ဖတ်မိမှတ်မိသမျှ ဥပဒေအပိုင်းအစများ (၁၆)

စောကျော်ကျော်မင်း

ကိုတင်ဝင်း၊ ကိုညီညီမင်းတို့အတွက် အာမခံလျှောက်ထားခြင်းကို ပလပ်လိုက်သည့်အတွက် တရားရုံးတွင် တာဝန်ခံမိတ္တူလျှောက်ထားခဲ့ရာ ထိုတာဝန်ခံမိတ္တူရရှိသည့်အခါတွင် တရားသူကြီးကိုယ်တိုင် အမိန့်ချမှတ်စဉ်အခါက ပြောဆိုခဲ့သည့် “လူအများစိတ်ပါဝင်စားသည့်အမှုဖြစ်သောကြောင့် အာမခံမပေးနိုင်” ဆိုသည့် စကားရပ်ကို အမှုတွဲမှတ်တမ်းတွင် ဖေါ်ပြထားခြင်းမရှိဘဲ “အာမခံပေးရန် မသင့်တော်သည့်အမှုဖြစ်သောကြောင့်” ဆိုသည့် အသုံးအနှုန်းကို အစားထိုးသုံးနှုန်းထားသည်။ ထိုအချိန်က မြန်မာ့တရားစီရင်ရေးလောကကို ကျွန်တော်အလွန် စိတ်ပျက်သွားမိသည်။

အာဏာစက်ကိုကြောက်ရွံ့ရသော စစ်အာဏာရှင်လက်အောက် တရားစီရင်ရေးရှိ တရားသူကြီးများသည် အမှုတွဲမှတ်တမ်းကို လိမ်ညာမှတ်တမ်းတင်လောက်အောင်အထိ မြန်မာ့တရားစီရင်ရေးလောက ချို့ယွင်းပျက်စီးချွတ်ချုံ ကျခဲ့ရပေသည်။

Read more »

ဖတ်မိမှတ်မိသမျှ ဥပဒေအပိုင်းအစများ (၁၅)

စောကျော်ကျော်မင်း 

နောက်တစ်ပတ်ရုံးချိန်းသို့ရောက်သောအခါတွင် တရားသူကြီးသည် အာမခံလျှောက်ထားခြင်းနှင့် ပတ်သတ်၍ အောက်ပါအတိုင်း အမိန့်ချမှတ်လိုက်သည်။

“ပြစ်မှုဥပဒေပုဒ်မ - ၅၀၁ သည် အာမခံပေးရမည့် ပုဒ်မ ဖြစ်သည်မှန်သော်လည်း၊ ယနေ့ရုံးတော်ရှေ့သို့ ကျရောက်လျှက်ရှိသောအမှုသည် လူအများစိတ်ပါဝင်စားသည့် အမှုဖြစ်သောကြောင့် အာမခံပေးရန် လျှောက်ထားခြင်းကို ခွင့်မပြု ပယ်ချကြောင်း” အမိန့်ချမှတ်ခဲ့သည်။

Read more »

ဖတ်မိမှတ်မိသမျှ ဥပဒေအပိုင်းအစများ အပိုင်း (၁၄)

စောကျော်ကျော်မင်း 

အမှုတစ်ခုနှင့်စပ်လျဉ်း၍ အာမခံပေးသည်ဆိုရာတွင် တရားရုံးများအနေဖြင့် “အာမခံပေးခြင်းကို မူသဘောသဖွယ် လက်ခံကျင့်သုံးရမည်ဖြစ်ပြီး၊ အာမခံမပေးခြင်းကိုမူ ချွင်းချက်အနေဖြင့်သာ ကျင့်သုံးရမည်” ဖြစ် သည်။

ပြစ်မှုဆိုင်ရာ ကျင့်ထုံးဥပဒေ နောက်ဆက်တွဲဇယားတွင် အာမခံပေးရမည်ဟူ၍ အတိအလင်း ပြဌာန်းထားသည့် ပြစ်မှုဥပဒေပုဒ်မဖြင့် စွပ်စွဲခြင်းခံထားရသူများကို တရားရုံးတော်အနေဖြင့် မဖြစ်မနေ အာမခံပေးရမည်ဖြစ်သည်။

Read more »

ဖတ်မိမှတ်မိသမျှ ဥပဒေအပိုင်းအစများ (၁၃)

စောကျော်ကျော်မင်း

ကိုတင်ဝင်းနှင့် ကိုညီညီမင်းတို့ကို ဖမ်းဆီးချုပ်နှောင်ထားသည့် ကာလမှာ နှစ်လကျော် သုံးလနီးပါးကြာ မြင့်ခဲ့သည့်အတွက် ရဲအရေးပိုင်သည့် အမှုဖြင့် ဖမ်းဆီးချုပ်နှောင်ထားခြင်းမျိုးလည်း မဟုတ်၊ ရဲအရေးမပိုင်သည့် အမှုဖြင့် ဖမ်းဆီးချုပ်နှောင်ထားခြင်းမျိုးလည်း မဟုတ်ကြောင်းကို ထင်ထင်ရှားရှား တွေ့ကြရမည်ဖြစ်သည်။ ထို့ပြင် ဖမ်းဆီးချုပ်နှောင်ပြီးသည့် နောက်ပိုင်း၊ ချုပ်နှောင်ထားသည့်ကာလမှာ (၂၄) နာရီထက် ကျော်လွန်ခဲ့သည့်တိုင်အောင် ဆက်လက် ဖမ်းဆီးချုပ်နှောင်ခွင့်ပေးနိုင်သည့် အာဏာပိုင် တရားသူကြီးထံသို့ ပို့ဆောင်ပြီး ရမန်တောင်းခံခဲ့ ခြင်းမရှိသည့်အတွက်၊ ယင်းဖမ်းဆီးချုပ်နှောင်ရာ ကာလနှင့် ဖမ်းဆီးချုပ်နှောင်သူ ရဲဝန်ထမ်းတို့၏ ပြုမူဆောင်ရွက်ချက်များကို “အကြောင်းမဲ့ ဖမ်းဆီးခြင်း၊ချုပ်နှောင်ခြင်းနှင့် စုံစမ်းစစ်ဆေးရန်အတွက်ဆိုင်ရာ အာဏာပိုင်များထံသို့ တင်ပြရန် ပျက်ကွက်းခြင်း” ဟု အဓိပါယ်ဖွင့်ဆိုရမည်သာ ဖြစ်ပါသည်။ (ဆောင်းပါးအမှတ်စဉ် - ၂ တွင် ဖေါ်ပြထားသည့် စကားရပ်များကို အလျဉ်းသင့်၍ ရှင်းလင်းဖေါ်ပြအပ်ပါသည်)

Read more »

ဖတ်မိမှတ်မိသမျှ ဥပဒေအပိုင်းအစများ (၁၂)

စောကျော်ကျော်မင်း

အမျိုးသားဒီမိုကရေစီအဖွဲ့ချုပ် အဖွဲ့ဝင်များ၊ ကျောင်းသားများ၊ ယုံကြည်ချက်ကြောင့် နိုင်ငံ၏ရေးရာ ကိစ္စရပ်များတွင် တနည်းနည်းဖြင့် ပါဝင်ပတ်သတ်နေသူများသည် ဆောင်းပါးအမှတ်စဉ် (၁၁) တွင် ရေးသားဖေါ်ပြထားသည့် “ဖမ်းဆီးခံရပြီးသည့်နောက်ပိုင်း ၂၄ နာရီ ပြည့်သည့်အချိန်တွင် မိမိအား ဖမ်းဆီးသူတို့က တရားရုံးတရုံးရုံးသို့ တင်ပို့ ရမန်ယူရမည်” ဆိုသည့်အချက်ကို ကောင်းစွာ ဂရုတစိုက် မှတ်သားထားသင့်သည်ဟု ထင်မြင်မိသည်။ အကြောင်းမှာ စစ်အာဏာရှင်၏ အုပ်ချုပ်မှုအောက်တွင် အာဏာရှင်ကို တနည်းနည်းဖြင့် ဆန့်ကျင်နေသူများသည် အချိန်နှင့်အမျှ ဖမ်းဆီးထိန်းသိမ်းခံကြရနိုင်ပေသည်။

ထိုသို့ ဖမ်းဆီးခံလိုက်ရပြီဆိုသည်နှင့်တပြိုင်နက် မိမိလုပ်ဆောင်ခဲ့သည့် အလုပ်များအကြောင်း စဉ်းစားရင်း များစွာ စိုးရိမ်ကြောက်ရွံ့သွားတတ်ကြပါသည်။ သိမ်ငယ်သည့် စိတ်များလည်း ဖြစ်ပေါ်လာတတ်ပါသည်။ ထို့ကြောင့် မိမိ ရသင့်ရထိုက်သည့် အခွင့်အရေးများကို တောင်းဆိုရန် မေ့သွားတတ်ကြသည်။ အထူးသဖြင့် မိမိအား စစ်ကြောမည့် ရဲ ၊ ထောက်လှမ်းရေး စသူတို့နှင့် မျက်နှာချင်းဆိုင်လိုက်ရသည့် အချိန်တွင် စိတ်လှုပ်ရှားမှု လွန်စွာ မြင့်မားလာတတ်ပါသည်။ စိတ်လှုပ်ရှားမှုကြောင့် ဖြေဆိုသည့် အဖြေများထဲတွင် အစွန်းထွက်သည့် အဖြေများ၊ မှားယွင်းသည့်အဖြေများ ပါသွားတတ်ပါသည်။

