလာသည့် ဦးကျော်စွာလက်ထက်တွင်မှု မည်သူ့ကိုမျှ ခွဲဝေပေးခြင်းမရှိကြောင်း ဝန်ထမ်းတဦးက ပြောသည်။

ထို့အပြင် စက်မှုဇုန်များတွင်လည်း ငွေကြေးအပေးအယူလုပ်ကာ မီးဖြန့်ဝေပေးခြင်းများလည်း ပြုလုပ်နေပြီး အချို့စက်ရုံ လုပ်ငန်းရှင်များထံမှ ထွက်ကုန်ပစ္စည်းများကို တောင်းယူမှုများရှိသည်ဟု ဒေသခံက ပြောသည်။

“စက်မှုဇုန်မှာလဲ အပေးအယူတွေလုပ်ထားတော့ မီးမှန်တယ်လေ၊ ဆီစက်ဆိုရင် ဆီတွေတောင်းယူတယ်၊ အဲလိုဆိုတော့ ငွေပေးတဲ့နေရာပဲ မီးလာတာပေါ့၊ မီးပိတ်ဖို့ ဝန်ထမ်းတွေက သွားပိတ်မယ်ဆိုရင် သူက မပိတ်နဲ့ ပြောတာ၊ ငွေယူထားတဲ့ နေရာတွေဖြစ်နေလို့” ဟု ပြောသည်။

အဆိုပါ ဦးကျော်စွာဆိုသူသည့် ရေနံချောင်းမြို့သို့ ပြီးခဲ့သည့် တနှစ်ခန့်က ပြောင်းရွှေ့လာသူဖြစ်ပြီး လာဘ်ပေးလာဘ်ယူမှုများကို ယခု ပိုမိုလုပ်ဆောင်နေလျှက်ရှိကာ ရေနံချောင်းမြို့ပေါ်တွင် သုံးရက်မှ နာရီ ၂၀ ခန့်သာ မီးရရှိနေသည်ဟု မြို့ခံများက ပြောဆိုနေလျှက်ရှိသည်။

မြန်မာနိုင်ငံဒီမိုကရက်တစ်အင်အားစု (FDB) ဒုတိယအကြိမ်ညီလာခံကျင်းပပြီး ရှေ့လုပ်ငန်းစဉ်များချမှတ်

ရိုးမ ၃

မြန်မာနိုင်ငံဒီမိုကရက်တစ်အင်အားစု (FDB) ဒုတိယအကြိမ်မြောက်ညီလာခံကို ထိုင်း-မြန်မာနယ်စပ်တနေရာတွင် ယခုလ (၁၈) ရက်နေ့မှစတင်ပြုလုပ်ခဲ့ပြီး အတွင်းရေးမှူးအဖွဲ့အား ပြန်လည်ရွေးချယ်တင်မြှောက်ကာ ရှေ့လုပ်ငန်းစဉ်များ ချမှတ်ခဲ့ကြသည်။

ပထမအကြိမ်ညီလာခံတွင် အတွင်းရေးမှူးအဖွဲ့ ၉ ဦးသာရှိခဲ့သော်လည်း ယခုအကြိမ်တွင်မှု အလုပ်ငန်းစဉ်များ ပိုမိုကျယ်ပြန့် စွာ လုပ်ဆောင်သွားရန်အတွက် ၁၁ ဦးထိ တိုးချဲ့ဖွဲ့စည်းလိုက်ကြောင်း (FDB) ဒုတိယ အထွေထွေအတွင်းရေးမှူးချုပ် ဦးငွေလင်းက ပြောသည်။

“၂၀၀၉၊ ၂၀၁၀ ဟာ အရေးကြီးကာလကို ရောက်လာတာဖြစ်တဲ့အတွက် အလုပ်ပိုလုပ်နိုင်ဖို့ အခုလို တိုးချဲ့လိုက်ခြင်းဖြစ်ပါတယ်၊ အပြောင်းအလဲတွေရှိတယ်ဆိုပေမဲ့ ကျနော်တို့ တချို့ခေါင်းဆောင်ပိုင်းတွေက လက်ရှိနေရာတွေမှာ ပြန်တာဝန်ယူရတာ တွေရှိတယ်၊ ကျနော်တို့ ရွေးချယ်တာက ပထမသက်တမ်းပြီးသွားတဲ့အခါမှာ အားလုံးနှုတ်ထွက်ကြတယ်၊ ပြီးတော့မှ ပြန်လည်အရွေးချယ်ခံရတာ ဖြစ်ပါတယ်” ဟု ပြောသည်။

(FDB) အထွေထွေအတွင်းရေးမှူချုပ်အဖြစ် ဒေါက်တာနိုင်အောင်၊ ဒုတိယ အထွေထွေအတွင်းရေးမှူးချုပ် ဦးငွေလင်း၊ ဦးကျော်ထက်၊ အတွင်းရေးမှူးအဖွဲ့ဝင်များအဖြစ် နိုင်ငံခြားရေးကော်မတီမှ အတွင်းရေးမှူး မခင်ဥမ္မာ၊ ဒုတိယအတွင်ရေးမှူး ကိုစိုးအောင်၊ ကိုသွင်လင်းအောင်၊ ပြည်တွင်းလုပ်ငန်းကော်မတီတွင် အတွင်းရေးမှူး ကိုမင်းနိုင်၊ ဒုတိယအတွင်းရေးမှူး ကိုတိတ်နိုင်၊ ကိုမြင့်ဟိန်း၊ သတင်းပြန်ကြားရေးနှင့် မှတ်တမ်းကော်မတီ အတွင်းရေးမှူး ကိုတိုးတိုးထွန်း၊ ဒုတိယအတွင်းရေးမှူး မနိုးနိုးထက်စံအား ပြန်လည်ရွေးချယ်တင်မြှောက်လိုက်သည်။

၎င်းတို့အား တက်ရောက်လာကြသည့် ညီလာခံကိုယ်စားလှယ်များအားလုံး သဘောတူရွေးချယ်ခဲ့ကြခြင်းဖြစ်ပြီး (FDB) အဖွဲ့၏ မဟာဗျူဟာ (၄) ရပ်ကို အကောင်အထည်ဖော်ရန်အတွက် ရှေ့လုပ်ငန်းစဉ် (၉) ခုအား ချမှတ်ခဲ့ကြောင်း ၎င်းက ဆက်ပြောသည်။

“ကျနော်တို့ ရှေ့လုပ်ငန်းစဉ်တွေက အနှစ်သာရအားဖြင့် ပြောမယ်ဆိုရင် ပိုမိုလုပ်ကိုင်စွမ်းရှိသော ယနေ့ကာလ စိန်ခေါ်ချက်များကို သေသေချာချာ ဆောင်ရွက်နိုင်ဖို့၊ အရေးတော်ပုံကြီး ဖြစ်ပေါ်လာဖို့ အင်မတန်အင်အားကြီးတဲ့ နိုင်ငံရေးတပ်ပေါင်းစုကြီး ရှိဖို့လို့တယ်၊ အဲဒါကို အထဲရောအပြင်ရော ပြင်ဆင်သွားဖို့၊ လူထုတိုက်ပွဲတွေဖြစ်ပေါ်လာဖို့ လှုပ်ရှားဆောင်ရွက်သွားဖို့နဲ့ နိုင်ငံတကာမိသားစုအသိုင်းအဝိုင်းရဲ့ စာနာမှု ထောက်ခံမှုတွေကို ရှာဖွေသွားကြဖို့ အဲဒါတွေက မဟာဗျူဟာ လုပ်ငန်းစဉ်တွေပါ” ဟု ပြောသည်။

၎င်းလုပ်ငန်းစဉ်များအကောင်အထည်ဖော်ဆောင်ရွက်နိုင်ရန်အတွက် ရှေ့လုပ်ငန်းစဉ် (၉) ခုအား ချမှတ်ခြင်းဖြစ်ပြီး ညီလာခံတွင် ပြည်တွင်းပြည်ပနှင့် အဘက်ဘက်မှ အခြေအနေများကို သုံးသပ်၍ လက်တွေ့ကျသည့် လုပ်ငန်းစဉ်ကို အင်အားတောင့်တောင့်တင်းတင်းဖြင့် လုပ်နိုင်ပါက ပိုမိုပီပြင်လာမည်ဖြစ်ကြောင်း ဦးငွေလင်းက ဆက်ပြောသည်။

မြန်မာနိုင်ငံဒီမိုကရက်တစ်အင်အားစု (FDB) စတင်တည်ထောင်ချိန်မှစ၍ လုပ်ဆောင်နိုင်ခဲ့မှု အခြေအနေများနှင့်ပတ်သက်၍ “ကျနော်တို့ သုံးသပ်မိတာက ယခင်ကထက် ယနေ့ လုပ်ကိုင်နိုင်တာက တော်လှန်ရေးကာလမှာ တစုံတရာ ကျေပွန်မှုအပိုင်း ပါဝင်လာပြီလို့ ပြောရင်ရပါတယ်၊ နောက်တခုက မဟာမိတ်တွေကြားမှာ ယုံကြည်မှုတည်ဆောက်ရေး ၊ အကြံပေး ဆောင်ရွက်မှုတွေကြားထဲမှာ ပြန်လည်ယုံကြည်မှုတွေရပြီး ပိုမို အားကောင်းအောင် လုပ်ဆောင်လာနိုင်တယ်” ဟု ပြောသည်။

၂၀၁၀ ရွေးကောက်ပွဲအခြေနှင့်ပတ်သက်၍ ပြီးခဲ့သည့်နှစ်က ပြုလုပ်ခဲ့သည့် စစ်အစိုးရ၏ ဖွဲ့စည်းပုံဥပဒေသည် ပြည်သူလူထုအတွက် အာမခံချက်မရှိသည့်အတွက် အသက်မဝင်အောင် ဆက်လက်လုပ်ဆောင်ရမည်ဖြစ်ပြီး ဖွဲ့စည်းပုံဥပဒေကို ပြန်လည်ပြင်ဆင်ခြင်း၊ နိုင်ငံရေးအကျဉ်းသားများအားလုံး လွှတ်ပေးခြင်း၊ လွတ်တော်ခေါ်ယူပေးခြင်းနှင့် တွေ့ဆုံဆွေးနွေးရေးမလုပ်ပါက စစ်အစိုးရ၏ ရွေးကောက်ပွဲကို လက်ခံမည်မဟုတ်ကြောင်းကို လူထုအတွင်း စည်းရုံးလှုံဆော်မှုများ၊ လူထုလှုပ်ရှားမှုများ ဆက်ဖော်ဆောင်သွားမည်ဟု ပြောသည်။

“အဓိကကတော့ ၂၀၁၀ မတိုင်ခင် NLD၊ CRPP ထောက်ပြတဲ့ ရည်မှန်းချက် (၄) ခု ပေါက်မြောက်လာအောင် လူထုတိုက်ပွဲနဲ့ တွန်းတင်ရမယ်၊ စစ်အစိုးရက ဂန်ဘာရီကို နောက်ဆုံးပြောတဲ့စကားမှာပင် မဖြစ်ဖြစ်အောင်လုပ်မယ်ဆိုတော့ ၉၀ ရွေးကောက်ပွဲရလဒ်ပါတီကို ဖျက်လိုက်သလိုဖြစ်တယ်၊ အဲဒါကို ကာကွယ်တဲ့နည်းနဲ့ လူထုနဲ့အတူ လှုပ်ရှားမှုတွေလုပ်မယ်၊ ၂၀၁၀ မတိုင်ခင် လှုပ်ရှားမှုကြီးတွေ ဖြစ်အောင်လုပ်မယ်၊ အခြေနေမရလို့ ၂၀၁၀ ဖြစ်သွားရင်လဲ စစ်အစိုးရရဲ့ လိမ်ညာထားတဲ့ အရပ်သားတပိုင်းအစိုးရရဲ့ကျနော်တို့ကို ဖိနှိပ်ထားတဲ့ ဖွဲ့စည်းပုံကို အကောင်ထည်ဖော်တဲ့ အစိုးရဖြစ်တဲ့အတွက် အာမခံချက်မရှိတာကို ထောက်ပြပြီး ဆက်လုပ်မဲ့ စီမံချက်တွေရှိပါတယ်” ဟု ဆက်လက်ပြောသည်။

၂၀၀၇ ခုနှစ် ရွှေဝါရောင်တော်လှန်းရေးအတွင်း နိုင်ငံရေးဦးဆောင်မှု အခန်းကဏ္ဍနှင့်ပတ်သက်၍ “စက်တင်ဘာလှုပ်ရှားမှုက အင်မတန်မြန်ဆန်တဲ့အတွက် NLD၊ CRPP တို့ အဆင်သင့်ဖြစ်မှုနည်းသွားပြီး အဆင်သင့်မဖြစ်တဲ့အတွက် ဦးဆောင်နိုင်လိုက်ခြင်းမရှိဖြစ်သွားတယ်၊ ယနေ့အချိန်မှာ လှုပ်ရှားမှုပေါ်လာရင် သေသေချာချာ ဦးဆောင်နိုင်မယ်ထင်တယ်၊ အတွင်းအင်အားစုတွေက ဦးဆောင်တာဝန်ယူနိုင်အောင် ကျနော်တို့က ပံ့ပိုးကူညီ စည်းရုံးလှုံဆော်မှုတွေကို ဟန်ချက်ညီညီ လုပ်ကိုင်သွားမှာဖြစ်တယ်၊ လှုပ်ရှားမှုအမြင့်ဆုံးအချိန်မှာ ကြားဖြတ်အစိုးရဖွဲ့နိုင်အောင် ဆောင်ရွက်သွားဖို့အထိ ကူညီဝန်းရံ သွားပေးမယ်” ဟု ဆက်လက်ပြောဆိုသည်။