Read more »

ဖတ်မိမှတ်မိ သမျှဥပဒေအပိုင်းအစများ (၁၁)

စောကျော်ကျော်မင်း

တရားလိုသက်သေ၏ “ကိုတင်ဝင်း၊ ကိုညီညီမင်းတို့ကို စတင်ဖမ်းစီးသည့်အချိန်က ရဲအရေးပိုင်သည့် ပုဒ်မဖြင့် ဖမ်းဆီးခဲ့ခြင်းဖြစ်၍ တရားစွဲဆိုသည့်အခါမှသာလျှင် ရဲအရေးမပိုင်သည့် ပုဒ်မဖြင့် တရားစွဲတင်ခြင်းဖြစ် သည်” ဆိုသည့် တရားရုံးရှေ့ သက်သေခံ ထွက်ဆိုချက်နှင့် စပ်လျဉ်း၍ ဥပဒေကြောင်းအရ ဖမ်းဆီးခြင်း မှန်ကန်မှု ရှိသည်/မရှိသည်ကို စဉ်းစားသုံးသပ်ကြရမည်ဖြစ်သည်။

ပြစ်မှုကျူးလွန်သူ တဦးတယောက်ကို ဖမ်းဆီးသည်ဆိုရာတွင် ရဲအရေးပိုင်သည့်အမှုဖြင့် ဖမ်းဆီးခြင်းရှိ သကဲ့သို့ ရဲအရေးမပိုင်သည့်အမှုဖြင့် ဖမ်းဆီးခြင်းလည်း ရှိကြောင်းကို ဆောင်းပါးအမှတ်စဉ် (၅) တွင် ရေးသား တင်ပြခဲ့ပြီးဖြစ်သည်။ ရဲအရေးမပိုင်သည့်အမှုဖြင့် ဖမ်းဆီးခြင်းဖြစ်လျှင် လုပ်ဆောင်ရမည့် တရားစီရင်ရေးဆိုင်ရာ ဥပဒေလုပ်ထုံးလုပ်နည်းအဆင့်ဆင့်ကိုလည်း ယခင်ဆောင်းပါးများတွင် အသေးစိတ်ရေးသားတင်ပြထားခဲ့ပြီးဖြစ် ပါသည်။

Read more »

ဖတ်မိမှတ်မိသမျှ ဥပဒေအပိုင်းအစများ (၉)

စောကျော်ကျော်မင်း

ကိုဖိုးဖြူအနေဖြင့် ဥပဒေပိုင်းဆိုင်ရာ ပြဿနာများကို အလေးပေး၍ ပြန်လှန်စစ်ဆေးခြင်းဖြစ်သည်။ တရားရုံး၏ အဝင်ပေါက်ဝတွင်လည်း ကိုတင်ဝင်း၊ ကိုညီညီမင်းတို့၏ မိသားစုများအပြင် အမှုစစ်ဆေးသည်ကို လာရောက်နားထောင်ကြသော ကိုတင်ဝင်း၊ ကိုညီညီမင်းတို့အား လာရောက်အားပေးကြသော အဖွဲ့ချုပ်အဖွဲ့ဝင်များအပြင် အာဏာပိုင်တို့မှ စေခိုင်းထားသည် အရပ်ဝတ် စွမ်းအားရှင်နှင့် ကြံ့ဖွံ့များ၊ ထောက်လှမ်းရေးများဖြင့် ပြည့်ကျပ်လျက်ရှိသည်။

ကိုဖိုးဖြူ၏ ပြန်လှန်စစ်မေးချက်များအရ ကိုတင်ဝင်းနှင့် ကိုညီညီမင်းတို့ကို ဥပဒေနှင့် ညီညွတ်မှုမရှိဘဲ ဖမ်းဆီးချုပ်နှောင်ခဲ့ခြင်းဖြစ်ကြောင်း ပေါ်ပေါက်လေသည်။

ကိုဖိုးဖြူမေးမြန်းသည့် ပြန်လှန်မေးခွန်းများမှာ “ရုံးရှေ့စွပ်စွဲခံရသူများဖြစ်ကြသည့် ကိုတင်ဝင်းနှင့် ကိုညီညီမင်းတို့အား စတင်ဖမ်းဆီးခဲ့စဉ်က ဝရမ်းပြသဖမ်းဆီးခဲ့ပါသလား ”ဟု မေးမြန်းခဲ့ရာတွင် တရားလိုမှ “ဝရမ်းပြသ ဖမ်းဆီးခြင်းမဟုတ်” ဟု ဖြေဆိုလေသည်။ ထို့ကြောင့် ဆက်လက်မေးမြန်းရန် မေးခွန်းများ ထင်ထင်ရှားရှား ပေါ်ပေါက်လာပေတော့သည်။

“ပြစ်မှုဥပဒေပုဒ်မ (၅၀၅) သည် ရဲအရေးမပိုင်သည့် ပုဒ်မဖြစ်သည်ကို သိပါသလား” ဆိုသည့် မေးခွန်း၊ “ထိုကဲ့သို့ ရဲအရေးမပိုင်သည့် ပုဒ်မဖြင့် တရားစွဲဆိုလိုလျှင် ရဲလက်စွဲဥပဒေ အပိုဒ် (၁၄၅၄) တွင် ဖေါ်ပြထားသည့်အတိုင်း တရားရုံးတွင် ပထမဦးစွာ ဦးတိုက်လျှောက်ထားရမည်ကို သိပါသလား” ဆိုသည့် မေးခွန်း စသည့်မေးခွန်းများကို မေးမြန်းခဲ့ရာ တရားလိုသက်သေများအနေဖြင့် ကိုတင်ဝင်းနှင့် ကိုညီညီမင်းတို့အား စတင်ဖမ်းဆီးသည့်အချိန်တွင် ရဲအရေးပိုင်သည့် ပုဒ်မများနှင့် ဖမ်းဆီးခဲ့ခြင်းဖြစ်သော်လည်း ဖမ်းဆီးစစ်ဆေးပြီး နောက်ပိုင်း တရားစွဲဆိုသော အခါတွင်မှ ရဲအရေးမပိုင်သည့် ပုဒ်မဖြင့် တရားစွဲဆိုရခြင်းဖြစ်ကြောင်း ဝန်ခံထွက်ဆိုလေသည်။

မြန်မာနိုင်ငံတွင် ယနေ့တိုင်အောင် ထင်ရှားလျက်ရှိသော ဖမ်းဆီးချုပ်နှောင်ခြင်းမှာ “စစ်ဆေးမေးမြန်းလိုပါသဖြင့် ခဏလောက်လိုက်ခဲ့ပါ” ဟု ပြောဆိုဖမ်းဆီးခေါ်ဆောင်သွားခြင်း ခံကြရကာ ဖမ်းဆီးပြီးနောက်ပိုင်း မည်သည့်အရပ်ဒေသတွင် ဖမ်းဆီးချုပ်နှောင်ထားသည်ကိုလည်း မသိရ၊ သေသလားရှင်သလား ဆိုသည်ကိုလည်း မသိကြရဘဲ ကျန်ရစ်သူမိသားစုများ ပူပင်ကြောင့်ကြရသည့်အဖြစ်သို့ ရောက်ရှိစေကာ၊ မိသားစုဝင်တစ်ဦးတစ်ယောက် ဖမ်းဆီးချုပ်နှောင်ခံရပါက ကျန်ရစ်သူ မိသားစုများကိုယ်တိုင်လည်း များစွာ စိတ်သောကရောက်ကြရပေသည်။

ထိုမျှမကသေး ထိုသို့ဖမ်းဆီးချုပ်နှောင်ခြင်းမှာ ရဲတပ်ဖွဲ့ဝင်များ၊ အထူးသတင်းတပ်ဖွဲ့များအနေဖြင့် ၎င်းတို့ ဖမ်းဆီးမည့် သူများ၏ ပြစ်မှုကျူးလွန်ကြောင်းကို သေချာပိုင်နိုင်စွာ သိရှိစုံစမ်းထားခြင်းမျိုးမဟုတ်ဘဲ၊ ခိုင်လုံတိကျသော သက်သေခံအထောက်အထားများ ရရှိထားခြင်းမျိုးမဟုတ်ဘဲ တစ်ဦးတစ်ယောက်ကို သင်္ကာမကင်းဖြစ်ရုံမျှဖြင့် ဖမ်းဆီး၍ စစ်ကြောရေးလုပ်စဉ်တွင် အတင်းအကျပ် ဝန်ခံစေခြင်း၊ ညှဉ်းပန်းနှိပ်စက်ခြင်းများ ပြုလုပ်ခြင်း စသည့်နည်းလမ်းများကို အသုံးချ၍ အမှုတည်ဆောက် တရားစွဲတင်ကြခြင်းကြောင့် ဖြစ်ပေသည်။

ထို့ကြောင့် အထက်ဖေါ်ပြပါ ကိုတင်ဝင်းနှင့် ကိုညီညီမင်းတို့၏အမှုတွင် ကိုဖိုးဖြူက တရားလိုများကို ရဲလက်စွဲလုပ်ထုံးလုပ်နည်းတို့ဖြင့် ထွက်ပေါက်မရှိအောင် မေးမြန်းသည့်အခါတွင် “ဖမ်းဆီးစဉ်က ရဲအရေးပိုင်သည့် ပုဒ်မဖြင့် ဖမ်းဆီးပြီး၊ တရားစွဲတင်သောအခါတွင်မှ ရဲအရေးမပိုင်သော ပုဒ်မဖြင့် တရားစွဲတင်ခြင်းဖြစ်သည်” ဟု ထွက်ဆိုကြခြင်းဖြစ်ပေသည်။

ဆက်လက်၍ ကိုဖိုးဖြူက “ကိုတင်ဝင်း၊ ကိုညီညီမင်းတို့ကို ဖမ်းဆီးသည့်အချိန်တွင် ဖမ်းဆီးသည့်အဖွဲ့၌ ပါဝင်ခဲ့ပါသလား” ဟု မေးမြန်းသည့်မေးခွန်းကို တရားလိုသက်သေက “ပါဝင်ခဲ့ပါသည်” ဟု ဖြေဆိုသဖြင့် ဆက်လက်မေးမြန်းရမည့် မေးခွန်းဖြစ်သည့် “ရုံးရှေ့စွပ်စွဲထားသော အမှုနှင့် စပ်လျဉ်းပြီး ရုံးတော်ရှေ့သို့ လာရောက် သက်သေထွက်ဆိုခြင်းမတိုင်ခင်က အမှုစစ်ရဲအရာရှိ၏ စစ်ဆေးမေးမြန်းမှုကို ခံခဲ့ရပါသလား” ဟု မေးမြန်းလိုက်သည့် အခါတွင်လည်း “မှန်ပါသည်” ဟု ဖြေဆိုလေသည်။ “အမှုစစ်ရဲအရာရှိမှ အမှုနှင့်စပ်လျဉ်းသော် ခင်ဗျား၏ ထွက်ဆိုချက်များကို ရေးမှတ်ထားခဲ့ပါသလား” ဟု မေးမြန်းရာတွင် “ရေးမှတ်ထားခဲ့ပါသည်” ဟု ထွက်ဆိုသည်။ ထို့ကြောင့် ကိုဖိုးဖြူသည် တရားလို၏ ရုံးတော်ရှေ့သို့ လာရောက်ထွက်ဆိုနေသော ထွက်ဆိုချက်များနှင့် ယခင်က အမှုစစ်အရာရှိထံတွင် ထွက်ဆိုခဲ့သော ထွက်ဆိုချက်များကို တိုက်ဆိုင်စစ်ဆေးလိုကြောင်း ရုံးတော်သို့ တင်ပြလျှောက်ထားလေတော့သည်။

တစ်စုံတစ်ယောက်ကို ဖမ်းဆီးပြီးနောက်ပိုင်းတွင် အမှုနှင့်စပ်လျဉ်း၍ စစ်ဆေးချက်များကို ရေးမှတ်ထားသည့် စာရွက်စာတမ်းများကို ရဲစက္ကူဟူ၍ ခေါ်ဝေါ်သုံးစွဲကြသည်။ ကိုဖိုးဖြူမှာ အဆိုပါ ရဲစက္ကူတွင် ရေးမှတ်ထားသော တရားလို၏ ထွက်ချက်များနှင့် ယခု ရုံးရှေ့တွင် ထွက်ဆိုလျက်ရှိသော ထွက်ချက်တို့ ကွဲလွဲလျက်ရှိကြောင်းကို သံသယရှိသည်ဖြစ်၍ တိုက်ဆိုင်စစ်ဆေးခွင့်ပြုပါရန် တရားရုံးသို့ တင်ပြလျှောက်ထားခြင်း ဖြစ်ပေသည်။

မြန်မာနိုင်ငံရဲတပ်ဖွဲ့ အမှုထမ်းများအနေဖြင့် ၎င်းတို့ ထိန်းသိမ်းထားရမည့် မည်သည့် စာ၊ မှတ်တမ်း၊ အမှုတွဲ သို့မဟုတ် ၎င်းတို့မှ ရေးကူးသည့် မည်သည့်မိတ္တူ၊ မည်သည့်ထုတ်နှုတ်ချက်မျိုးကိုမဆို တရားဥပဒေအရ တောင်းဆိုခွင့်မရရှိသူ အရပ်သားတစ်ဦးတစ်ယောက် သို့မဟုတ် အခြား မည်သူတစ်ဦးတစ်ယောက်ကိုမျှ မပေးအပ်ရကြောင်းကို ရဲလက်စွဲအပိုဒ် (၁၄၀၇) တွင် အတိအလင်း ဖေါ်ပြထားပါသည်။ သို့ရာတွင် တရားရုံးမှ အမိန့်ချမှတ်၍လည်းကောင်း၊ အာဏာပိုင် အစိုးရအရာရှိတဦးဦး၏ အမိန့်တစုံတရာဖြင့်သော်လည်းကောင်း၊ ထုတ်ပေးရန် သို့မဟုတ် ပေးအပ်ရန် တောင်းခံလာမှသာလျှင် ထုတ်ပေးရမည်ဖြစ်သည်။

ကိုဖိုးဖြူသည် ယင်းသို့ ထုတ်ပေးစေရန်အတွက် တရားရုံးတော်မှ အမိန့်တရပ် ချမှတ်ပေးပါရန် သက်သေခံဥပဒေပုဒ်မ (၁၄၅) အရ တင်ပြလျှောက်ထားခြင်းဖြစ်သည်။ သက်သေတစ်ဦးကို ယခင်က ရေးသားထားသော သို့မဟုတ် ရေးမှတ်ထားသော အစစ်ခံချက်ဖြင့် ပြန်လှန်မေးမြန်းနိုင်သည်။ ထိုသို့မေးမြန်းရာ၌ ရဲစက္ကူတွင် ၎င်းကိုယ်တိုင် အစစ်ခံထွက်ဆိုထားသည့် ထွက်ဆိုချက်များကို ပထမဦးစွာ ပြန်လည်သတိပေး ပြောဆိုရသည်။ သို့မဟုတ် ပြန်လည်ဖတ်ပြပေးရသည်။ ထို့နောက်တွင်မှ အမှုစစ်အရာရှိထံ ထွက်ချက်နှင့် တရားရုံးတော်တွင် ထွက်ဆိုသည့် အစစ်ခံချက်တို့သည် မည်သည့်နေရာတွင် ကွဲလွဲကြောင်းတို့ကို တရားရုံးတော်မှ အမှန်အတိုင်း သိရှိစေရန် မေးမြန်းရခြင်း၊ သက်သေခံတင်သွင်းခြင်းများ ပြုလုပ်ရခြင်းဖြစ်ပေသည်။

× × × × ×

ဆက်လက်ရေးသားပါဦးမည် -
စာဖတ်သူများကိုအစဉ်လေးစားလျက်-
စောကျော်ကျော်မင်း
၂၄.၁၁.၂၀၀၉

ဖတ်မိမှတ်မိသမျှ ဥပဒေအပိုင်းအစများ (၈)

စောကျော်ကျော်မင်း

ကိုဖိုးဖြူအား အမှုအခြေအနေနှင့် ခုခံရေးလမ်းကြောင်းအပိုင်းကို အသေးစိတ် ရှင်းပြလိုက်သည်။ ထိုနေ့ ရုံးချိန်းတွင် ကိုဖိုးဖြူ ပြန်လှန်စစ်မေးလေသည်။

တရားရုံးစလျှင်စချင်း ကိုဖိုးဖြူသည် ရဲလက်စွဲဥပဒေအပိုဒ် (၁၃၈၂) အပိုဒ်ခွဲ (၂)နှင့် အပိုဒ်ခွဲ (၅)တို့ကို ကိုးကားလျက် ရုံးရှေ့ စွပ်စွဲခံရသူများကို လက်ထိပ်ခတ်ထားသည့်အတွက် လက်ထိပ်ဖြုတ်ပေးရန် တရားရုံးတော်ကို တင်ပြလျှောက်ထားလေတော့သည်။

ရဲလက်စွဲဥပဒေ အပိုဒ် (၁၃၈၂)အပိုဒ်ခွဲ (၂)တွင် အာမခံပေးခွင့်မရသော ပြစ်မှုကို ကျူးလွန်၍ ဖမ်းဆီးခံရသောသူ၏ နောက်ကြောင်းရာဇဝင် ဂုဏ်သိက္ခာနှင့် အလုပ်အကိုင်တို့ကို ထောက်ထား၍ လွတ်မြောက်ထွက်ပြေးရန် သို့မဟုတ် ကြမ်းတမ်းစွာ ခုခံရန်အားထုတ်မည့် လက္ခဏာမရှိလျှင် လက်ထိပ်မခတ်ရဟု ဖေါ်ပြထားပြီး၊

အပိုဒ်ခွဲ (၅)တွင် တရားရုံးသို့ ထုတ်ယူသော အမှုစစ်ဆေးဆဲရှိနေသည့် တရားခံများသည် ကြမ်းတမ်းစွာ ပြုမူလိမ့်မည်။ သို့မဟုတ် ထွက်ပြေးရန် အားထုတ်လိမ့်မည်။ သို့မဟုတ် ၎င်းတို့အား လွတ်မြောက်ထွက်ပြေးရန် ပြုလုပ်လိမ့်မည်ဟု ယုံကြည်ရန် လုံလောက်သော အကြောင်းမရှိလျှင် ၎င်းတို့အား ရုံးသွားရုံးပြန် လက်ထိပ်မခတ်ရဟု ဖေါ်ပြထားပေသည်။