မုန်းတိုင်းသင့်ဒေသ လယ်သမားများထံမှ လက်တွန်းစက်ဖိုး တောင်းယူနေသည့်အတွက် အခက်ကြုံနေရ

ရိုးမ ၃

နာဂစ်မုန်တိုင်းသင့်ဒေက လယ်သမားတွေကို ထုတ်ပေးထားသည့် လက်တွန်းစက်များ ကျသင့်ငွေကို ယခင်က သုံးနှစ်အထိ အရစ်ကျပေးဆပ်ရမည်ဟုပြောပြီး ယခုအခါ ပြန်လည်တောင်းယူမှုများ ပြုလုပ်နေသည့်အတွက် ဒေသခံလယ်သမားများ အခက်ကြုံနေရသည်။

ဘိုကလေးမြို့နယ်အတွင်းက မဂူအုပ်စုမှာ စက်ပိုင်ရှင်များအသင်းက ထုတ်ပေးထားသည့် လက်တွန်းစက်များအတွက် ပထမအရစ်အနေဖြင့် ၇ သိန်းခွဲ ပေးရမည်ဖြစ်ပြီး ယခင်လကတည်းက ကျေးရွာဥက္ကဋ္ဌများက လာရောက်တောင်းယူ နေခြင်းဖြစ်ကြောင်း ဒေသခံလယ်သမားတဦး ပြောသည်။

“နာဂစ်ပြီးတော့ ကျွဲနွားတွေကလည်းမရှိတော့ စက်ပိုင်ရှင်များအသင်းက ပေးတယ်ဆိုတော့ စာချုပ်တွေနဲ့၊ သုံးရစ် သုံးနှစ်ပေးရမယ်ပေါ့၊ အားလုံးပေါင်း ၁၂ သိန်းခွဲလောက်ကျမယ်ပေါ့၊ ပထမအရစ်ကို ၄ သိန်းလောက်ပေးရမယ်ဆိုလို့၊ အခုကျတော့ နှစ်ရစ်နဲ့အပြီးဆိုပြီး ပထမအရစ်ကို ၇ သိန်းခွဲတောင်းတယ်၊ လယ် ၇ ဧကမှာ စပါးက ၅၀ ကျော်ပဲထွက်တော့ ငွေလေးတသိန်းလောက်နဲ့ ဘယ်လိုပေးလို့ရမှာလဲ၊ အဲလိုတွေဖြစ်နေတာ” ဟု ဒေသခံလယ်သမားတဦးက ပြောသည်။

နာဂစ်မုန်တိုင်းတိုက်ခတ်ပြီးနောက် စက်မှုလယ်ယာနှင့် အခြားက လယ်သမားများအတွက် စက်များကို အခမဲ့ပေးဝေနေပြီး မဂူအုပ်စုအတွင်းမှ လယ်သမားများမှာမူ ယခုကဲ့သို့ အရစ်ကျပေးနေရသည့်အတွက် ဒုက္ခရောက်တာချင်းအတူတူ မိမိတို့အနေဖြင့် ပိုပြီးကံဆိုးနေရသည်ဟု အဆိုပါလယ်သမားက ဆက်ပြောသည်။

“အခြားဌာနက ပေးတဲ့ဟာတွေက အလကားပေးတာ၊ စက်ပိုင်ရှင်များအသင်းကပေးတာက သုံးရစ်ကနေ နှစ်ရစ်ဖြစ်သွားတယ်၊ အဲဒီအခါကျတော့ လယ်သမားတွေကို သက်သက်နစ်နာအောင် လုပ်တာ၊ နာဂစ်ဒေသမှာ ဝေတာချင်းအတူတူ အဘတို့ကျမှ ဒီလိုဖြစ်တယ်ဆိုတော့၊ ဥက္ကဋ္ဌတွေကို မေးကြည့်တော့လည်း ဒေါင်ဖန်းကုမ္ပဏီက တောင်းခိုင်းလို့ဆိုပြီး ပြောတယ်” ဟု ပြောသည်။

မဂူကျေးရွာအုပ်စုအတွင်း စက်ပိုင်ရှင်များအသင်းမှာ တာဝန်ယူထုတ်ပေးထားသည့် စက်အလုံးပေါင်း ၄၀ ခန့်ရှိပြီး ဘိုကလေးတမြို့နယ်လုံးအနေဖြင့် အလုံး ၇၀၀ ကျော်ရှိသည်ဟု ဆိုသည်။

ဒေသခံလယ်သမားများမှာ မိုးစပါးကအထွက်နည်းပြီး ကုန်ကျစရိတ်ပိုများသည့် နွေစပါးမှာလဲ မှိုလိုက်နေသဖြင့် မျှော်လင့်၍မရနိုင်ကြောင်း ဒေသခံလယ်သမားတဦးက ပြောသည်။

“မိုးစပါးတုန်းကလဲ ဈေးမကောင်းတာနဲ့၊ ပြီးတော့ စပါးကလဲ မရဘူးလေ၊ နောက်ထပ် သုံးနှစ်လောက်အထိတော့ မြေတွေမကောင်းသေးဘူး၊ ဆားပေါက်ထားတာ၊ နွေစပါးက အခု မှိုတွေကျနေတယ်၊ ကမောက်ကနီတို့၊ ဥသျှစ်တို့၊ စက်ဆန်းဘက်ရွာတွေမှာ တော်တော်ဆိုးတယ်” ဟု ပြောသည်။

ပြန်လည်ထူထောင်ရေးလုပ်ငန်းများကို သေသေချာချာ ပြန်မလုပ်နိုင်ခင် ယခုကဲ့သို့ လက်တွန်းစက်အတွက် ငွေတောင်းယူနေခြင်းကြောင့် လယ်သမားများအနေဖြင့် လာရောက်တောင်းတိုင်း ပေကပ်နေရကြောင်း ၎င်းက ဆက်လက်ပြောသည်။

မီးသတ်ကားဝယ်ရန် အကြောင်းပြပြီး ငွေကြေး မတန်တဆကောက်ခံနေ

ရိုးမ ၃

မော်လမြိုင်မြို့တွင် မီးသတ်ကားဝယ်ရန်အတွက် ရပ်ကွက်အလိုက် ငွေကြေးကောက်ခံမှုများ ပြုလုပ်နေပြီး ပေးဆောင်ခြင်းမရှိသည့် အိမ်များကို ဧည့်စာရင်း မလုပ်ပေးသည့်အတွက် မြို့ခံလူထုအနေဖြင့် မကျေမနပ်ဖြစ်နေကြသည်။

ပြီးခဲ့သည့်လ (၁၉) ရက်နေ့မှစတင်ကာ (ရယက)လူကြီးများ ဦးစီး၍ ရပ်ကွက်အလိုက် ၅,၀၀၀ မှ ၃၀,၀၀၀ ကျပ်အထိ တောင်းယူနေကြောင်း မြို့ခံတဦးက ပြောသည်။

“နှစ်ကုန်ပိုင်းက မီးလောင်တဲ့ ကိစ္စနဲ့ပတ်သက်ပြီး မီးသတ်ကားခ တောင်းတယ်၊ ရပ်ကွက်အလိုက် မြို့ထဲမှာဆိုတမျိုး၊ ပျံကျရပ်ကွက်တွေမှာ တမျိုး ကောက်တယ်၊ စီးပွားရေးကောင်းတဲ့သူနဲ့ မကောင်းတဲ့သူ ကြည့်တယ်၊ ကောင်းတယ်သူဆိုရင် သုံးသောင်းကနေ တသောင်းတောင်းတယ်၊ နည်းနည်းအဆင်ပြေရင် ငါးထောင်၊ သမီးတို့ ဒိုက်ဝန်းရပ်ကွက်ဘက်က ငါးထောင်ပေးရတယ်” ဟု ပြောသည်။

ယင်းကဲ့သို့ ငွေကြေးကောက်ခံရခြင်းသည် မြို့နယ်(မယက)နှင့် မီးသတ်တပ်ဖွဲ့တို့မှ ညွှန်ကြားချက်ဖြင့် ကောက်ယူခြင်းဖြစ်ကြောင်း (ရယက) လူကြီးများက ပြောဆိုပြီး မပေးသည့်အိမ်များကို ဧည့်စားရင်း မလုပ်ပေးရန် ပြောသည်ဟု ဆိုသည်။

“မပေးတဲ့ အိမ်ဆိုရင် ဧည့်သည်လာလို့ရှိရင် ဧည့်စာရင်းမလုပ်ပေးဘူး၊ ဧည့်သည်တခုခုဖြစ်ရင်လဲ ဘာမှ တာဝန်ယူ မဖြေရှင်းပေးဘူးလို့ ပြောတယ်၊ သူတို့က မရရအောင်ကောက်နေတယ်၊ အနည်းဆုံး တထောင်တော့ ရအောင်တောင်းယူသွားတယ်” ဟု ပြောသည်။

အဆိုပါ ကောက်ခံရသည့် ငွေဖြင့် မီးသတ်ကားဝယ်ယူကာ ရပ်ကွက် ၃ ခုလျှင် တစီးနှုန်း ထားရှိမည်ဖြစ်ပြီး ရေစုတ်စက်ထားမည့် ရပ်ကွက်အနေဖြင့် သိန်း (၂၀) ပိုထည့်ရမည်ဟု ပြောဆိုကြောင်းလည်း ၎င်းက ဆက်ပြောသည်။

အခြားတစ်ဖက်ကနေ ရှာကြည့်ပါဦး

၁၉၉၀ ပြည့် ရွေးကောက်ပွဲရလဒ်ကို (နအဖ)သတင်းစာတွေက “ဒိတ်အောက်သွားပြီ”လို့ ရေးသည်။ ယခု (ကို)အောင်သူငြိမ်းက “ခံစစ်သေ”လို့ ရေးသည်။ မာနယ်ပလောကျဆုံးသွားတာကိုပင် သင်ခန်းစာယူဖို့ ပြောနေသည်။ ရေးတဲ့သူသာကွဲသည်၊ အာဘော်က အတူတူပင်ဖြစ်သည်။ အနှစ်သာရက ၁၉၉၀ ပြည့် ရွေးကောက်ပွဲရလဒ်ကို စွန့်လွှတ်ခိုင်းကြတာဖြစ်သည်။

ဒိတ်အောက်တယ်လို့ပြောပြော၊ ခံစစ်သေလို့ပဲဆိုဆို ယခုလိုပြောနေရေးနေကြရတာကပင် ၁၉၉၀ ပြည့် ရွေးကောက်ပွဲရလဒ်၏ အသက်ဓါတ်နဲ့ သန်စွမ်းခိုင်မာမှုကို အသိအမှတ်ပြုနေရတာပဲမဟုတ်ပါလား။ ပြောနေကြသလိုသာ ၁၉၉၀ ပြည့် ရွေးကောက်ပွဲရလဒ်ကို လွယ်လွယ်နဲ့ ဖျက်သိမ်းနိုင်ခဲ့ရင် (နဝတ-နအဖ)စစ်အစိုးရ လက်ခမောင်းခတ်နေခဲ့မှာ ကြာလှပေါ့။ ၁၉၉၀ ပြည့် မေလ (၂၇) ရက်နောက်ပိုင်းကစပြီး ၁၉၉၀ ပြည့် ရွေးကောက်ပွဲရလဒ် ကိုဖျက်သိမ်းဖို့ (နဝတ-နအဖ)စစ်အစိုးရက မီးကုန်ယမ်းကုန် ကြိုးပမ်းခဲ့တာပါ။ ဘာဖြစ်ခဲ့ပါသလဲ။ တည်ရှိနေတဲ့ ပြဿနာပြေလည်မသွားတဲ့အပြင် ပြဿနာသစ်တွေသာ တရစ်ပြီးတရစ် ထပ်တက်လာခဲ့တယ်မဟုတ်ပါလား။ နက်ရှိုင်းကျယ်ပြန့်လာနေခဲ့တယ်မဟုတ်ပါလား။ ၂၀၁၀ ရွေးကောက်ပွဲနဲ့ ပြဿနာအားလုံးကို ကျော်လွှားနိုင်ပါ့မလား။

“၂၀၁၀ ရွေးကောက်ပွဲသည်သာ မြန်မာ့နိုင်ငံရေး၏ ဗဟိုချက်မ၊ မြန်မာနိုင်ငံပြဿနာများ ပြေလည်သွားဖွယ်ရာ လမ်းကြောင်းအဖြစ် မမြင်မိသေးပါ” ဟု အောင်သူငြိမ်းက ဖွင့်ဟဝန်ခံထားသည်။