အထက်ဖေါ်ပြချက်အရ ကိုဖိုးဖြူသည် “ရုံးရှေ့ စွပ်စွဲခံရသူများ၏ နောက်ကြောင်းရာဇဝင်နှင့် ဂုဏ်သိက္ခာတို့ကို ကြည့်ပါက အမျိုးသားဒီမိုကရေစီအဖွဲ့ချုပ်ဝင် နိုင်ငံရေးသမားများဖြစ်ကြောင်း၊ နိုင်ငံရေးသမားများသည် မိမိတို့ ယုံကြည်ချက်အတွက် စွန့်လွှတ်အနစ်နာခံနေကြသူများ ဖြစ်ကြောင်း၊ ထိုသူတို့၏ ဂုဏ်သိက္ခာသည် သံသယဖြစ်ဖွယ် လုံးဝ မရှိပါကြောင်း၊ ထို့အပြင် တရားရုံးတော်ရှေ့တွင် အမှုရင်ဆိုင်နေကြသူများဖြစ်ကာ ရုံးထဲတွင်လည်း လုံခြုံရေးအစောင့်အရှောက်များ ရှိနေပါသောကြောင့် လွတ်မြောက်ထွက်ပြေးရန်သော်လည်းကောင်း၊ ကြမ်းတမ်းစွာ ခုခံရန်သော်လည်းကောင်း မဖြစ်နိုင်သည့် အခြေအနေများ ရှိနေပါသဖြင့် တရားစစ်ဆေးနေသည့်အချိန်တွင် လက်ထိပ်ဖြုတ်ပေးပါရန်” တင်ပြလျှောက်ထားသည်။

ကိုဖိုးဖြူသည် လက်ထိပ်ဖြုတ်ပေးရန်တစ်ခုတည်းကိုပင် တင်ပြလျှောက်ထားရာ လျှောက်ထားချိန် နာရီဝက်မျှ ကြာမြင့်လေသည်။

ကိုဖိုးဖြူ ထိုသို့လက်ထိပ်ဖြုတ်ပေးရန် လျှောက်ထားနေသောအချိန်တွင် ကျွန်တော်သည် အလုပ်သင် ရှေ့နေဖြစ်ခါစ၊ ညောင်တုန်းမြို့နယ်မှ ကိုသန်းထွန်းနှင့် ကိုတင်ဌေးတို့အမှုမှ ဖြစ်ရပ်ကလေးတစ်ခုကို အမှတ်မထင် သတိရမိလိုက်သည်။ ၂၀၀၇ ခုနှစ်အတွင်းက ဖြစ်သည်။ ရဲအုပ် ကျော်မြသန်းနှင့် ကိုသန်းထွန်း၊ ကိုတင်ဌေးတို့ အမှုဖြစ်သည်။ ဆရာဦးခင်မောင်ရှိန်က ကိုတင်ဌေးအတွက် လိုက်ပါဆောင်ရွက်ပေးခြင်းဖြစ်ပြီး၊ ကိုသန်းထွန်းအတွက် ဦးမျိုးတင့်ဆိုသည့် ဗဟိုတရားရုံးချုပ်ရှေ့နေတစ်ဦးက လိုက်ပါဆောင်ရွက်ပေးခြင်း ဖြစ်လေသည်။

“စိန်စီသောည” အခွေ သိမ်းဆည်းရမိသောအမှု ဖြစ်သည်။ ကိုသန်းထွန်းကို ပြစ်မှုဥပဒေပုဒ်မ (၅၀၅)(ခ) နှင့် ဗီဒီယိုအက်ဥပဒေ ပုဒ်မ (၃၂)၊ ပုဒ်မ (၃၆)တို့ဖြင့် တရားစွဲဆိုခြင်းဖြစ်ကာ ကိုတင်ဌေးကို ပြစ်မှုဥပဒေပုဒ်မ (၅၀၅)(ခ) ဖြင့် တရားစွဲဆိုသော အမှုဖြစ်သည်။

အမှုစတင်စစ်ဆေးသောနေ့တွင် တာဝန်ကျရဲသားများက ကိုသန်းထွန်းနှင့် ကိုတင်ဌေးကို တရားရုံးသို့ လက်ထိပ်တန်းလန်းဖြင့် ခေါ်ဆောင်လာသည့် အချိန်တွင်ဖြစ်သည်။ မြို့နယ်တရားသူကြီး ဒေါ်စောနွဲ့နွဲ့ဝင်းမှ လက်ထိပ်ဖြုတ်ပေးစေရန် ချက်ချင်းညွှန်ကြား လိုက်သည်ကို ကျွန်တော် အမှတ်မထင် မှတ်မိနေခဲ့သည်။

သို့သော် ယခု ကိုတင်ဝင်းနှင့် ကိုညီညီမင်းတို့အား စစ်ဆေးလျက်ရှိသော တရားရုံးတွင်မူ ကိုဖိုးဖြူမှ လက်ထိပ်ဖြုတ်၍ အမှုသည်များ သက်တောင့်သက်သာဖြင့် တရားစစ်ဆေးစီရင်သည်ကို ခံယူနိုင်ရန် တင်ပြလျှောက်ထားပါသော်လည်း တရားရုံးတော်က လက်ထိပ်ဖြုတ်ခွင့်မပြုကြောင်း အမိန့်ချမှတ်လိုက်သည်။

လက်ထိပ်ဖြုတ်၍ တရားစစ်ဆေးစီရင်သည်ကို ခံယူရန် ဆိုသည်မှာ သာမန်အားဖြင့်ကြည့်လျှင် မည်သို့မျှ အရေးမကြီးသော ကိစ္စတစ်ရပ်ကဲ့သို့ ဖြစ်နေသည်။ သို့ရာတွင် လူ့ဂုဏ်သိက္ခာနှင့် လျှော်ညီစွာ ရပ်တည်နေထိုင်လျက်ရှိသော လူသားတစ်ဦးအနေဖြင့် ဆိုလျှင် ဥပဒေတစ်ရပ်ရပ်ကို ကျူးလွန်ပါသည်ဟု စွပ်စွဲလျက် တရားရုံးတင် စစ်ဆေးလျှက်ရှိသော အချိန်တွင် လက်ထိပ်တန်းလန်းဖြင့် အများပြည်သူ၏ မြင်ကွင်းထဲတွင် လက်ထိပ်ခတ်ခံရခြင်းသည် ကြီးစွာသော စိတ်အားညှိုးငယ်ခြင်းကို ဖြစ်ပေါ်စေမည်မှာ အမှန်ပင်ဖြစ်သည်။ လက်ထိပ်ခတ်ခြင်းခံထားရသည်ကို မြင်ရသူအပေါင်းအနေဖြင့်လည်း အထင်သေး အမြင်သေးသော မျက်လုံးများဖြင့် ကြည့်ရှုကြမည်မှာ အမှန်ပင်ဖြစ်သည်။ ကဲ့ရဲ့ကြမည်မှာ အမှန်ပင်ဖြစ်သည်။

လူသားဖြစ်စဉ်ထဲ၌ လူတိုင်းလူတိုင်းအား လူသားဖြစ်တည်မှု၏ ဂုဏ်သိက္ခာကို အသိအမှတ်ပြုလေးစား၊ တန်ဖိုးထားကြရမည်မှာ ၂၁ ရာစု ယဉ်ကျေးသော လူ့အဖွဲ့အစည်းဝင်တိုင်း ကိုယ်ပိုင်အသိတရားဖြင့် သိသင့်၊ သိထိုက်၊ သိအပ်လှသည့် ပြဌာန်းစရာမလိုသော ဝတ္တရားပင်ဖြစ်သည်။

ရဲလက်စွဲဥပဒေအား ပြုစုပြဌာန်းခဲ့ကြသော ဥပဒေပညာရှင်များသည် ယင်းအချက်ကို ကောင်းစွာသတိပြုလျှက် ရဲများအနေဖြင့် လက်ထိပ်များကို အမှန်တကယ်လိုအပ်မှသာ အသုံးပြုစေရန်အတွက် ရဲလက်စွဲဥပဒေထဲတွင် လက်ထိပ်ခတ်ခြင်းဆိုသည့် ခေါင်းစဉ်ဖြင့် သီးသန့်ထည့်သွင်းပြဌာန်းပေးထားခြင်းဖြစ်ပေသည်။