ဘာကြောင့် ၁၉၉၀ ပြည့် ရွေးကောက်ပွဲရလဒ်ကိုမှ တဖက်သတ် စွန့်လွှတ်ခိုင်းနေကြရတာလဲ။ လမ်းပြမြေပုံကို စွန့်လွှတ်ပါလို့ ပြောကြပါလား။ (NLD) က အလျော့မပေးလို့၊ အလျော့ပေးလိုက်ရင် ပြဿနာပြေလည်သွားလိမ့်မယ်လို့ စဉ်းစားတာဟာ မူမဲ့တဲ့ စဉ်းစားနည်းဖြစ်သည်။ အညံ့ခံအလျော့ပေးခြင်းဖြစ်သည်။

ပြဿနာမှန်သမျှ တွေ့ဆုံဆွေးနွေးရေး စားပွဲဝိုင်းပေါ်တွင် တင်ပြီး အပေးအယူ အလျော့အတင်း ပြုလုပ်ကြရမည်သာဖြစ်သည်။ စားပွဲဝိုင်းပေါ်မရောက်ခင် ကြိုတင်အလျော့ပေးခိုင်းနေခြင်း၊ စွန့်လွှတ်ခိုင်းနေခြင်းများမှာ တရားမျှတမှုမရှိပါ။ နည်းလမ်းမကျပါ။ ပိတ် ၄ ပိတ် စွန့်လွှတ်ကြောင်းကြေညာလျှင် တွေ့မည်ဟုပြောခြင်းမှာ အကျပ်ကိုင်ခြင်းနှင့် နိုင်ငံတကာကိုလှည့်စားခြင်းသာ ဖြစ်ပါသည်။

မာနယ်ပလောစခန်းနဲ့ ၁၉၉၀ ပြည့် ရွေးကောက်ပွဲရလဒ်ဟာ အနှစ်သာရအရ မတူညီတဲ့ ကိစ္စ ၂ ရပ်၊ အခြေအနေ ၂ ရပ် ဖြစ်ပါသည်။ ဒါကို မျဉ်းပြိုင်ထားပြီး သုံးသပ်လို့မရပါ၊ ကောက်ချက်ဆွဲလို့မရနိုင်ပါ။ မာနယ်ပလောသည် စစ်ရေးအခြေခံစခန်းတခုသာ ဖြစ်ပါသည်။ ဆုံးရှုံးသွားတဲ့ မာနယ်ပလောစခန်း ပြန်ပေးပါလို့ ဘယ်သူကမှ တောင်းဆိုတာမကြားမိပါ။ ထို့အတူ နိုင်ငံတကာကလည်း ပြန်ပေးပါလို့ ပြောသံမကြားပါ။ ၁၉၉၀ ပြည့် ရွေးကောက်ပွဲရလဒ်ဆိုသည်မှာ (နဝတ-နအဖ) စစ်အစိုးရ၏ တည်ဆဲဥပဒေများအရ ကျင်းပပေးခဲ့သည့် ရွေးကောက်ပွဲမှ ရရှိလာသည့် တရားဝင်ရလဒ်ဖြစ်ပါသည်။ ၁၉၉၀ ပြည့် ရွေးကောက်ပွဲရလဒ်ဟာ (NLD) တဖွဲ့ထဲနဲ့ပဲ သက်ဆိုင်နေတဲ့ ကိစ္စမဟုတ်ပါဘူး။ ၁၉၉၀ ပြည့် ရွေးကောက်ပွဲမှာ လူထုဆီက တစုံတရာ မဲအရေအတွက်ရခဲ့တဲ့ ပါတီတွေနဲ့လည်း သက်ဆိုင်ပါသည်။ (NLD) ကို လူထုမဲတွေ စုပုံပေးခဲ့တာ ဘာကြောင့်လဲဆိုတာ မေးစရာလိုသေးလို့လား။

(NLD) ကို အားမလိုအားမရ ဖြစ်ရတာတွေ အများကြီးရှိတယ်ဆိုတာကို လက်ခံပါသည်။

ဘယ်လိုပဲ အရည်ဆန်ပြီး ပြောင်းရွှေ့နေပါစေ နှစ် ၂၀ လုံးလုံး နိုင်ငံရေးအာဏာသည် (န၀တ-နအဖ) စစ်အစိုးရလက်ထဲတွင်သာ ရှိနေပါသည်။ ဘယ်ကိုမျှ ပြောင်းရွှေ့မသွားပါ။ ယင်းအာဏာဖြင့် အတိုက်အခံဟူသမျှ၊ လှုပ်ရှားမှုမှန်သမျှကို ဖိနှိပ်နေခြင်းဖြစ်သည်။ ချေမှုန်းနေခြင်းဖြစ်သည်။

သို့သော်လည်း မြန်မာ့နိုင်ငံရေးတိုက်ပွဲ အဓိကမျက်နှာစာသည် ၁၉၉၀ မတိုင်ခင်က တောတွင်းမှာ (လက်နက်ကိုင်တိုက်ပွဲ) တည်ရှိနေခဲ့သော်လည်း ၁၉၉၀ မေလ (၂၇) ရက်နောက်ပိုင်းမှာ မြို့ပေါ်ရောက်လာပါသည်။ ၁၉၉၀ ပြည့် ရွေးကောက်ပွဲရလဒ်သည် (န၀တ-နအဖ) စစ်အစိုးရအဖို့ အဓိကထား တိုက်ဖျက်ပစ်ရမည့် အချက်အချာကိစ္စ ဖြစ်လာပါသည်။ သို့အတွက် (န၀တ-နအဖ) စစ်အစိုးရအနေဖြင့် ၁၉၉၀ ပြည့် ရွေးကောက်ပွဲရလဒ်တိုက်ဖျက်ရေးကို အဓိကထား လုပ်ဆောင်ခဲ့ပါသည်။ ဒီကနေ့အထိ လုပ်ဆောင်နေဆဲဖြစ်ပါသည်။

သို့ပါ၍ ကျနော်တို့အနေဖြင့် (နအဖ) စစ်အစိုးရနဲ့ နှစ်ကိုယ်တစ်စိတ်လုပ်ပြီး ၁၉၉၀ ပြည့် ရွေးကောက်ပွဲရလဒ် ဖျက်သိမ်းရေးဘက်တွင် ပါဝင်မလား၊ သို့တည်းမဟုတ် (NLD) နှင့် ဒီမိုကရေစီရေးလှုပ်ရှားမှုဘက်မှ တစိတ်တည်းတဝမ်းတည်းနေပြီး ၁၉၉၀ ပြည့် ရွေးကောက်ပွဲရလဒ်ကို ခုခံကာကွယ်မလားဆိုတာ ရွေးချယ်ကြရပါလိမ့်မည်။ ယင်းကသာ “ရပ်တည်ချက်ပြဿနာ” ဖြစ်ပါသည်။ ယင်းရပ်တည်ချက်ရှိမှသာ ၂၀၁၀ ကို ရင်ဆိုင်ဖြတ်သန်းနိုင်ပါလိမ့်မည်။

အခုတော့ ၁၉၉၀ ရွေးကောက်ပွဲရလဒ်ကို ခံစစ်သေလို့ မြင်နေသည်။ ၂၀၁၀ ရွေးကောက်ပွဲ ဝင်ပါလားလို့ မတိုက်တွန်းရဲဘူး။ အားလုံးစုဆုံနိုင်မယ့် ဗဟိုချက်ကလည်း ပျောက်နေသည်။ ၂၀၁၀ ရွေးကောက်ပွဲကိုလည်း ပြေလည်ရေးလမ်းကြောင်းအဖြစ် မမြင်မိသေးပါဟုဆိုတော့ တော်တော်တော့ခက်နေပြီ။ မိုးမှောင်ကျပြီး ထွက်လမ်းဘယ်မမြင်ဆိုသလို ဖြစ်နေပြီ။

ဘာပဲဖြစ်ဖြစ် ၂၀၁၀ ကို ဖြတ်သန်းနိုင်ဖို့ “အောလ်တာနေးတစ်”တစ်ခုတော့ အခြားတစ်ဖက်ကနေ ရှာကြည့်ပါဦး။

x x x x x

တူမောင်ညို
(၂၀၀၉ ခုနှစ်၊ မတ်လ ၁၉ ရက် )

ရေရှားပါးမှုနောက်ဆက်တွဲရောဂါများ စတင်ဖြစ်ပွားနေ

ဖြိုးကြီး

ဘိုကလေးမြို့နယ်အတွင်းရှိ ပင်လယ်ဝကျေးရွာများတွင် ရေရှားပါးမှုပြဿနာကြောင့် နောက်ဆက်တွဲရောဂါများ စတင်ဖြစ်ပွားနေကြောင်း ဒေသခံများက ပြောသည်။

ကြိမ်ချောင်းကြီးကျေးရွာ၊ ရေကျော်ကြီး၊ မုန်တိုင်းလေး၊ ဒညင်းဖြူနှင့် ပင်လယ်ဝကျေးရွာများတွင် သောက်သုံးရေ မရှိတော့သည့်အတွက် ရေငံဝင်နေသည့် ရေများကို သုံးစွဲနေကြရပြီး အချို့ကျေးရွာများတွင် ဝမ်းလျောဝမ်းပျက်ရောဂါ၊ ဝမ်းကိုက်ရောဂါများ စတင်ဖြစ်ပွားနေကြောင်း (NGO)အဖွဲ့အစည်းတခုတွင် လုပ်ကိုင်နေသည့် ဒေသခံအမျိုးသမီးတဦးက ပြောသည်။

“ကြိမ်ချောင်းကြီး အောက်ဘက်ရွာတွေကို မော်တော်နဲ့ သယ်ပြီး ရေပို့ပေးနေရတယ်၊ လုံလုံလောက်လောက်တော့ မပေးနိုင်သေးဘူး၊ ထပ်ဝေပေးနိုင်ဖို့ ဝန်ထမ်းအင်အားလဲ ထပ်ခေါ်နေတယ်၊ အခုပြဿနာက သောက်ရေ တော်တော်ရှားပါးနေတာ၊ ဒီရက်ပိုင်းအတွင်းမှာ တော်တော်များလာတယ်၊ အရင်က သူတို့ရွာတွေမှာ သောက်လို့ရတဲ့ ရေကန်တွေရှိတယ်၊ မြစ်ရေကို ကျိုသောက်တာလဲရှိတယ်၊ အခု မြစ်ရေက ရေငံတိုးလာလို့” ဟု ၎င်းက ပြောသည်။

လူမှုအထောက်အကူပြု (NGO)အဖွဲ့က သောက်သုံးရေ တအိမ်လျှင် ၅ လီတာ ပေးဝေနေသော်လည်း လုံလောက်မှုမရှိသည့်အတွက် အသွားအပြန် တနေ့ခရီးကြာမြင့်သည့် ကဒုံကနိကျေးရွာဘက်တွင် လှေများဖြင့် သွားဝယ်ယူနေရကြောင်း ဒေသခံတဦးက ပြောသည်။

“ကျနော်တို့ကို အကူညီပေးတဲ့ အဖွဲ့တွေက ရေဝေတာက မလောက်ဖူး၊ ကဒုံကနိရွာက တုံကင်မှာ တပုံးကို ၁၀၀ နဲ့ သွားဝယ်ရတယ်၊ ရေတစည်ကိုဆိုရင် ၁၂၀၀ ပေးရတယ်၊ ကျနော်တို့ဆီကနေသွားတာ တနေကုန်တယ်၊ သောက်ရေအတွက် ဝယ်သောက်ရင် တလီတကို ၆၀၀ ပေးရတယ်၊ ဘိုကလေးမြို့ပေါ်မှာတော့ ၄၀၀ နဲ့ ဝယ်သောက်ရတယ်” ဟု ပြောသည်။

ရေကျော်ကြီးကျေးရွာတွင် အိမ်ထောင်စုပေါင်း ၃၀၀ ကျော်ရှိပြီး အခြားကျေးရွာများတွင်လည်း အိမ်ခြေ ၅၀ မှ ၃၀၀ ဝန်းကျင်အထိရှိကာ ယခုကဲ့သို့ သောက်သုံးရေပြတ်လပ်မှုကြောင့် မလိုလားအပ်သည့် အခြားကျန်းမာရေးထိခိုက်များ ရှိလာနေကြောင်း ဒေသခံက ဆက်ပြောသည်။

ယင်းကဲ့သို့ သောက်သုံးရေပြတ်လပ်မှုဖြစ်နေချိန်တွင် သက်ဆိုင်ရာအာဏာပိုင်များက အကူညီပေးခြင်းမရှိသေးကြောင်းနှင့် လက်ရှိ ရေပေးဝေနေသည့် လူမှုအထောက်ကူပြု (NGO)အဖွဲ့အနေဖြင့်လည်း လုံလောက်စွာ ပေးဝေနိုင်ခြင်းမရှိသည့်အတွက် စိုးရိမ်ရသည့်အခြေအနေကို ရောက်နေသည်ဟု ဒေသခံများက ဆိုသည်။

အလားတူ နာဂစ်မုန်တိုင်းဒဏ်ခံခဲ့ရသည့် လပတ္တာမြို့နယ်အတွင်းရှိ ကျေးရွာများတွင်လည်း ရေပြတ်လပ်မှုပြဿနာများ ကြုံတွေ့နေရပြီး လုံလောက်သည့် အကူအညီများ မရရှိသေးသည့်အတွက် သက်ဆိုင်ရာ အာဏာပိုင်များထံသို့ ဒေသခံများက တင်ပြတောင်းဆိုမှုများ ပြုလုပ်ထားသည်ဟု ဆိုသည်။

အလုပ်သမ ၄ ဦးကို ရိုင်းစိုင်းစွာ ဆက်ဆံနှင်ထုတ်လိုက်သည့်အတွက် သက်ဆိုင်ရာသို့ တိုင်ကြားမည်ဟုဆို

ရိုးမ ၃

အထည်ချုပ်စက်ရုံမှ အလုပ်သမ ၄ ဦးကို အလုပ်ကြီးကြပ်ရေးမှူးက ရိုင်းစိုင်းစွာပြောဆိုဆက်ဆံပြီး နှင်ထုတ်လိုက်သည့်အတွက် သက်ဆိုင်ရာသို့ တိုင်တန်းမည်ဟု ဆိုသည်။

ရန်ကုန်တိုင်း၊ ဒဂုံမြို့သစ်မြို့နယ်၊ လေးထောင့်ကန်ရပ်ကွက် အရှေ့ပိုင်းရှိ ဟာကျူရီ အထည်ချုပ်စက်ရုံတွင် အလုပ်ကြီးကြပ်ရေးမှူး ဒေါ်အေးအေးအောင်က အလုပ်သမားကို နိုင်ထက်စီးနင်း ခိုင်းစေမှု၊ ရိုင်းပြညစ်ညမ်းစွာ ပြောဆိုဆက်ဆံမှု၊ အချိန်ပိုဆင်းပြီး လုပ်အားခအပြည့် မပေးသည့်အပြင် ယခုလ (၁၆) ရက်နေ့တွင် အလုပ်မှ နှင်ထုတ်လိုက်ခြင်းတို့ကြောင့် ဖြစ်သည်။

“မနက်ပိုင်းမှာ သမီးက ငိုနေတာကို အလုပ်သမားခေါင်းဆောင်က နင့်မျက်ရည်ကျတာ ကျက်သရေ ရုတ်တယ်၊ အပြင်ကိုထွက်ဆိုပြီး ပြောတာ၊ နင်မလုပ်ချင်ရင် ပြန်သွားလိုက်၊ နင်မရှိလဲ တခြားလူတွေရှိတယ်၊ သူပြောတာတွေက တော်တော်ရိုင်းရိုင်းစိုင်းစိုင်း မအေနှမတွေပါ ပါတယ်” ဟု ကာယကံရှင် အလုပ်သမတဦးက ပြောသည်။

ယင်းကဲ့သို့ ပြဿနာဖြစ်ပွားပြီး နေ့လည်ထမင်းစားချိန်တွင် ၎င်းအလုပ်သမ ၄ ဦးက အိမ်သို့ ပြန်သွားပြီး သက်ဆိုင်ရာ ရပ်ကွက်(ရယက)ရုံးသို့ တိုင်ကြားပြီးနောက် အဆိုပါ အလုပ်ကြီးကြပ်ရေးမှူးကို ခေါ်၍ မေးမြန်းမှုများ ပြုလုပ်သော်လည်း ဝန်ခံခြင်းမရှိသည့်အပြင် ရပ်ကွက်ရုံးလူကြီးများကလည်း ထိထိရောက်ရောက် ဆောင်ရွက်ပေးခြင်းမရှိကြောင်း ၎င်းက ဆက်ပြောသည်။

“ရုံးကိုရောက်တော့ သူတို့က မပြောပါဘူးဆိုပြီး ဘူးခံနေတယ်၊ ရပ်ကွက်လူကြီးတွေက အလုပ်သမားတွေရဲ့ ရသင့်ရထိုက်တာကို မတောင်းဆိုဘဲနဲ့ ညှိနှိုင်းတာပဲ လုပ်ပေးတယ်တဲ့အတွက် မကျေနပ်လို့ သက်ဆိုင်ရာ အလုပ်သမားဝန်ကြီးဌာနအထိ တိုင်မယ်” ဟု ပြောသည်။

အဆိုပါ ဟာကျူရီ အထည်ချုပ်စက်ရုံတွင် အလုပ်သမားများအား လစာထုတ်ပေးရာတွင် အချိန်ပိုလုပ်အားခကို ထည့်သွင်းရှင်းပေးခြင်းမရှိကြောင်း အလုပ်သမတဦးက ဆက်ပြောသည်။

“ပြီးခဲ့တဲ့လက လခလဲ အပြည့်မရဘူး၊ လေးသောင်းကျော်ရမှာ၊ အခုက နှစ်သောင်းကျော်ပဲ ရှင်းပေးတယ်၊ အချိန်ပိုနဲ့ဆို လေးသောင်းလောက်ရမယ်၊ သမီးတို့ နေမကောင်းလို့ အလုပ်တရက်နားတာကို ဆဲဆိုတာတွေ လုပ်တော့ မကျေနပ်ဘူး၊ အလုပ်သမားတွေ အကုန်လုံးက အဲဒီအတိုင်းပါပဲ၊ ဒါပေမဲ့ သင်္ကြန်မုန့်ဖိုးပေးမှာကို စောင့်နေကြတာ၊ ထွက်မယ်လို့ ပြောနေတာတွေကတော့ သမီးတို့ တလိုင်းလုံးပဲ” ဟု ပြောသည်။

ကိုဖိုးဖြူကို ထောင်ချလိုက်သည့် ပုဒ်မများသည် ဖျက်သိမ်းသင့်သည့် ဥပဒေများဖြစ်သည်ဟုဆို

ဖြိုးကြီး

နိုင်ငံရေးအမှုများကို လိုက်ပါကူညီဆောင်ရွက်ပေးနေသည့် လူငယ်ရှေ့နေ ကိုဖိုးဖြူကို ထောင်ဒဏ်ချမှတ်လိုက်သည့် ဥပဒေသည် တရားမျှတမှုမရှိသည့်အပြင် ဖျက်သိမ်းသင့်သည့် ဥပဒေများဖြစ်သည်ဟု ဆိုသည်။

မကွေးတိုင်းတရားရုံးအတွင်း အထူးခုံရုံး၌ ယမန်နေ့က ထောင်ဒဏ်လေးနှစ်ချမှတ်လိုက်ခြင်းနှင့် ပတ်သက်၍ ၎င်း၏လုပ်ဖောက်ကိုင်ဖက် တဦးဖြစ်သူ ရှေ့နေ ကိုစောကျော်ကျော်မင်းက ယခုကဲ့သို့ ပြောဆိုခြင်းဖြစ်သည်။

“ကိုဖိုးဖြူကို အခုချလိုက်တာက အသင်းအဖွဲ့ပုဒ်မ (၆) လား၊ ဒါမှမဟုတ် မတရားအသင်းဆက်သွယ်မှု (၁၇/၁)၊ (၁၇/၂) လားဆိုတာကို ကွဲကွဲပြားပြား မသိရဘူးဖြစ်နေတယ်၊ ဒါပေမဲ့ အဲဒီပုဒ်မတွေ နှစ်ခုစလုံးက ပြင်ဆင်ဖျက်သိမ်းသင့်တဲ့ ပုဒ်မတွေပါ” ဟု ပြောသည်။

ကိုဖိုးဖြူအား ယခုခဲ့သို့ ထောင်ဒဏ်ချမှတ်လိုက်ခြင်းကို မိသားစုဝင်များကလဲ သိခွင့်မရသေးဘဲ အတည်မပြုနိုင်သေးသည့် သတင်းအရ သရက်ထောင်တွင် ထားရှိသည်ဟု မကွေးမြို့ခံတဦးက ပြောသည်။

ကိုဖိုးဖြူသည် မကွေးတိုင်းမှ လယ်မြေသိမ်းဆည်းခံရမှုကို (ILO) သို့ တိုင်ကြားခဲ့သည့်အတွက် အဖမ်းခံခဲ့ရသည့် အောင်လံမြို့မှ ကိုဇော်ဌေးအမှုကို လိုက်ပါဆောင်ရွက်ပေးနေစဉ် ဖမ်းဆီးခံရပြီး ယခုကဲ့သို့ ထောင်ဒဏ်ချမှတ်ခံရခြင်း ဖြစ်သည်။

နိုင်ငံရေးအမှုများကို လိုက်ပါဆောင်ရွက်ပေးနေသည့် ရှေ့နေ ဦးအောင်သိန်း၊ ဦးခင်မောင်ရှိန်၊ လူငယ်ရှေ့နေ ကိုညီညီထွေးကိုလဲ ထောင်ဒဏ်များချမှတ်ခဲ့ပြီး ထိုင်း-မြန်မာနယ်စပ်သို့ တိမ်းရှောင်လာသည့် လူငယ်ရှေ့နေ ကိုစောကျော်ကျော်မင်းကိုလဲ မျက်ကွယ်ထောင်ဒဏ် (၆) လ ချမှတ်ထားသည်။

၂၀၁၀ လွန်ကာလမှာ (နအဖ)စစ်အစိုးရအတွက် ပြဿနာတွေပိုများမယ်

အဆိုးမြင်လွန်းတယ်လို့ ပြောချင်လည်း ပြောကြပေတော့။ မြင်တဲ့အတိုင်း ရေးလိုက်ပြီ။

ပြဿနာအားလုံးကို ဖြေရှင်းနိုင်မယ့် သော့ချက်ဟာ နိုင်ငံရေးအကျဉ်းသားအားလုံးကို ချွင်းချက်မရှိ လွှတ်ပေးဖို့နဲ့ တွေ့ဆုံ ဆွေးနွေးဖို့သာလျှင် ဖြစ်ပါတယ်။ ဒါပေမယ့် (နအဖ)စစ်အစိုးရဟာ ကမ်းလှမ်းအဆိုပြုမှုမှန်သမျှကို လစ်လျူရှုခဲ့ပြီး ငါ့မြင်းငါစိုင်းခဲ့လို့ တည်ရှိဆဲပြဿနာတွေကို မဖြေရှင်းနိုင်တဲ့အပြင် နောက်ထပ်ပြဿနာသစ်တွေကိုလည်း ထပ်မံ ဖန်တီးနေပြန်ပါတယ်။

ဒါပေမယ့် ပြည်တွင်းပြည်ပ ကလူတချို့က ထင်ယောင်မှားပြီး ၂၀၁၀ ရွေးကောက်ပွဲကျင်းပနိုင်ခဲ့ရင် (နအဖ)စစ်အစိုးရအနေနဲ့ ပန်းပန်နိုင်ပြီ၊ ပြည်တွင်းပြည်ပအတိုက်အခံတွေတော့ နိဂုံးချုပ်တော့မယ်လို့ ထင်နေကြပါတယ်။ ဒါကြောင့် “ရတဲ့အပေါက်က ဝင်ကြ၊ ရတဲ့အပေါက်က ဝင်ကြရမယ်”ဆိုတဲ့ အာဘော်ကို ဖန်တီးလာပါတယ်။

ဒီလိုဝင်သွားကြမယ့်သူတွေဟာ ဂုဏ်သိက္ခာပျက်ယွင်းပြီး (ပြည်သူလူထုက ရွံရှာမုန်းတီးပြီး) အနာဂတ်လည်း ပျောက်ဆုံးသွားပါလိမ့်မယ်။

၂၀၁၀ ရွေးကောက်ပွဲလွန်ကာလ ဖြစ်နိုင်ခြေများ

အောက်ပါပြဿနာ (၃) မျိုး ဖြစ်ရန် အလားအလာရှိနေပါတယ်။
၁။ ဖွဲ့စည်းပုံအခြေခံဥပဒေ (၂၀၀၈) က မဖြေရှင်းနိုင်ခဲ့သည့် ပြဿနာများ
၂။ ဖွဲ့စည်းပုံအခြေခံဥပဒေ (၂၀၀၈) က ယူဆောင်ဖန်တီးလာမည့် ပြဿနာများ
၃။ လက်ရှိကမ္ဘာ့စီးပွားရေးကပ်ကြောင့် တနွယ်ငင်တစင်ပါ သက်ရောက်လာမည့် ပြဿနာရပ်များ

၁။ ဖွဲ့စည်းပုံအခြေခံဥပဒေ (၂၀၀၈) က မဖြေရှင်းနိုင်ခဲ့သည့် ပြဿနာများ
- ၁၉၉၀ ပြည့်ရွေးကောက်ပွဲပြဿနာ
- အပစ်ရပ်တိုင်းရင်းသားများ၏ တည်ရှိမှုနှင့်ဆိုင်သော ပြဿနာများ

အထက်ပါပြဿနာများကို (န၀တ)လက်ထက်မှာ မဖြေရှင်းနိုင်ခဲ့သလို (နအဖ)လက်ထက်မှာလည်း ဖြေရှင်းနိုင်ခြင်း မရှိသေးပါဘူး။