သို့သော် ရဲများ၏ လုပ်ထုံးလုပ်နည်းနှင့် ညီညွတ်မှုမရှိသော ဆောင်ရွက်ချက်များသည်လည်းကောင်း၊ ဥပဒေပြဌာန်းချက်များနှင့် ကိုက်ညီခြင်းမရှိသော လုပ်ဆောင်ချက်များသည်လည်းကောင်း၊ အမှုစွဲတင် စစ်ဆေးလိုက်သောအချိန်တွင် သက်ဆိုင်ရာ တရားရုံးတွင် ထင်ထင်ရှားရှား ပေါ်ပေါက်လျက်ရှိကြသော်လည်း၊ သက်ဆိုင်ရာ တရားရုံးများက အလေးအနက်ထား ဖြေရှင်းခြင်း မရှိကြတော့ပေ။ တချို့တရားရုံးများသည်ပင်လျှင် ရဲလုပ်ထုံးလုပ်နည်းများ မှားယွင်းစွာ လုပ်ဆောင်ထားကြသည်များကို ရဲများဘက်မှနေ၍ ကာကွယ်ဖြေရှင်းပေးတတ်ကြသည်။ ထို့ကြောင့် ရဲများအနေဖြင့်လည်း ၎င်းတို့ကိုယ်တိုင် လိုက်နာကြရမည့် ရဲဥပဒေများ၊ လုပ်ထုံးလုပ်နည်းများကို အလေးအနက်ထား လိုက်နာကြတော့ခြင်းမရှိဘဲ ၎င်းတို့စိတ်ထင်သည့်အတိုင်း လုပ်ကိုင်ဆောင်ရွက်ကြသဖြင့် မြန်မာနိုင်ငံရဲတပ်ဖွဲ့၏ ဂုဏ်သိက္ခာသည်လည်း တစ်စထက်တစ်စ ကျဆင်းလာခဲ့ရာ ယနေ့အချိန်အခါတွင်မူ ကုန်းကောက်စရာ မရှိအောင်ပင် ဖြစ်နေပေတော့သည်။



× × × × ×
ဆက်လက်ရေးသားပါအုံးမည်။

စာဖတ်သူများကိုအစဉ်လေးစားလျက် -
စောကျော်ကျော်မင်း
၁၄.၉.၂၀၀၉

ဖတ်မိမှတ်မိသမျှ ဥပဒေအပိုင်းအစများ (၈)

စောကျော်ကျော်မင်း

ကိုဖိုးဖြူအား အမှုအခြေအနေနှင့် ခုခံရေးလမ်းကြောင်းအပိုင်းကို အသေးစိတ် ရှင်းပြလိုက်သည်။ ထိုနေ့ ရုံးချိန်းတွင် ကိုဖိုးဖြူ ပြန်လှန်စစ်မေးလေသည်။

တရားရုံးစလျှင်စချင်း ကိုဖိုးဖြူသည် ရဲလက်စွဲဥပဒေအပိုဒ် (၁၃၈၂)အပိုဒ်ခွဲ (၂)နှင့် အပိုဒ်ခွဲ (၅)တို့ကို ကိုးကားလျက် ရုံးရှေ့ စွပ်စွဲခံရသူများကို လက်ထိပ်ခတ်ထားသည့်အတွက် လက်ထိပ်ဖြုတ်ပေးရန် တရားရုံးတော်ကို တင်ပြလျှောက်ထားလေတော့သည်။

ရဲလက်စွဲဥပဒေ အပိုဒ် (၁၃၈၂)အပိုဒ်ခွဲ (၂)တွင် အာမခံပေးခွင့်မရသော ပြစ်မှုကို ကျူးလွန်၍ ဖမ်းဆီးခံရသောသူ၏ နောက်ကြောင်းရာဇ၀င် ဂုဏ်သိက္ခာနှင့် အလုပ်အကိုင်တို့ကို ထောက်ထား၍ လွတ်မြောက်ထွက်ပြေးရန် သို့မဟုတ် ကြမ်းတမ်းစွာ ခုခံရန်အားထုတ်မည့် လက္ခဏာမရှိလျှင် လက်ထိပ်မခတ်ရဟု ဖေါ်ပြထားပြီး၊

အပိုဒ်ခွဲ(၅)တွင် တရားရုံးသို့ ထုတ်ယူသော အမှုစစ်ဆေးဆဲရှိနေသည့် တရားခံများသည် ကြမ်းတမ်းစွာ ပြုမူလိမ့်မည်။ သို့မဟုတ် ထွက်ပြေးရန် အားထုတ်လိမ့်မည်။ သို့မဟုတ် ၎င်းတို့အား လွတ်မြောက်ထွက်ပြေးရန် ပြုလုပ်လိမ့်မည်ဟု ယုံကြည်ရန် လုံလောက်သော အကြောင်းမရှိ်လျှင် ၎င်းတို့အား ရုံးသွားရုံးပြန် လက်ထိပ်မခတ်ရဟု ဖေါ်ပြထားပေသည်။

အထက်ဖေါ်ပြချက်အရ ကိုဖိုးဖြူသည် “ရုံးရှေ့စွပ်စွဲခံရသူများ၏ နောက်ကြောင်းရာဇ၀င်နှင့် ဂုဏ်သိက္ခာတို့ကို ကြည့်ပါက အမျိုးသားဒီမိုကရေစီအဖွဲ့ချုပ်ဝင် နိုင်ငံရေးသမားများဖြစ်ကြောင်း၊ နိုင်ငံရေးသမားများသည် မိမိတို့ယုံကြည်ချက်အတွက် စွန့်လွှတ်အနစ်နာခံနေကြသူများ ဖြစ်ကြောင်း၊ ထိုသူတို့၏ ဂုဏ်သိက္ခာသည် သံသယဖြစ်ဖွယ် လုံးဝ မရှိပါကြောင်း၊ ထို့အပြင် တရားရုံးတော်ရှေ့တွင် အမှုရင်ဆိုင်နေကြသူများဖြစ်ကာ ရုံးထဲတွင်လည်း လုံခြုံရေးအစောင့်အရှောက်များ ရှိနေပါသောကြောင့် လွတ်မြောက်ထွက်ပြေးရန်သော်လည်းကောင်း၊ ကြမ်းတမ်းစွာ ခုခံရန်သော်လည်းကောင်း မဖြစ်နိုင်သည့် အခြေအနေများ ရှိနေပါသဖြင့် တရားစစ်ဆေးနေသည့်အချိန်တွင် လက်ထိပ်ဖြုတ်ပေးပါရန်” တင်ပြလျှောက်ထားသည်။

ကိုဖိုးဖြူသည် လက်ထိပ်ဖြုတ်ပေးရန်တစ်ခုတည်းကိုပင် တင်ပြလျှောက်ထားရာ လျှောက်ထားချိန် နာရီဝက်မျှ ကြာမြင့်လေသည်။

ကိုဖိုးဖြူ ထိုသို့ လက်ထိပ်ဖြုတ်ပေးရန် လျှောက်ထားနေသောအချိန်တွင် ကျွန်တော်သည် အလုပ်သင် ရှေ့နေဖြစ်ခါစ၊ ညောင်တုန်းမြို့နယ်မှ ကိုသန်းထွန်းနှင့် ကိုတင်ဌေးတို့အမှုမှ ဖြစ်ရပ်ကလေးတစ်ခုကို အမှတ်မထင် သတိရမိလိုက်သည်။ ၂၀၀၇ ခုနှစ်အတွင်းက ဖြစ်သည်။ ရဲအုပ် ကျော်မြသန်းနှင့် ကိုသန်းထွန်း၊ ကိုတင်ဌေးတို့ အမှုဖြစ်သည်။ ဆရာဦးခင်မောင်ရှိန်က ကိုတင်ဌေးအတွက် လိုက်ပါဆောင်ရွက်ပေးခြင်းဖြစ်ပြီး၊ ကိုသန်းထွန်းအတွက် ဦးမျိုးတင့်ဆိုသည့် ဗဟိုတရားရုံးချုပ်ရှေ့နေတစ်ဦးက လိုက်ပါဆောင်ရွက်ပေးခြင်း ဖြစ်လေသည်။

“စိန်စီသောည” အခွေ သိမ်းဆည်းရမိသောအမှု ဖြစ်သည်။ ကိုသန်းထွန်းကို ပြစ်မှုဥပဒေပုဒ်မ (၅၀၅)(ခ)နှင့် ဗီဒီယိုအက်ဥပဒေ ပုဒ်မ (၃၂)၊ ပုဒ်မ (၃၆)တို့ဖြင့် တရားစွဲဆိုခြင်းဖြစ်ကာ ကိုတင်ဌေးကို ပြစ်မှုဥပဒေပုဒ်မ (၅၀၅)(ခ)ဖြင့် တရားစွဲဆိုသော အမှုဖြစ်သည်။

အမှုစတင်စစ်ဆေးသောနေ့တွင် တာဝန်ကျရဲသားများက ကိုသန်းထွန်းနှင့် ကိုတင်ဌေးကို တရားရုံးသို့ လက်ထိပ်တန်းလန်းဖြင့် ခေါ်ဆောင်လာသည့် အချိန်တွင်ဖြစ်သည်။ မြို့နယ်တရားသူကြီး ဒေါ်စောနွဲ့နွဲ့ဝင်းမှ လက်ထိပ်ဖြုတ်ပေးစေရန် ချက်ချင်းညွှန်ကြားလိုက်သည်ကို ကျွန်တော်အမှတ်မထင် မှတ်မိနေခဲ့သည်။

သို့သော် ယခု ကိုတင်ဝင်းနှင့် ကိုညီညီမင်းတို့အား စစ်ဆေးလျက်ရှိသော တရားရုံးတွင်မူ ကိုဖိုးဖြူမှ လက်ထိပ်ဖြုတ်၍ အမှုသည်များ သက်တောင့်သက်သာဖြင့် တရားစစ်ဆေးစီရင်သည်ကို ခံယူနိုင်ရန် တင်ပြလျှောက်ထားပါသော်လည်း တရားရုံးတော်က လက်ထိပ်ဖြုတ်ခွင့်မပြုကြောင်း အမိန့်ချမှတ်လိုက်သည်။