ဒီပြဿနာတွေကိုမဖြေရှင်းနိုင်ခဲ့တဲ့အပြင် စစ်အုပ်စုအတွင်းပဋိပက္ခတွေကို ပိုမိုပြင်းထန် သည်းသန်လာစေခဲ့ပါတော့တယ်။ ဗိုလ်ချုပ်မှူးကြီးစောမောင် ရာထူးက အနားပေးလိုက်ရတာ၊ မူလ (နဝတ)အဖွဲ့ဝင်တွေဖြစ်တဲ့ ဗိုလ်ထွန်းကြည်၊ ဗိုလ်ကျော်ဘ စသူတွေကို အစုလိုက်အပြုံလိုက် အနားပေးလိုက်ရပါတယ်။ အတွင်းရေးမှူး (၂) ဗိုလ်တင်ဦး ရဟတ်ယာဉ်ပျက်ကျပြီး သေဆုံးခဲ့ရပါတယ်။ စစ်အုပ်စုရဲ့ခေါင်းကိုင်ဖခင်ကြီး ဗိုလ်နေဝင်း မိသားစုအဝန်းဝိုင်းနဲ့ အရာရှိတချို့ရဲ့ အာဏာသိမ်းပိုက်ရန် လှုပ်ရှားပေါ်ပေါက်ခဲ့တာ၊ နောက်ဆုံးမှာတော့ ဗိုလ်ခင်ညွန့်နဲ့ အမျိုးသားထောက်လှမ်းရေးအဖွဲ့ကြီးကို ဖယ်ရှားဖျက်သိမ်းလိုက်ရခြင်း ဖြစ်ပါတယ်။

ဒါ့အပြင် အမျိုးသားညီလာခံကို ၁၉၉၅ ခုနှစ်ကနေ ၂၀၀၄ ခုနှစ်အထိ မကျင်းပနိုင်ဘဲ ရပ်ဆိုင်းထားခဲ့ရတာ၊ ဒီပဲယင်း အကြမ်းဖက်လုပ်ကြံသတ်ဖြတ်မှုကြီး ပေါ်ပေါက်ခဲ့တာတွေဟာ ၁၉၉၀ ပြည့်ရွေးကောက်ပွဲပြဿနာကို မဖြေရှင်းနိုင်ရာကနေ ဆက်စပ်ဖြစ်ပွားလာခဲ့ရတဲ့ အကျိုးဆက်ပြဿနာများပဲ ဖြစ်ပါတယ်။

ဒီပြဿနာ ၂ ရပ်ကို (နအဖ)စစ်အစိုးရက ခပ်ကြမ်းကြမ်းသာ ကိုင်တွယ်ဖြေရှင်းမယ်ဆိုရင် (တစည)ပါတီက စိုးရိမ်နေတဲ့ လူထုအုံကြွမှုတွေ၊ ပြည်တွင်းစစ်အန္တရာယ်တွေကို မန်းမှုတ်ခေါ်ယူလိုက်သလို ဖြစ်ပါလိမ့်မယ်။ ဖမ်းဆီးထိန်းသိမ်းထားတဲ့ နိုင်ငံရေးအကျဉ်းသားတွေကို လွှတ်မပေးနိုင်တဲ့အပြင် နောက်ထပ် ဖိနှိပ်မှုနဲ့ ဖမ်းဆီးတွေ တသီကြီး ဖြစ်ပေါ်လာစရာ အလားအလာတွေ ရှိနေပါတယ်။

တကယ်တော့ (နအဖ) စစ်အစိုးရ တည်ရှိနေတဲ့ နိုင်ငံရေးပြဿနာတွေကို မဖြေရှင်းနိုင်ဘဲ သူတို့ချမှတ်ထားတဲ့ လမ်းပြမြေပုံအတိုင်း ဆက်လက် ထင်ရာစိုင်းနေလေတော့ နောက်ထပ်ပြဿနာသစ်တွေကို ယူဆောင်ဖန်တီးနေသလို ဖြစ်နေပါတော့တယ်။

၂။ ဖွဲ့စည်းပုံအခြေခံဥပဒေ (၂၀၀၈) က ယူဆောင်ဖန်တီးလာမည့်ပြဿနာများ
- သမတနှင့် ကာကွယ်ရေးဦးစီးချုပ် ရွေးချယ်ရေးပြဿနာ
- နိုင်ငံရေးအားပြိုင်မှုများ
- လွှတ်တော်တွင်းတိုက်ပွဲများ

ဒီပြဿနာဟာ စစ်အုပ်စုအတွင်းမှာ ဖုံးကွယ်ထားလို့မရနိုင်တဲ့ ပြဿနာဖြစ်ပါတယ်။ ဘယ်သူသမတလုပ်ပြီး ဘယ်သူက ကာကွယ်ရေးဦးစီးချုပ်လုပ်မလဲ၊ ၂၅ % သော စစ်သားအမတ်တွေ ဘယ်သူတွေဖြစ်မလဲ၊ ဘယ်သူတွေက အဆိုပြုဆုံးဖြတ်မလဲ၊ အဲဒီလို ဆုံးဖြတ်နိုင်တဲ့အာဏာကို ဘယ်သူက ကိုင်ထားမလဲ၊ ဒါတွေဟာ ဖွဲ့စည်းပုံအခြေခံဥပဒေ (၂၀၀၈)က ယူဆောင်ဖန်တီးလာမယ့် ပြဿနာများအနက် အဓိကကျတဲ့ ပြဿနာတွေ ဖြစ်ဖွယ်ရှိပါတယ်။

ဒီအခြေခံဥပဒေ (၂၀၀၈) အာဏာတည်လာတဲ့အခါ တစ်တိုင်းတပြည်လုံးရဲ့ အာဏာမှန်သမျှကို ချုပ်ကိုင်ထားမယ့် အဖွဲ့အစည်းဟာ လွှတ်တော်မဟုတ်ဘဲ ကာကွယ်ရေးဦးစီးချုပ် ဦးဆောင်တဲ့ အမျိုးသားကာကွယ်ရေးနဲ့ လုံခြုံရေးကောင်စီ (မကလ) ဖြစ်ပါတယ်။ သမတနဲ့ ကာကွယ်ရေးဦးစီးချုပ်တို့ ဘယ်လောက် အပေးအယူတည့်မလဲဆိုတာဟာ ဖွဲ့စည်းပုံအခြေခံဥပဒေ (၂၀၀၈) က ယူဆောင်လာမယ့် ပြဿနာများရဲ့ မောင်းခလုတ်ပဲ ဖြစ်ပါတယ်။

ဖွဲ့စည်းပုံအခြေခံဥပဒေ (၂၀၀၈) ဆိုတာ ကာကွယ်ရေးဦးစီးချုပ်က အရာရာကို ဆုံးဖြတ်ချယ်လှယ်ထားတဲ့ အခြေခံဥပဒေ ဖြစ်ပါတယ်။ ကျနော်တို့က ဒါကြောင့် စစ်အာဏာရှင်စနစ် ထာဝစဉ် သက်ဆိုးရှည်ဖို့ ရေးဆွဲထားတဲ့ ဥပဒေလို့ အကဲဖြတ်ထားတာဖြစ်ပါတယ်။ ရတဲ့အပေါက်က ဝင်ကြ၊ ရတဲ့အပေါက်က ဝင်ကြမယ်ဆိုရင် တစ်သက်လုံး ခေါင်းငုံ့သွားရဖို့ပဲ ရှိပါတယ်။

အခန်း (၁၀) နိုင်ငံရေးပါတီများဆိုတာမှာ ကြည့်ပါ။ ပုဒ်မ (၆) ခု ရှိပါတယ်။ ပုဒ်မ (၄၀၉) အရ နိုင်ငံရေးပါတီများ ဥပဒေ၊ ရွေးကောက်ပွဲဥပဒေ စတာတွေ ပြဌာန်းလာတဲ့အခါ နိုင်ငံရေးပါတီများရဲ့ အနေအထားဟာ ဘယ်လိုရှိလာမလဲဆိုတာ အသေအချာ တွက်ချက်နိုင်ပါလိမ့်မယ်။ မကြာခင် ဒီဥပဒေတွေ ပေါ်ထွက်လာပါတော့မယ်။

သေချာတာတော့ လှုပ်နိုင်မှာမဟုတ်ပါဘူး။ ဝါးလုံးခေါင်းထဲ ဝင်မိတဲ့ ကျွဲလိုပဲ ဖြစ်ပါလိမ့်မယ်။ “ရတဲ့အပေါက်က ဝင်ကြ၊ ရတဲ့အပေါက်က ဝင်ကြရမယ်”လို့ ဆိုနေသူတွေ သတိပြုရမယ့်ကိစ္စဖြစ်ပါတယ်။

(၁၉၇၄) မဆလ အခြေခံဥပဒေမှာ မြန်မာ့ဆိုရှယ်လစ်လမ်းစဉ်ပါတီသည် တစ်ခုတည်းသော ပါတီဖြစ်သည်၊ နိုင်ငံတော်ကို ဦးဆောင်သည်လို့ လုပ်ခဲ့သလိုပဲ။ အခု (နအဖ)စစ်အစိုးရရဲ့ အခြေခံဥပဒေ (၂၀၀၈) ကလည်း ကာကွယ်ရေးဦးစီးချုပ်က အရာရာကို ဆုံးဖြတ်မှာဖြစ်ပါတယ်။ ဒါကို ပြေပြေပြစ်ပြစ်နဲ့ ကြည့်ကောင်းစေဖို့နဲ့ တုံးတိလည်းမဖြစ်၊ ဒဲ့ဒိုးလည်းမကျအောင် “အမျိုးသားနိုင်ငံရေး ဦးဆောင်မှုအခန်းတွင် တပ်မတော်က ပါဝင်ရေး”ဆိုပြီး ရေးထားတာဖြစ်ပါတယ်။ အနှစ်သာရက ကာကွယ်ရေးဦးစီးချုပ်က အာဏာအရပ်ရပ်ကို ချုပ်ကိုင်ထားတဲ့ စစ်အာဏာရှင်စနစ်ပဲ ဖြစ်ပါတယ်။ “ရတဲ့အပေါက်က ဝင်ကြ၊ ရတဲ့အပေါက်က ဝင်ကြရမယ်” ဆိုတာ စိတ်ကူးယဉ်တာပဲ ဖြစ်ပါလိမ့်မယ်။

၃။ လက်ရှိကမ္ဘာ့စီးပွားရေးကပ်ကြောင့် တနွယ်ငင်တစင်ပါ သက်ရောက်လာမည့် ပြဿနာရပ်များ
- စီးပွားရေး
- လူမှုရေး
- ပညာရေး
- ကျန်းမာရေးဆိုင်ရာ ပြဿနာများ

ကျနော်တို့တိုင်းပြည်ဟာ စိုက်ပျိုးရေးထွက်ကုန်နဲ့ မြေပေါ်အောက် ရေပေါ်ရေအောက် သယံဇာတ ရောင်းစားရတဲ့ တိုင်းပြည်ဖြစ်ပါတယ်။

အဓိကကုန်သွယ်နေတာကလည်း အာစီယံထဲက ( စင်္ကာပူ၊ မလေးရှား၊ ထိုင်း) တို့နဲ့ အိမ်နီးချင်း အိန္ဒိယ၊ တရုတ်တို့နဲ့ပဲ ဖြစ်ပါတယ်။ ဒီတိုင်းပြည်တွေဟာ လက်ရှိစီးပွားပျက်ကပ်ရဲ့ ဂယက်ကို ခံစားနေရပါပြီ။ ဒါရဲ့ ဆင့်ပွားဂယက်ကို ကျနော်တို့နိုင်ငံ ခံရမှာပါ။ အခု စိုက်ပျိုးရေးထွက်ကုန်တွေနဲ့ မွေးမြူရေးနဲ့ ရေထွက်ကုန်ပစ္စည်းတွေ ဈေးကျပါတယ်။ ဒါပေမယ့် ထုတ်လုပ်ကုန်ကျစရိတ်က မကျပါဘူး။ ဒီတော့ စိုက်ပျိုးထုတ်လုပ်သူ တောင်သူတွေ နစ်နာပါတယ်။ ဒီတော့ ဘယ်သူမှ တိုးထုတ်ဖို့ စိတ်မကူးပါဘူး။ ကျနော်တို့ပို့ကုန်ဆိုတာ ပြည်ပပို့ကုန် ပဲမျိုးစုံတို့၊ ပုဇွန်သားငါးနဲ့ သဘာဝဓါတ်ငွေ့၊ ကျောက်မြက်ရတနာလောက် ရှိတာပါ။ စီးပွားပျက်ကပ် ကြုံနေရသူတွေက ဒါတွေကို သူတို့နိုင်ငံတွေက အခု ဝယ်ဖို့ စိတ်မဝင်စားပါဘူး။