လက်ထိပ်ဖြုတ်၍ တရားစစ်ဆေးစီရင်သည်ကို ခံယူရန်ဆိုသည်မှာ သာမန်အားဖြင့်ကြည့်လျှင် မည်သို့မျှ အရေးမကြီးသော ကိစ္စတစ်ရပ်ကဲ့သို့ ဖြစ်နေသည်။ သို့ရာတွင် လူ့ဂုဏ်သိက္ခာနှင့် လျှော်ညီစွာ ရပ်တည်နေထိုင်လျက်ရှိသော လူသားတစ်ဦးအနေဖြင့်ဆိုလျှင် ဥပဒေတစ်ရပ်ရပ်ကို ကျူးလွန်ပါသည်ဟု စွပ်စွဲလျက် တရားရုံးတင် စစ်ဆေးလျှက်ရှိသော အချိန်တွင် လက်ထိပ်တန်းလန်းဖြင့် အများပြည်သူ၏ မြင်ကွင်းထဲတွင် လက်ထိပ်ခတ်ခံရခြင်းသည် ကြီးစွာသော စိတ်အားညှိုးငယ်ခြင်းကို ဖြစ်ပေါ်စေမည်မှာ အမှန်ပင်ဖြစ်သည်။ လက်ထိပ်ခတ်ခြင်းခံထားရသည်ကို မြင်ရသူအပေါင်းအနေဖြင့်လည်း အထင်သေး အမြင်သေးသော မျက်လုံးများဖြင့် ကြည့်ရှုကြမည်မှာ အမှန်ပင်ဖြစ်သည်။ ကဲ့ရဲ့ကြမည်မှာ အမှန်ပင်ဖြစ်သည်။

လူသားဖြစ်စဉ်ထဲ၌ လူတိုင်းလူတိုင်းအား လူသားဖြစ်တည်မှု၏ ဂုဏ်သိက္ခာကို အသိအမှတ်ပြုလေးစား၊ တန်ဖိုးထားကြရမည်မှာ ၂၁ ရာစု ယဉ်ကျေးသော လူ့အဖွဲ့အစည်းဝင်တိုင်း ကိုယ်ပိုင်အသိတရားဖြင့် သိသင့်၊ သိထိုက်၊ သိအပ်လှသည့် ပြဌာန်းစရာမလိုသော ဝတ္တရားပင်ဖြစ်သည်။

ရဲလက်စွဲဥပဒေအား ပြုစုပြဌာန်းခဲ့ကြသော ဥပဒေပညာရှင်များသည် ယင်းအချက်ကို ကောင်းစွာသတိပြုလျှက် ရဲများအနေဖြင့် လက်ထိပ်များကို အမှန်တကယ်လိုအပ်မှသာ အသုံးပြုစေရန်အတွက် ရဲလက်စွဲဥပဒေထဲတွင် လက်ထိပ်ခတ်ခြင်းဆိုသည့် ခေါင်းစဉ်ဖြင့် သီးသန့် ထည့်သွင်းပြဌာန်းပေးထားခြင်းဖြစ်ပေသည်။

သို့သော် ရဲများ၏ လုပ်ထုံးလုပ်နည်းနှင့် ညီညွတ်မှုမရှိသော ဆောင်ရွက်ချက်များသည်လည်းကောင်း၊ ဥပဒေပြဌာန်းချက်များနှင့် ကိုက်ညီခြင်းမရှိသော လုပ်ဆောင်ချက်များသည်လည်းကောင်း၊ အမှုစွဲတင် စစ်ဆေးလိုက်သောအချိန်တွင် သက်ဆိုင်ရာ တရားရုံးတွင် ထင်ထင်ရှားရှား ပေါ်ပေါက်လျက်ရှိကြသော်လည်း၊ သက်ဆိုင်ရာ တရားရုံးများက အလေးအနက်ထား ဖြေရှင်းခြင်း မရှိကြတော့ပေ။ တချို့တရားရုံးများသည်ပင်လျှင် ရဲလုပ်ထုံးလုပ်နည်းများ မှားယွင်းစွာ လုပ်ဆောင်ထားကြသည်များကို ရဲများဘက်မှနေ၍ ကာကွယ်ဖြေရှင်းပေးတတ်ကြသည်။ ထို့ကြောင့် ရဲများအနေဖြင့်လည်း ၎င်းတို့ကိုယ်တိုင် လိုက်နာကြရမည့် ရဲဥပဒေများ၊ လုပ်ထုံးလုပ်နည်းများကို အလေးအနက်ထား လိုက်နာကြတော့ခြင်းမရှိဘဲ ၎င်းတို့စိတ်ထင်သည့်အတိုင်း လုပ်ကိုင်ဆောင်ရွက်ကြသဖြင့် မြန်မာနိုင်ငံရဲတပ်ဖွဲ့၏ ဂုဏ်သိက္ခာသည်လည်း တစ်စထက်တစ်စ ကျဆင်းလာခဲ့ရာ ယနေ့အချိန်အခါတွင်မူ ကုန်းကောက်စရာ မရှိအောင်ပင် ဖြစ်နေပေတော့သည်။


× × × × ×
ဆက်လက်ရေးသားပါအုံးမည်။

စာဖတ်သူများကိုအစဉ်လေးစားလျက်
စောကျော်ကျော်မင်း
၁၄.၉.၂၀၀၉

ဖတ်မိမှတ်မိသမျှ ဥပဒေအပိုင်းအစများ (၇)

စောကျော်ကျော်မင်း

ကိုတင်ဝင်း၊ ကိုညီညီမင်းတို့အား တရားစွဲဆိုထားသော အမှုတွင် တရားရုံးတော်ရှေ့တွင် ပေါ်ပေါက်လျက်ရှိသော ဥပဒေပြဿနာများမှာ တရားရုံးတော်မှ ဖမ်းဝရမ်း (သို့မဟုတ်) သမ္မန်စာ ထုတ်ဆင့်ပေးသည့်အခါမှသာ တရားရုံးတော်သို့ လာရောက်အမှုရင်ဆိုင်စေခြင်း သို့မဟုတ် ဖမ်းဆီးခေါ်ဆောင် အမှုရင်ဆိုင်စေခြင်း ဟုတ်သည်/မဟုတ်သည်၊ ကဗျာစာသားများကို ရေးသားပြီး ဖြန့်ချီဝေငှခြင်းမရှိဘဲ သိမ်းဆည်းထားသည်မှာ ပြစ်မှုဥပဒေပုဒ်မ ၅၀၅(ခ) ကို ကျူးလွန်ခြင်း ဟုတ်သည်/မဟုတ်သည် စသည်တို့မှာ ဥပဒေပြဿနာများအဖြစ် သက်ဆိုင်ရာ တရားရုံးတော်တွင် ပေါ်ပေါက်လျက်ရှိပေသည်။

အကြောင်းချင်းရာပြဿနာများအဖြစ် ကိုညီညီမင်း၏ နေအိမ်တွင်လည်းကောင်း၊ ကိုတင်ဝင်း၏ နေအိမ်တွင်လည်းကောင်း ကဗျာစာရွက်နှစ်ရွက်နှင့် မူရင်းကဗျာစာအုပ်တစ်အုပ် စသည်တို့ကိုလည်းကောင်း သိမ်းဆည်းရမိပြီး ကိုညီညီမင်း၊ ကိုတင်ဝင်းတို့ကို ဖမ်းဆီးသည့်အခါတွင်မူ ထိုကဗျာစာရွက်များကို ဖြန့်ဝေနေသည့်အချိန်တွင် ဖမ်းဆီးရမိခြင်းမဟုတ်သောကြောင့် ပြစ်မှုဥပဒေပုဒ်မ ၅၀၅(ခ) ပြဌာန်းချက်ပါ ပြစ်မှုမြောက်စေသည့် အင်္ဂါရပ်များနှင့် ကိုက်ညီမှု ရှိ/မရှိ စသည့်အကြောင်းချင်းရာပြဿနာများသည် တရားရုံးတော်မှ ဖြေရှင်းဆုံးဖြတ်ပေးရမည့် ပြဿနာများအဖြစ် ပေါ်ပေါက်လျက်ရှိနေပေသည်။


ထို့အပြင် တရားလို ဒုရဲမှူး တင်မောင်အေးသည် ကိုတင်ဝင်းနှင့် ကိုညီညီမင်းတို့သည် အမျိုးသားဒီမိုကရေစီအဖွဲ့ချုပ် အဖွဲ့ဝင်များဖြစ်ကြောင်းနှင့် ၎င်းတို့အား ဖမ်းဆီးသောအချိန်တွင် နိုင်ငံတော်မှ ပြည်လုံးကျွတ် ဆန္ဒခံယူပွဲ ကျင်းပပြုလုပ်မည့် အချိန်ဖြစ်သည့်အပြင် ထိုအချိန်တွင် အမျိုးသားဒီမိုကရေစီအဖွဲ့ချုပ် အဖွဲ့ဝင်များသည် နိုင်ငံတော် တည်ငြိမ်ရေးပျက်ပြားအောင် လုပ်ဆောင်လျက်ရှိကြောင်း စသည်တို့ဖြင့် တရားရုံးတော်တွင် စွပ်စွဲထွက်ဆိုလေတော့သည်။