ပြည်ပတင်ပို့မှုတွေ လျော့နည်းလာတာနဲ့ပတ်သက်ပြီး “လယ်ယာဏ္ဍ ဖွံ့ဖြိုးတိုးတက်ရေးနှင့် ထုတ်ကုန်အမယ်များ ထုတ် လုပ်တင်ပို့နိုင်ရေး ညှိနှိုင်းအစည်းအဝေး” (၁ ဒီဇင်္ဘာ ၂၀၀၈ နေပြည်တော်) တွင် ပြောကြားသည့် ဝန်ကြီးချုပ် ဗိုလ်သိန်းစိန် မိန့်ခွန်းမှ ကောက်နှုတ်ချက်များဖြင့် ကိုးကားပြလိုက်ပါတယ်။

- ၂၀၀၈ ခုနှစ် အောက်တိုဘာလကုန်အထိ ပြီးခဲ့သော နှစ်နှင့် နှိုင်းယှဉ်ကြည့်လျှင် လယ်ယာထွက်ကုန်ပစ္စည်းအုပ်စုတွင် ဆန်၊ ပြောင်း၊ နှမ်း တင်ပို့မှုသည် ပိုမိုများပြားသော်လည်း ပဲအမျိုးအမျိုး တင်ပို့မှုတန်ဖိုးသည် ၅ ဒသမ ၄ ရာခိုင်နှုန်းခန့်၊ ရော်ဘာ ၀ ဒသမ ၇ ရာခိုင်နှုန်းခန့်စီ လျော့နည်းပါကြောင်း
- တိရစ္ဆာန်ထွက်ပစ္စည်းအုပ်စုတွင် ယခင်နှစ် အလားတူကာလထက် တန်ဖိုး ၂၅ ဒသမ ၄ ရာခိုင်နှုန်း တိုးသော်လည်း ရေထွက်ပစ္စည်းအုပ်စုတွင် တန်ဖိုး ၆ ဒသမ ၁ ရာခိုင်နှုန်းလျော့နည်းပါကြောင်း
- ငါးတင်ပို့မှုမှာ တန်ဖိုး ၁ ဒသမ ၇ ရာခိုင်နှုန်းခန့်၊
- ပုစွန်တင်ပို့မှုတန်ဖိုးသည် ၄ ဒသမ ၂ ရာခိုင်နှုန်းခန့် လျော့နည်းခဲ့ပါကြောင်း
- အလားတူ သစ်တောထွက်ပစ္စည်းအုပ်စုတွင် ၀ ဒသမ ၆ ရာခိုင်နှုန်း လျော့နည်းပြီး
- စက်မှုကုန်ချောအုပ်စုတွင် ၁၅ ဒသမ ၉ ရာခိုင်နှုန်း လျော့နည်းပါကြောင်း
- ဓါတ်ငွေ့တင်ပို့ရောင်းချမှုတန်ဖိုးမှာလည်း ၁၈ ဒသမ ၂ ရာခိုင်နှုန်းခန့် လျော့နည်းနေကြောင်း

ဒီအချက်တွေဟာ လွန်ခဲ့တဲ့ ၃ လနီးပါးကာလက အချက်အလက်တွေ ဖြစ်ပါတယ်။ နောက်ပိုင်းမှာ ဘယ်လောက်အထိ ကျဆင်းသွားမလဲဆိုတာ ခန့်မှန်းတွက်ဆကြည့်နိုင်ပါတယ်။

သူတို့ပြောနေတဲ့ စက်မှုဇုန် (၁၉) ခုဆိုတာကလည်း လျှပ်စစ်မီး မှန်မှန်မလာလို့ မလည်ပတ်နိုင်ပါဘူး။ မီးစက်နဲ့ လည်ဖို့ဆိုရင်လည်း စရိတ်ထောင်းလို့ တွက်ခြေမကိုက်ပါဘူး။ ဒီတော့ အောက်ပါပြဿနာတွေဟာ တက်လာမှာ သေချာသလောက်ပါပဲ။ နိုင်ငံရေးအကျဉ်းသားတော့ မလွှတ်ဘဲ ရာဇ၀တ်သား (ခိုးဆိုးနှိုက်) တွေကို စေတနာဗလပွနဲ့ လွှတ်ပေးနေတော့ ရာဇ၀တ်မှုတွေဖြစ်လာအောင် (နအဖ) စစ်အစိုးရကိုယ်တိုင် ဖန်တီးပေးနေတာကို ရှင်းရှင်းမြင်နိုင်ပါတယ်။ အကျဉ်းသား (၆၃၁၃) ယောက် လွှတ်တာမှာ နိုင်ငံရေးအကျဉ်းသားက (၂၉ ) ယောက်ပဲ ပါတယ်လို့ စောင့်ကြည့်လေ့လာသူတွေက ပြောနေပါတယ်။ (နအဖ) စစ်အစိုးရရဲ့ အကျဉ်းသားလွှတ်ပေးမယ်ဆိုတဲ့ ကြေညာချက်မှာပါတဲ့ “လူသားချင်းစာနာထောက်ထားမှု၊ သနားချစ်ခင်မှု၊ မိသားစုများအား ငဲ့ညှာမှု” ဆိုတဲ့ အချက်တွေဟာ နိုင်ငံရေး အကျဉ်းသားတွေအပေါ်မှာ ထားရှိတာမဟုတ်ဘဲ (ခိုးဆိုးနှိုက်)ဆိုတဲ့ ရာဇဝတ်သားတွေအပေါ်မှာ ထားတယ်ဆိုတာ သိပ်ပေါ်လွင်ထင်ရှားပါတယ်။ နိုင်ငံရေးအကျဉ်းသားတွေကိုတော့ မိသားစုနဲ့ဝေးတဲ့ ထောင် ပြောင်းတယ်၊ တိုက်ပိတ်ထားတယ်။

ဒီအချက်အလက်တွေကို ပေါင်းရုံးသုံးသပ်ကြည့်လိုက်ရင် (နဝတ-နအဖ) စစ်အစိုးရဟာ ပြဿနာဟောင်းတွေကို မဖြေရှင်း နိုင်တဲ့အပြင် ပြဿနာအသစ်တွေကိုပါ ထပ်မံဖန်တီးနေတာကို တွေ့မြင်နိုင်ပါလိမ့်မယ်။ ဒါ့အပြင် ဗမာပြည်ဟာ ပေါက်ကွဲတော့မယ့် ယမ်းအိုးကြီးနဲ့တူနေတာကို တွေ့မြင်နိုင်ပါလိမ့်မယ်။

ချုပ်ပြီးပြောရရင် ၂၀၁၀ ရွေးကောက်ပွဲလွန်ကာလမှာ ဖြေရှင်းရမယ့် ပြဿနာတွေဟာ ပိုမိုးများပြားသလောက် ရှုပ်ထွေးပါလိမ့်ဆိုတာပါပဲ။ ပြီးတော့ ဒီပြဿနာတွေကို ပြေလည်ကောင်းမွန်စွာ ဖြေရှင်းနိုင်စေမယ့် နည်းလမ်းတွေ (နအဖ) စစ်အစိုးရ အတင်းအကြပ် အတည်ပြုထားတဲ့ ဖွဲ့စည်းပုံအခြေခံဥပဒေ (၂၀၀၈) မှာ မပါရှိဘူးဆိုတာပါပဲ။

ဒါကြောင့် ဒီအချက်အလက်တွေပေါ်ကပြောရင် ကျနော်တို့အတွက် ပြင်ဆင်မှုကောင်းဖို့လိုတယ်ဆိုတာနဲ့ လူထုအုံကြွမှုဆိုတာ ကျနော်တို့ ဘယ်လောက် ပြင်ဆင်စည်းရုံး စုစည်းထားနိုင်သလဲဆိုတဲ့ အချက်အပေါ်မှာသာ တည်မှီနေပါတယ်။

××××××

တူမောင်ညို (၂၀၀၉ ခုနှစ်၊ မတ် ၂ ရက်)

အမျိုးသမီးနှင့် နိုင်ငံရေးပါဝင်ပက်သက်မှု

အစဉ်အလာ၊ ဓလေ့ထုံးစံတွေက အမျိုးသမီးတွေကို အားနည်းသူများလို့ သတ်မှတ်ထားခဲ့ကြပါတယ်။ ဒါကြောင့်လဲ အမျိုးသမီးတွေဟာ မိသားစုအတွင်းမှာရော၊ ပြင်ပမှာပါ အမျိုးသားများအပေါ်မှာ မှီခိုနေရသူများအဖြစ် ခွဲခြားဆက်ဆံခံခဲ့ကြရပါတယ်။ အမျိုးသမီးတွေကို မျိုးဆက်သစ်ပြန့်ပွားရေး၊ အိမ်မှုကိစ္စပြုလုပ်ရေး လုပ်ငန်းဆောင်တာများ လုပ်ကိုင်ဖို့အတွက်သာ သတ်မှတ်ထားခဲ့ကြပြီး အမျိုးသမီးများရဲ့ နိုင်ငံရေးပါဝင်ပတ်သက်မှုကဏ္ဍကို လျစ်လျူရှုခံခဲ့ရပါတယ်။ အမျိုးသမီးတွေဟာ နိုင်ငံရေးရာနဲ့ ပတ်သက်ပြီး စိတ်ဝင်စားမှုနည်းပါးတယ်လို့ ယူဆခဲ့ကြပါတယ်။ ဒါနဲ့ပတ်သက်ပြီး နိုင်ငံရေးပါဝင်ပတ်သက်မှုသဘောတရား၊ အမျိုးသမီးများရဲ့ နိုင်ငံရေးပါဝင်ပတ်သက်မှုကို လျော့နည်းစေတဲ့ အကြောင်းတရားများနဲ့ အမျိုးသမီးများရဲ့ နိုင်ငံရေးပါဝင်ပတ်သက်မှုကို တိုးမြှင့်ပေးနိုင်မယ့် မဟာဗျုဟာများအကြောင်းကို ရေးသားတင်ပြပါမယ်။

နိုင်ငံရေးပါဝင်ပတ်သက်မှုဆိုရာဝယ်

နိုင်ငံရေးပါဝင်ပတ်သက်မှုဆိုတာ လူပုဂ္ဂိုလ်တစ်ဦးချင်းကပဲဖြစ်ဖြစ်၊ အုပ်စုဖွဲ့ပြီးဖြစ်ဖြစ် သူတို့ရဲ့ ဘဝတွေအပေါ်မှာ သက်ရောက်မှုရှိစေမယ့် အစိုးရလုပ်ငန်းဆောင်တာတွေအပေါ်မှာ တက်ကြွစွာ ပါဝင်ပတ်သက်မှုဖြစ်ပါတယ်။ ဒီလိုပါဝင်ပတ်သက်ရာမှာ ဆုံးဖြတ်ချက်ချမှတ်တဲ့ ကိစ္စရပ်တွေမှာ ပါဝင်ရတာ ရှိသလို အတိုက်အခံအဖြစ် ပါဝင်ပတ်သက်မှုတွေလဲ ရှိမှာ ဖြစ်ပါတယ်။ နိုင်ငံရေးသိပ္ပံပညာရှင်များက နိုင်ငံရေးပါဝင်ပတ်သက်မှုဆိုတာကို ပုံသဏ္ဍာန်နှစ်မျိုး ခွဲခြားသတ်မှတ် ထားကြပါတယ်။ ပထမတမျိုးကတော့ သမရိုးကျ နိုင်ငံရေးလုပ်ငန်းဆောင်တာဖြစ်တဲ့ နိုင်ငံရေးပါတီတွေ၊ နိုင်ငံရေးအဖွဲ့အစည်း တွေမှာ ပါဝင်ဆောင်ရွက်တဲ့ conventional politics သဏ္ဍာန်ဖြစ်ပါတယ်။ လူ့အဖွဲ့အစည်းအတွင်းမှာ ဒီလိုသမရိုးကျ နိုင်ငံရေးရာတွေကို လုံးဝစိတ်ဝင်စားမှုမရှိတဲ့ totally inactive လူတွေရှိသလို၊ နိုင်ငံရေးသမားဘဝကို အလုံးစုံ ခံယူသွားတဲ့ complete activists တွေလဲ ရှိပါတယ်။ ဒီကြားထဲမှာ ရွေးကောက်ပွဲနဲ့ ပတ်သက်တာတွေကိုပဲ စိတ်ဝင်စားတဲ့ voting specialsts တွေ၊ မိမိရဲ့ကိုယ်ရေးကိုယ်တာနဲ့ သက်ဆိုင်မယ့် နိုင်ငံရေးရာလောက်ကိုပဲ စိတ်ဝင်းစားတဲ့ parochial participants တွေ၊ ဒေဆိုင်ရာကိစ္စရပ်တွေကိုပဲ စိတ်ဝင်စားတဲ့ campaigners တွေစသည်ဖြင့် လူအမျိုးမျိုး၊ စိတ်အထွေထွေ ရှိပါတယ်။

အခုလို သမရိုးကျနိုင်ငံရေးမှာ ပါဝင်ပတ်သက်တာမဟုတ်ပဲ ချီတက်ပွဲတွေ၊ ဆန္ဒပြပွဲတွေ၊ တော်လှန်းရေးဆင်နွှဲမှုတွေအနေနဲ့ ပါဝင်တာကိုတော့ Contentious Politics အသွင်သဏ္ဍာန်နဲ့ နှိင်ငံရေးရာ ပါဝင်ပတ်သက်မှုလို့ ခေါ်ဆိုပါတယ်။ ဒီအသွင်သဏ္ဍာန်နှစ်မျိုးမှာ တူညီမှုတွေ ရှိသလို ခြားနားမှုတွေလဲ ရှိပါတယ်။ တူညီမှုတွေကတော့ စနစ်တကျ ဖွဲ့စည်းတည်ထောင်ထားတဲ့ အဖွဲ့အစည်းတွေဟာ ပုံစံနှစ်မျိုးလုံးမှာ ပါဝင်ပါတယ်။ ဒါ့အပြင် လူ့အဖွဲ့အစည်းက လေးစားမှုရှိတဲ့ ပုဂ္ဂိုလ်များ ပါဝင်နေတတ်သလို ပုံမှန်စနစ်တကျ စီမံချက်နဲ့ ပြုလုပ်တဲ့ လုပ်ငန်းဆောင်တာတွေလဲ အသွင်နှစ်မျိုးလုံးမှာ ရှိပါတယ်။ ခြားနားချက်ကတော့ contentious politics ဟာinstitutionalized political boundaries ရဲ့ ပြင်ပမှာ လှုပ်ရှားတာဖြစ်သလို၊ ပါဝင်ဆောင်ရွက်သူများကလဲ ဒီလို institutional channels တွေဟာ အလုပ်မဖြစ်ဘူးလို့ ထင်မြင်ယူဆကြတာ ဖြစ်ပါတယ်။

နှစ်ဆယ်ရာစုကာလ မတိုင်ခင်အထိ ဒီအသွင်သဏ္ဍာန်နှစ်မျိုးလုံးမှာ အမျိုးသမီးတွေ ပါဝင်ပတ်သက်မှုအပေါ် ကန့်သတ်ချက်တွေ အများအပြား ရှိခဲ့ပါတယ်။ နှစ်ဆယ်ရာစုနှောင်းပိုင်းကာလရောင်တော့ လူ့အဖွဲ့အစည်းတွေရဲ့ အတွေးအခေါ်တွေ၊ စိတ်နေစိတ်ထားတွေ တိုးတက်မြင့်မားလာတာနဲ့အမျှ အမျိုးသမီးတွေရဲ့ contentious politics မှာ ပါဝင်ပတ်သက်မှုနှုန်းဟာ သိသိသာသာ မြင့်တက်လာသလို conventinal politics မှာ ပါဝင်ပတ်သက်လာကြတဲ့ အမျိုးသမီးပါလီမန်အမတ်တွေ၊ နိုင်ငံရေးခေါင်းဆောင်တွေ၊ နိုင်ငံတော်အကြီးအကဲတွေလဲပေါ်ထွက်လာပါတယ်။ ဒါပေမယ့် တချို့သော ခေတ်နောက်ပြန်ဆွဲ အတွေးအခေါ်တွေရှိနေတဲ့ လူ့အဖွဲ့အစည်းတွေ၊ စိတ်ဓာတ်ပိုင်းဆိုင်ရာ တိုးတက်ခေတ်မှီမှု နောက်ကျနှေးကွေးတဲ့ အမျိုးသားတစ်စုကသာ အာဏာရနေတဲ့ နိုင်ငံတွေ၊ နိုင်ငံရေးအဖွဲ့အစည်းတွေမှာကျတော့ အမျိုးသမီးများရဲ့ နိုင်ငံရေးပါဝင်ပတ်သက်မှုတွေကို နည်းမျိုးစုံနဲ့ ကန့်သတ်ထိန်းချုပ်ထားတတ်ကြပါတယ်။

အမျိုးသမီးများရဲ့ နိုင်ငံရေးပါဝင်ပတ်သက်မှုကို လျော့နည်းစေသော အကြောင်းရင်းများ

(၁) အတွေးအခေါ်

နိုင်ငံရေးသိပ္ပံလေ့လာသူ Eisenstein ကတော့ အမျိုးသားတွေ ဦးဆောင်လွှမ်းမိုးတဲ့ စနစ်အနေနဲ့ Patriarchy ဟာ ဇဝဗေဒအရ ကွဲပြားမှုရှိနေတဲ့ ကျား၊ မကို အမျိုးသားတွေအပေါ် အလေးပေးထားတဲ့ လူနေမှုစနစ်ပုံစံထဲက အမျိုးသား၊ အမျိုးသမီးတွေအဖြစ် အစဉ်အဆက် ခွဲခြားလာမှုတွေကြောင့် အမျိုးသမီးတွေဟာ နိုင်ငံရေးနဲ့ ဝေးကွာလာတယ်လို့ ဆိုထားခဲ့ပါတယ်။ နိုင်ငံရေးသိပ္ပံလေ့လာသူ Rich ကလဲ Patriarchy ဆိုတာကို အမျိုးသားတွေကနေ တိုက်ရိုက်အင်အားတွေ၊ ဖိအားပေးမှုတွေ၊ ဓလေ့ထုံးစံတွေ၊ အဆိုအမိန့်တွေ၊ ဘာသာစကားတွေ၊ ပညာရေးစာအုပ်စာတမ်းတွေ၊ အလုပ်ခွဲဝေသတ်မှတ်မှုတွေ၊ ဘာသာတရားအဆိုအမိန့်တွေကို အသုံးပြုပြီး အမျိုးသမီးတွေကို ဘယ်ကဏ္ဍမှာပါရမယ်၊ မပါရဘူး စသဖြင့် လွှမ်းမိုးချုပ်ကိုင်တဲ့ လူမှုရေး၊ ဝါဒဖြန့်ချိရေး၊ နိုင်ငံရေးဆိုင်ရာ စနစ်တခုလို့ အဓိပ္ပာယ်ဖွဲ့ဆိုထားခဲ့ပါတယ်။ များသောအားဖြင့် ဒီလို အတွေးအခေါ်တွေဟာ အမျိုးသမီးတွေကို အိမ်တွင်းဝန်းကျင်မှာသာ မိခင်၊ ဇနီးအနေနဲ့ နေထိုင်ကျင်လည်စေပြီး၊ အမျိုးသားတွေကိုသာ public sphere နဲ့ ပါဝင်ပတ်သက်စေခဲ့ပါတယ်။


ဒါကြောင့်လဲ ကိုယ့်ဘဝအပေါ်မှာပါ သက်ရောက်မှုရှိနေတဲ့ နိုင်ငံရေးရာတွေမှာ အမျိုးသမီးရဲ့ ပါဝင်ဆောင်ရွက်ခွင့်တွေ အားနည်းလာခဲ့ကြတာပါ။ အမျိုးသမီး အခွင့်အရေးလှုပ်ရှားသူတွေနဲ့ တိုးတက်တဲ့ အမြင်ရှိတဲ့ အမျိုးသားအချို့ကြောင့်သာ နောက်ပိုင်းမှာ တစတစ အမျိုးသမီးတွေရဲ့ မဲပေးပိုင်ခွင့်၊ ပါလီမန်အမတ်ရွေးချယ်ခံခွင့်၊ ဆန္ဒပြပွဲများမှာ ဦးဆောင်ပါဝင်ခွင့် စတဲ့ အခွင့်အရေးတွေရရှိလာခဲ့ကြတာပါ။ အခွင့်အရေးဆိုတာ အိမ်ထဲ ထိုင်နေရုံနဲ့ အလိုလိုရလာမယ့် အရာမဟုတ်ပါဘူး။ ပထမဆုံး မိမိမှာ ရပိုင်ခွင့်တွေ၊ အခွင့်အရေးတွေ ရှိတယ်ဆိုတာ သိရပါမယ်။ ဒီအတွက် အမျိုးသမီးအခွင့်အရေး လှုပ်ရှားသူတွေက အသိပညာပေးရပါမယ်။ ဒီလိုလာပြီဆိုတဲ့အခါမှာလဲ တောင်းယူ၊ တိုက်ယူရပါမယ်။ မွေးရာပါ လူ့အခွင့်အရေးကို တခြားလူတစ်ယောက်ပဲဖြစ်ဖြစ်၊ နိုင်ငံအုပ်ချုပ်သူတစ်စုရဲ့ လက်ထဲကိုပဲဖြစ်ဖြစ် ထိုးအပ်ပြီး ချုပ်ကိုင်ခြယ်လှယ်ခွင့်ပေးထားရင် လူဖြစ်ရကျိုးမနပ်ပဲ ဖြစ်တတ်ပါတယ်။ လူသားတိုင်းဟာ မွေးရာပါ လူ့အခွင့်အရေးကို ခံစားခွင့် ရှိသင့်ပါတယ်။

(၂) နိုင်ငံရေးရာ

နိုင်ငံရေးတွေဖြစ်တဲ့ နိုင်ငံရေးပါတီတွေ၊ နိုင်ငံရေးအဖွဲ့အစည်းတွေ၊ နိုင်ငံရေးယဉ်ကျေးမှုတွေမှာ အမျိုးသားများကသာ လွှမ်းမိုးချုပ်ကိုင်မှုဟာလဲ အမျိုးသမီးများရဲ့ နိုင်ငံရေးပါဝင်ပတ်သက်မှုကို ကန့်သတ်ထားပါတယ်။ နိုင်ငံရေးပါတီခေါင်းဆောင်တွေမှာ၊ အစိုးရထဲမှာ အမျိုးသားတွေပဲ ပါဝင်နေခဲ့ရင် နိုင်ငံရေးရာ ကိစ္စရပ်တွေကို အမျိုးသားအမြင်နဲ့သာ ကြည့်ရှုဆုံးဖြတ်တတ်ကြတာကြောင့်၊ လူဦးရေတစ်ဝက်ကျော်ရှိတဲ့ အမျိုးသမီးတွေကို လျစ်လျူရှုထားတာနဲ့ အတူတူပါပဲ။ ဒါကြောင့် ဒီလို နိုင်ငံရေးပါတီတွေ၊ အဖွဲ့အစည်းတွေ၊ အစိုးရတွေကို လူထုအားလုံးကို ကိုယ်စားပြုတယ်လို့ မသတ်မှတ်နိုင်ပါဘူး။ အစဉ်အလာတွေအရ အမျိုးသားတွေဟာ အမျိုးသမီးတွေကို နိုင်ငံရေးနဲ့ ဆက်သွယ်လာရင်တောင် ဇနီး၊ မိခင်တွေအနေနဲ့သာ ခေါ်ဆောင်လာတတ်ကြပါတယ်။ ဒါကို contentious politics conventional politics တွေမှယ အမျိူးသမီးတွေ ပါဝင်လာတယ်လို့ မသတ်မှတ်နိုင်ပါဘူး။

(၃) ယဉ်ကျေးမှုနဲ့ စီးပွား၊ လူမှုရေးရာ

ကမ္ဘာ့နိုင်ငံတော်တော်များများဟာ အမျိုးသမီးတွေရဲ့ မြေပိုင်ဆိုင်မှုတွေ၊ စီးပွားရေး လုပ်ကိုင်ဆောင်ရွက်ခွင့်တွေကို ကန့်သတ်ထိန်းချုပ် ထားကြပါတယ်။ ဒါကြောင့်လဲ အမျိုးသမီးများရဲ့ နိုင်ငံရေး ပါဝင်ပတ်သက်မှု အခွင့်အလမ်းတွေ နည်းပါးနေရတာ ဖြစ်ပါတယ်။ နောက်တစ်ခက်က အမျိုးသမီးတွေဟာ အမျိုးသားတွေအပေါ် မှီခိုသူတွေလို့ သတ်မှတ်ထားတဲ့ အမြင်တွေ၊ အမျိုးသမီးတွေ အပေါ် နှိမ့်ချဆက်ဆံမှုစတာတွေဟာ အမျိုးသမီးများရဲ့ နိုင်ငံရေးပါဝင်ပတ်သက်မှုကို ကန့်သတ်ထားပါတယ်။ နိုင်ငံအများစုရဲ့ ပညာရေး၊ ကျန်းမာရေး၊ အလုပ်အကိုင်ရရှိမှု၊ ဝင်ငွေ၊ ပိုင်ဆိုင်မှုစတဲ့ကဏ္ဍတွေမှာ အမျိုးသားနဲ့ အမျိုးသမီးများအကြား ကွဲပြားခြားနားမှု (gender disparities) တွေရှိနေဆဲပါပဲ။ တကယ်တော့ အမျိုးသမီးတွေဟာ ဒီနိုင်ငံတွေရဲ့ လူဦးရေ တဝက်ကျော်ကို ကိုယ်စားပြုနေတာဖြစ်ပါတယ်။ ဒါကြောင့် အမျိုးသမီးတွေရဲ့ ပညာရေး၊ ကျန်းမာရေး၊ ဝင်ငွေတွေ ယုတ်လျော့နေခြင်းဟာ လူ့အဖွဲ့အစည်းတစ်ခုလုံးရဲ့၊ တစ်နိုင်ငံလုံးရဲ့ ပညာရေး၊ ကျန်းမာရေး၊ ဝင်ငွေတွေ ယုတ်လျော့နေတာပဲ ဖြစ်ပါတယ်။