ထို့ကြောင့် အမျိုးသားဒီမိုကရေစီအဖွဲ့ချုပ်သည် နိုင်ငံရေးပါတီများ မှတ်ပုံတင်ခြင်းဥပဒေဖြင့် တရားဝင် မှတ်ပုံတင် ရပ်တည်လျက်ရှိသော နိုင်ငံရေးပါတီဖြစ်သည်ကို သိပါသလားဆိုသည့် ပြန်လှန်မေးခွန်းမျိုးဖြင့်လည်းကောင်း၊ အမျိုးသားဒီမိုကရေစီအဖွဲ့ချုပ်သည် ၁၉၉၀ ပါတီစုံဒီမိုကရေစီ အထွေထွေရွေးကောက်ပွဲတွင် ၈၂% ကျော်ဖြင့် အနိုင်ရရှိခဲ့သော အနိုင်ရ နိုင်ငံရေးပါတီကြီး ဖြစ်သည်ကို သိပါသလားဆိုသည့် ပြန်လှန်မေးခွန်းမျိုးဖြင့်လည်းကောင်း၊ ကိုတင်ဝင်း၊ ကိုညီညီမင်းတို့အား ဖမ်းဆီးလိုက်သည့် အချိန်တွင် နိုင်ငံတော် မငြိမ်မသက်ဖြစ်နေပါသည် ဆိုသော စွပ်စွဲချက်နှင့်ပတ်သတ်၍လည်း ထိုအချိန်က နိုင်ငံတော်အနှံအပြားတွင်လည်းကောင်း၊ သို့မဟုတ် မငြိမ်မသက်ဖြစ်ပါသည်ဆိုသည့် ကိုတင်ဝင်း၊ ကိုညီညီမင်းတို့ နေထိုင်ရာ ဒဂုံမြို့နယ်တွင်သော်လည်းကောင်း၊ နိုင်ငံတော်မှ အရေးပေါ်အခြေအနေ ကြေငြာထားခြင်းမျိုး ရှိပါသလားဆိုသည့် ပြန်လှန်မေးခွန်းမျိုးဖြင့်လည်းကောင်း၊ ထို့ပြင် သက်သေခံအဖြစ် တင်ပြထားသော အမျိုးသားပြန်လည်သင့်မြတ်ရေး တီရှပ်အင်္ကျီနှင့်စပ်လျဉ်း၍လည်း အမျိုးသားပြန်လည်သင့်မြတ်ရေးဆိုသည်မှာ နိုင်ငံတော်အစိုးရကိုယ်တိုင် တိုင်းရင်းသားစည်းလုံးညီညွတ်ရေး ဆောင်ပုဒ်ကို တာဝန်တစ်ရပ်အနေဖြင့် စွဲကိုင်လုပ်ဆောင်နေခြင်းဖြစ်သဖြင့် နိုင်ငံတော်၏ တာဝန်ကို တာဝန်သိပြည်သူများမှ ကူညီပံ့ပိုး လုပ်ဆောင်ခြင်းဖြစ်၍ ကောင်းမွန်သော ရည်ရွယ်ချက်သာဖြစ်သည်ဆိုလျှင် မှန်ပါသလား ဆိုသည့် ပြန်လှန်မေးခွန်းမျိုးဖြင့်လည်းကောင်း၊ FREE AUNG SAN SUU KYI အင်္ကျီနှင့်စပ်လျဉ်း၍လည်း ဒေါ်အောင်ဆန်းစုကြည်ဆိုသည်မှာ အမျိုးသားဒီမိုကရေစီအဖွဲ့ချုပ်၏ အထင်ကရ ခေါင်းဆောင်တစ်ဦးဖြစ်သည့်အပြင်၊ လူထုခေါင်းဆောင်တစ်ဦးလည်း ဖြစ်ခြင်းကြောင့် အမျိုးသားဒီမိုကရေစီအဖွဲ့ချုပ်ဝင်များအနေဖြင့် မိမိခေါင်းဆောင် လွတ်မြောက်စေရန် တောင်းဆိုခြင်းဖြစ်ကြောင်းနှင့် လူတိုင်းလူတိုင်းအနေဖြင့် လွတ်လွတ်လပ်လပ် တွေးခေါ်ခွင့်၊ ရေးသားတောင်းဆိုခွင့်၊ ဆန္ဒထုတ်ဖေါ်ခွင့်များ ရှိသည်မှာ လူတိုင်း၏ မွေးရာပါအခွင့်အရေးများဖြစ်သည်ကို သိပါသလားဆိုသည့် ပြန်လှန်မေးခွန်းမျိုးဖြင့်လည်းကောင်း ချေဖျက်မေးမြန်းရလေတော့သည်။

ပထမရုံးချိန်းသည် တရားလို ဒုရဲမှူး တင်မောင်အေး စွပ်စွဲထားသော စွပ်စွဲချက်များကို ပြန်လှန်မေးခွန်းပေါင်းမြောက်များစွာဖြင့် ချေဖျက်မေးမြန်းရခြင်းဖြစ်သောကြောင့် ရုံးချိန်းတစ်ချိန်းနှင့်မလောက်ဘဲ နောက်တစ်ရက်သို့ ထပ်မံချိန်းဆိုလိုက်ရလေသည်။

ကျွန်တော့်အနေဖြင့်လည်း နောက်ရုံးချိန်းတွင် ပိုမိုထိရောက် ချေဖျက်နိုင်စွမ်းရှိသော မေးခွန်းများ မေးမြန်းနိုင်ရန်အတွက် ပိုမိုပြင်ဆင်ရလေတော့သည်။

နောက်ရုံးချိန်းတွင် ဥပဒေပြဿနာပိုင်းဆိုင်ရာများကို ပိုမိုထိရောက်စွာ မေးမြန်းနိုင်ရန်အတွက် လိုအပ်နေကြောင်း စိတ်တွင် အလိုလိုသိရှိနေပေသည်။ ကျွန်တော်သည် တရားခွင်စစ်ဆေးမှု အတွေ့အကြုံ လုံးဝမရှိသော သူတစ်ယောက်သာဖြစ်သည့်အပြင် တရားခွင်စစ်ဆေးနေသည့် အချိန်တွင်လည်း နဘေးမှ ထောက်ပြပြောဆို အကြံပေးမည့်သူ တစ်ဦးတစ်လေမျှ မရှိသောကြောင့် စိတ်တထင့်ထင့်ဖြင့်သာ စစ်ဆေးမေးမြန်းနေရခြင်းဖြစ်လေသည်။ သက်သေအနေဖြင့် အမှန်အတိုင်း ၀န်ခံထွက်ဆိုလာစေရန်လည်း ပြန်လှန်စစ်ဆေးခြင်း နည်းပညာများကို တတ်ကျွမ်းသိနားလည်မှုလည်း လုံးဝမရှိဟု မိမိကိုယ်ကို နားလည်လာမိသည်။ အထူးသဖြင့် ဥပဒေပြဿနာများကို မေးမြန်းရမည်ဆိုလျှင် မိမိ၌ရှိသော အရည်အချင်း၊ လေ့လာလိုက်စားမှုများနှင့် မလုံလောက်တော့ဟု အလိုလို နားလည်လာမိသည်။

ထို့ကြောင့်ဆရာ ဦးခင်မောင်ရှိန်အား ပြောဆိုတိုင်ပင်မိသည့်အားလျော်စွာ ဆရာမှလည်း မေးမြန်းရမည့် မေးခွန်းများကို အစွမ်းကုန် ကြိုးစားပြင်ဆင်ပေးလေသည်။ မည်သည့်အချိန်တွင် မည်သည့်မေးခွန်းမျိုး၊ မည်သည့် အခြေအနေတွင် မည်သည့်မေးခွန်းမျိုးကို မေးမြန်းသင့်ကြောင်းကို သင်ပြပေးလေသည်။ သို့သော် ဆရာ့အနေဖြင့် ထိုအမှုကို သူကိုယ်တိုင် လိုက်ပါစစ်ဆေးပေးချင်ပါသော်လည်း ထောင်တွင်းတရားရုံးတွင် စစ်ဆေးလျက်ရှိသော အမှုများနှင့် ရုံးချိန်းချင်း တိုက်ဆိုင်နေပါသောကြောင့် လိုက်ပါနိုင်ခြင်းမရှိ ဖြစ်နေလေသည်။

နောက်ရုံးချိန်းသို့ ရောက်သောအခါတွင် လုံးဝမျှော်လင့်မထားဘဲ လူငယ်ရှေ့နေ ကိုဖိုးဖြူ ရောက်ရှိလာလေသည်။ ကိုဖိုးဖြူနှင့်အတူ ကိုညီညီထွေးပါ ရောက်ရှိလာသောကြောင့် စွပ်စွဲခံရသူများဘက်မှ လိုက်ပါဆောင်ရွက်ကြမည့် ရှေ့နေအင်အားမှာ အလွန်တောင့်တင်းသွားလေတော့သည်။

× × × × ×
ဆက်လက်ရေးသားပါအုံးမည်

စာဖတ်သူများကို အစဉ်လေးစားလျက်-
စောကျော်ကျော်မင်း
(၈.၉.၂၀၀၉)

ဖတ်မိမှတ်မိသမျှ ဥပဒေအပိုင်းအစများ (၆)