နောက်တစ်ချက်က အလုပ်ခွဲဝေမှုနဲ့ ဆိုင်ပါတယ်။ အိမ်မှုကိစ္စတွေ၊ ကလေးသူငယ်ပြုစုပျိုးထောင်မှုတွေကို အမျိုးသမီးတွေရဲ့အလုပ်လို့ ယူဆထားတဲ့ အစဉ်အလာတွေကြောင့် အချိန်ရှားပါးမှုပြဿနာကို အမျိုးသမီးတွေ ရင်ဆိုင်နေကြရပါတယ်။ ဥပမာ- အမျိုးသမီတစ်ယောက်ဟာ အိမ်မှုကိစ္စတွေ၊ ချက်ပြုတ်ရေးတွေကိုလဲ အလုပ်မသွားခင်ပြုလုပ်ရမယ်၊ အိမ်ဝင်ငွေအတွက်လဲ အလုပ်လုပ်ရမယ်၊ အလုပ်ကပြန်လာရင်လဲ ကလေးသူငယ်တာဝန်တွေ၊ ချက်ပြုတ်ရေးတာဝန်တွေပါ ယူရမယ်၊ သူ့အမျိုးသားကတော့ အလုပ်လေးပဲ လုပ်နေမယ်ဆိုရင် ဒီအမျိုးသားဟာ မိသားစုတာဝန်ရဲ့ သုံးပုံတစ်ပုံကိုသာ တာဝန်ယူနိုင်တဲ့ အရည်အချင်းအဆင့်မှာသာ ရှိနေပါတယ်။ ဒီလိုမဟုတ်ပဲ အလုပ်တာဝန်ကို ညီညီမျှမျှ ခွဲဝေဆောင်ရွက်ခြင်းအားဖြင့် မိသားစုအရေးကို ကျား၊ မ မခွဲခြားပဲ အတူတူဆောင်ရွက်နေကြတဲ့ လုပ်ဖော်ကိုင်ဖက်တွေ ဖြစ်လာပါတယ်။ ဒီလိုဖြစ်လာခြင်းဟာ အပြန်အလှန်လေးစားမှု၊ တာဝန်ကျေမှုတွေအပေါ်မှာ အခြေခံပြီး လူ့ဘောင်လောက သာယာချမ်းမြေ့ရေးကို အားပေးထောက်ကူပြုပါတယ်။ ဒီလိုလုပ်ခြင်းအားဖြင့် အမျိုးသမီးများရဲ့ အချိန်ရှားပါးမှု၊ ဝန်ပိမှု၊ စိတ်ဖိစီးမှုတွေကို ဖြေဖျောက်နိုင်ပြီး သူတို့ရဲ့ လူအဖွဲ့အစည်းအပေါ်၊ နုင်ငံရေးရာတွေအပေါ် contribution လုပ်နိုင်မှုရာနှုန်းတွေ တက်လာပါတယ်။

လူ့အဖွဲ့အစည်း တိုးတက်မှုဆိုတာ ချောတိုင်တက်တာနဲ့ အလားသဏ္ဍာန်တူပါတယ်။ အဖွဲ့အစည်းတစ်ခုလုံး တိုးတက်ဖို့ ပခုံးပေါ်ပဲနင်းနင်း၊ ခေါင်းပေါ်ပဲနင်းနင်း ကိုယ့်လူ့အဖွဲ့အစည်းအမြင့်ရောက်ဖို့ကို အားပေးကူညီကြရမှာဖြစ်ပါတယ်။ ဒီလိုမဟုတ်ပဲ ဒီချောတိုင်ပေါ် သူမတက်ရ၊ ငါမတက်ရ ခွဲခြားပြီး လုပ်နေကြမယ်ဆိုရင် ဒါဟာ လူ့အဖွဲ့အစည်းရဲ့ စိတ်ဓာတ်ပျက်စီးမှုရောဂါ စတင်နေပြီလို့ ဆိုနိုင်ပါတယ်။ ဒီရောဂါ တစတစ ကူးစက်ပျံ့ပွားလာတာနဲ့အမျှ လူ့အဖွဲ့အစည်း တစ်ခုလုံးကို ဆုတ်ယုတ်ပျက်စီးစေတော့တာပါပဲ။

အမျိုးသမီးများရဲ့ နိုင်ငံရေးပါဝင်ပတ်သက်မှု တိုးမြှင့်ရေး မဟာဗျူဟာများ

(၁) Gender quotas

နှစ်ဆယ်ရာစုနှေင်းပိုင်းကစပြီး နိုင်ငံတော်တော်များများမှာ ဒီမဟာဗျူဟာကို စတင်ကျင့်သုံးလာကြပါတယ်။ နိုင်ငံရေးရာမှာ အမျိုးသားနဲ့ အမျိုးသမီးအကြား gender gap ဖြစ်နေတာကို ဖြည့်ဆည်းဖို့ အချို့သော အမျိုးသမီးများကို power structure အတွင်း ရာခိုင်နှုန်းသတ်မှတ်ပြီး ထည့်သွင်းတာ ဖြစ်ပါတယ်။ ဒီမဟာဗျူဟာနဲ့ ပတ်သက်ပြီး အပြန်အလှန်ငြင်းခုန်မှုတွေကတော့ ရှိုနေပါတယ်။ ဘာကြောင့်လဲဆိုရင် gender gap ပြဿနာဆိုတာက အမျိုးသမီးတွေကို power structure ထဲ များလာအောင် ထည့်သွင်းတာတစ်ခုတည်းနဲ့ ဖြေရှင်းလို့ မရနိုင်တာကြောင့်ပါ။ ပေါ်လစီရေးရာ ကိစ္စဖြစ်တဲ့အတွက် power structure ကို ထောက်ကူပေးနိုင်မယ့် supporting mechanisms အများအပြားလဲ လိုအပ်ပါတယ်။ နောက်တစ်ချက်က ဒီလိုဆောင်ရွက်လာတဲ့ အခါမှာ elite women တွေပဲ ပါဝါထဲမှာ ပါလာတာမျိုးဖြစ်သွားတတ်ပြီး၊ လူထုလူတန်းစားအသီးသီးက အမျိုးသမီးတွေကို ကိုယ်စားမပြုသလို ဖြစ်နေတတ်ပါတယ်။ ဒါကြောင့် အမျိုးသမီးတွေကို political empowermenr လုပ်ရာမှာ gender quotas ဟာ လူ့အဖွဲ့အစည်းအတွင်းက လူမှုရေး၊ စီးပွားရေးဆိုင်ရာ redistributive justice နဲ့ ဆက်စပ်ထားရမှာ ဖြစ်ပါတယ်။

(၂) အမျိုးသမီးနိုင်ငံရေးကွန်ယက်

နောက်တစ်နည်းကတော့ နိုင်ငံရေးမှာ ပါဝင်ဆောင်ရွက်နေတဲ့ အမျိုးသမီးများ အချင်းချင်း ကွန်ယက်တည်ဆောက်မှုဖြစ်ပါတယ်။ ထုံးတမ်းအစဉ်အလာများကြောင့် အမျိုးသမီးတွေဟာ နိုင်ငံရေးနဲ့ ကင်းကွာခဲ့ကြပါတယ်။ ဒီလိုအခြေအနေကနေ ရုတ်တရက် gender quotas ကြောင့် နိုင်ငံရေးထဲ ရောက်လာတဲ့အခါမှာ နိုင်ငံရေးအသိပညာ အားနည်းမှုကြောင့် နိုင်ငံရေးနဲ့ အစိုးရ လုပ်ငန်းဆောင်တာတွေမှာ အားနည်းချက်တွေ ရှိလာတတ်ပါတယ်။ ဒါဟာ အမျိုးသမီးတွေ ညံ့တာ၊ အသုံးမကျတာ မဟုတ်ပါဘူး။ နိုင်ငံရေးနယ်ပယ်ဆိုတာကို အမျိုးသမီးတွေကသာ လွှမ်းမိုးချုပ်ကိုင်ခဲ့ပြီး၊ အမျိုးသမီးတွေကို ပါဝင်ခွင့် မပေးခဲ့တာကြောင့် နားကလည်တာ ဖြစ်ပါတယ်။ ဒီလိုလူတွေကို သင်တန်းပေးမှုတွေ၊ hands-on experiences တွေနဲ့ အမျိုးသားများက လက်တွဲခေါ်ရမှာ ဖြစ်သလို၊ အမျိုးသမီး နိုင်ငံရေးသမား အချင်းချင်းကလဲ စည်းလုံးညီညွတ်စွာ အပြန်အလှန် ဆွေးနွေးမှု၊ လက်တွဲခေါ်ဆောင်မှုတွေ ပြုလုပ်ကြရမှာ ဖြစ်ပါတယ်။

နောက်တစ်ချက်ကgender quotas နဲ့ပဲဖြစ်ဖြစ်၊ အရည်အချင်းအရ ရွေးချယ်တင်မြှောက်ခံရရင်ပဲဖြစ်ဖြစ် အမျိုးသမီးတွေဟာ သူတို့ရဲ့ မလေးမစား ဆက်ဆံခံရမှုတွေ၊ အရေးမစိုက်မှုတွေ၊ ဖယ်ရှားရန် ကြိုးပမ်းအားထုတ်မှုတွေ၊ အမျိုးသမီးအကြီးအကဲရဲ့ တာဝန်ပေးမှုဆိုပြီး ဂရိမစိုက်မှုတွေ စတဲ့ ပြဿနာများကို ရင်ဆိုင်ကြရတတ်ပြန်ပါတယ်။ ဒီလိုပြဿနာတွေကို စိတ်ဓာတ်ကြံ့ခိုင်စွာ ကျော်လွှားနိုင်ဖို့ အမျိုးသမီး နိုင်ငံရေးကွန်ယက်တွေ လိုအပ်လှပါတယ်။

နိဂုံး

နိဂုံးချုပ်ဆိုရရင် လူ့အဖွဲ့အစည်းဆိုတာဟာ အမျိုးသားနဲ့ အမျိုးသမီး နှစ်မျိုးလုံးနဲ့ ပေါင်းစပ်တည်ဆောက်ထားတာ ဖြစ်ပါတယ်။ ဒါကြောင့် အမျိုးသမီးဆိုတာ လူ့အဖွဲ့အစည်းရဲ့ အရေးပါတဲ့ အစိတ်အပိုင်းတွေပဲလို့ ဆိုနိုင်ပါတယ်။ တချို့သော နိုင်ငံတွေမှာဆိုရင် အမျိုးသမီးလူဦးရေဟာ အမျိုးသားလူဦးရေထက်ကို ပိုပြီးများနေပါတယ်။ ဒီလို လူဦးရေ တဝက်ကျော်ရဲ့ တိုးတက်မှု အခွင့်အလမ်းတွေ၊ နိုင်ငံရေးရာ ပါဝင်ပတ်သက်မှုတွေကို ကန့်သတ်ချုပ်ချယ်တာဟာ လူ့အဖွဲ့အစည်းတခုလုံးကို ဆုတ်ယုတ်ပျက်စီးအောင်၊ တိုးတက်မှု နှောင့်နှေးအောင် ပြုလုပ်တာနဲ့ အတူတူပါပဲ။ ရေမြင့်မှ ကြာတင့်မှာ ဖြစ်ပါတယ်။ အမျိုးသမီးများနိုင်ငံရေးပါဝင်ပတ်သက်မှု လျော့နည်းတာဟာ ရေနည်းနေတာနဲ့ အတူတူပါပဲ။ လူ့အဖွဲ့အစည်းတိုးတက်မြင့်မားမှုဆိုတဲ့ ကြာပန်း တင့်တင့်တယ်တယ်ပွင့်လာဖို့က အမျိုးသမီးတွေအပေါ်မှာလဲ အများကြီး မူတည်လှပါတယ်။ ဒါကြောင့် အမျိုးသမီးတွေရဲ့ နိုင်ငံရေးပါဝင်ပတ်သက်မှုကို လျော့ကျစေနိုင်တဲ့ အကြောင်းရင်းများကို ဝိုင်းဝန်းဖယ်ရှားကြရင်း မြန်မာ့လူ့အဖွဲ့အစည်းတိုးတက်မှုကနေ ကမ္ဘာတစ်ဝှမ်းက လူ့အဖွဲ့အစည်းအားလုံး တိုးတက်မြင့်မားဖို့ ဝိုင်းဝန်းဆောင်ရွက်ကြပါစို့လို့ တိုက်တွန်းလိုက်ရပါတယ်။

ခင်မမမျိုး (၉၊ ၃၊ ၂၀၀၉)

ရည်ညွှန်းကိုးကား

* Eisenstein,Z (1984) Contemporary Feminist Tnought, Unwin, London
* Keck, M. & Sikkink, K. (1998) Activit Beyond Borders: Advicacy Networks in International Politics, Cotnell University Press, NY
* Kennedy- Pipe, C. (2007) “Gender and Security“ in Collins, A.(ed.) Contemporary Security Studies, Oxford University Press, Oxford
* Lovenduski, J. (1992) “Gender and Politics“ in Hawkesworth, M. & Kogan. M. ( eds)
* Encyclopedia of Government and Politics, Routledge, London & NY
* Phillops, A. (1998 ) Feminism & Politics, Oxford University Press, Oxford