စောကျော်ကျော်မင်း

ယခင်ဆောင်းပါးတွင် ဖေါ်ပြထားသည့်အတိုင်း စုံစမ်းထောက်လှမ်းရန် အခွင့်ပေးခြင်းခံရသော ရဲအရာရှိ (သို့မဟုတ်) တရားရုံးမှ သင့်သည်ထင်မြင်သော တစုံတဦးသည် ၎င်းတို့စုံစမ်းထောက်လှမ်းသည့် တွေ့ရှိချက်ကို တရားရုံးတော်သို့ ပြန်လည်တင်ပြသောအခါတွင် တရားရုံးသည် ယခုအဆင့်တွင်မှသာ ပြစ်မှုဆိုင်ရာ ကျင့်ထုံးဥပဒေ ပုဒ်မ ၂၀၄(၁) အရလည်းကောင်း၊ တရားရုံးများလက်စွဲ အပိုဒ် (၄၂၉) အရလည်းကောင်း ပြစ်မှုတစုံတရာကို အရေးယူသည့် ရာဇဝတ်တရားသူကြီးတစ်ဦးသည် အမှုကို အရေးယူဆောင်ရွက်ရန် လုံလောက်သည့် အကြောင်းရှိသည်ဟု ထင်မြင်လျှင်၊ ပြစ်မှုဆိုင်ရာကျင့်ထုံးဥပဒေ ဒုတိယဇယားတွင် ပြဌာန်းထားသည့်အတိုင်း သမ္မန်စာထုတ်ပေးရမည်ဟု ပြဌာန်းထားလျှင် သမ္မန်စာထုတ်ဆင့်ပေးရမည်ဖြစ်ပြီး၊ ဝရမ်းထုတ်ဆင့်ပေးရမည်ဟု ပြဌာန်းထားပါက ဝရမ်းထုတ်ဆင့်ပေးရမည်ဖြစ်သည်။

ပြစ်မှုဆိုင်ရာဥပဒေပုဒ်မ ၅၀၅(ခ) သည် ဖမ်းဝရမ်းထုတ်ဆင့်ပေးရမည်ဟု ပြဌာန်းထားလေသည်။ ထိုသို့ တရားရုံးမှ ဖမ်းဝရမ်းထုတ်ဆင့်ပေးလိုက်သည့် အခါတွင်မှသာ ပြစ်မှုကျူးလွန်သည်ဟု စွပ်စွဲခြင်းခံရသူတို့ကို ဝရမ်းပြသ ဖမ်းဆီးခွင့်ရှိပေသည်။

သို့ရာတွင် ပြစ်မှုဆိုင်ရာကျင့်ထုံးဥပဒေက ဝရမ်းထုတ်ဆင့်ရမည်ဟု ပြဌာန်းထားသည်မှန်သော်လည်း တရားသူကြီးက ၎င်း၏ ဆင်ခြင်တုံတရားအရ အမှုအသီးသီး၏ အကြောင်းခြင်းရာအခြေအနေတို့ကို ထောက်၍ စွပ်စွဲခံရသူကို တရားရုံးတော်သို့ ဖမ်းဆီးချုပ်နှောင်ခြင်းမပြုဘဲ လာရောက်အမှုရင်ဆိုင်နိုင်ရန် ဖမ်းဝရမ်းအစား သမ္မန်စာကိုလည်း ထုတ်ဆင့်ပေးနိုင်ပေသည်။

ကိုတင်ဝင်းနှင့် ကိုညီညီမင်းတို့အမှုကို ဒဂုံမြို့သစ်တောင်ပိုင်းတရားရုံးတွင် ပြစ်မှုဥပဒေပုဒ်မ ၅၀၅(ခ) ဖြင့် တရားစွဲဆိုသောအခါတွင် တရားလို ဒုရဲမှူး တင်မောင်အေးမှ ဦးတိုက်လျှောက်ထား တရားစွဲဆိုနေသည့်အချိန်နှင့် တပြိုင်နက်တည်း ကိုတင်ဝင်းနှင့် ကိုညီညီမင်းတို့ကိုလည်း လက်ထိပ်တန်းလန်းဖြင့် တရားရုံး တရားသူကြီးရှေ့မှောက်သို့ ပို့ဆောင်ထားသည်ကို တွေ့ရမည်ဖြစ်သည်။ ယခင်ဆောင်းပါးတွင် ဖော်ပြထားသော လုပ်ထုံးလုပ်နည်းအဆင့်ဆင့်၊ ဥပဒေပြဌာန်းချက်အဆင့်ဆင့်ကို လိုက်နာလုပ်ဆောင်ခြင်းမရှိကြောင်း ပေါ်ပေါက်လျက်ရှိပေသည်။

အမှန်အတိုင်းဝန်ခံရပါလျှင် ထိုအချိန်က ကျွန်တော့်နေဖြင့် အထက်ဖေါ်ပြပါ လုပ်ထုံးလုပ်နည်းအဆင့်ဆင့်ကို ရှင်းရှင်းလင်းလင်း သိရှိထားခြင်းမရှိသေးပေ။ ယခုမှသာ ပြန်လည်လေ့လာဖတ်ရှု သိရှိလာခြင်းဖြစ်သည်။ အမှုတခုကို တရားရုံးတစ်ရုံးသို့ စွဲဆိုတင်ပို့ စစ်ဆေးကြသောအခါတွင် ဥပဒေပြဿနာနှင့် အကြောင်းခြင်းရာ ပြဿနာဟူ၍ ပြဿနာနှစ်ရပ်ကို ရင်ဆိုင်ကြရမည်ဖြစ်သည်။

ကိုတင်ဝင်းနှင့် ကိုညီညီမင်းတို့ကို အမှုစတင်မစစ်ဆေးမီ တရားရုံးအချုပ်တွင် ခုခံကာကွယ်ရေးလမ်းကြောင်းအဖြစ် ပြောဆိုဆွေးနွေးခွင့် ရသောအခါတွင်လည်း ကျွန်တော်သည် အကြောင်းခြင်းရာပြဿနာများကိုသာ ပြောဆိုဆွေးနွေးမိသည်။

ကိုတင်ဝင်းအနေဖြင့် တရားစွဲဆိုသည့် ကဗျာများသည် ၎င်းကိုယ်တိုင် ရေးသားသည်မှန်သော်လည်း အများပြည်သူသို့ ထုတ်ဖေါ်ဖြန့်ချီခြင်းမျိုးမဟုတ်ဘဲ မိခင်ပါတီဖြစ်သည့် အမျိုးသားဒီမိုကရေစီအဖွဲ့ချုပ်မှ ကျင်းပပေးလေ့ရှိသော နေ့ကြီးရက်ကြီးအခါသမယ အခမ်းအနားပွဲများတွင် နံရံကပ်စာစောင်ပြိုင်ပွဲများနှင့် ကဗျာပြိုင်ပွဲများတွင် ပေးပို့ယှဉ်ပြိုင်ရန် ရည်ရွယ်ရေးသားထားခြင်းဖြစ်ကြောင်းနှင့် ယင်းကဗျာစာရွက်နှစ်ရွက် ကိုညီညီမင်းနေအိမ် ရောက်ရှိနေရသည်မှာလည်း ကိုညီညီမင်းအနေဖြင့် ကိုတင်ဝင်းရေးသားသော ကဗျာစာသားများကို ကြိုက်နှစ်သက်လွန်းအားကြီးသဖြင့်သာ သိမ်းဆည်းထားခြင်းဖြစ်ကြောင်းတို့ကို အဓိကထား ခုခံကာကွယ်မည်ဖြစ်ကြောင်း ပြောဆိုဆွေးနွေးဖြစ်လေသည်။

ကိုတင်ဝင်းနှင့် ကိုညီညီမင်းတို့နှစ်ဦးသည် ဖမ်းဆီးခံရပုံချင်း မတူညီသကဲ့သို့ စစ်ကြောရေးလုပ်သည့် နေရာမှာလည်း မတူညီကြောင်း သိရှိရလေသည်။ ကိုညီညီမင်းကို ရန်ကုန်တိုင်းရဲရုံးချုပ်တွင် (ရန်ကုန်တိုင်းစုပေါင်းတရားရုံးအပေါ်ထပ်) ထ.လ.ရ (နိုင်) မှ ဖမ်းဆီးစစ်ကြောခဲ့ခြင်းဖြစ်သည်။ ကိုညီညီမင်း၏ ပြောကြားချက်အရ ညှဉ်းပမ်းနှိပ်စက်မှုများလည်း လုပ်ခဲ့ကြောင်းသိရသည်။ ကိုတင်ဝင်းကိုမူ မြို့နယ်ရဲအချုပ်တွင်သာ ထားရှိခြင်းဖြစ်ပေသည်။

ကျွန်တော်လိုက်ပါဆောင်ရွက်ရသည့် ပထမဆုံးအမှုဖြစ်သောကြောင့် စိုးရိမ်ကြောက်ရွံ့မိသည်မှာ အမှန်ဖြစ်သည်။ တရားခွင်တွင် ကိုယ်စားလှယ်လွှဲစာတင်သည့် အချိန်ကတည်းကပင် တုန်တုန်ယင်ယင်ဖြစ်နေပေသည်။ ၎င်းအမှုစစ်ဆေးမည်ကို လာရောက်ကြည့်ရှုကြသော အမျိုးသားဒီမိုကရေစီအဖွဲ့ချုပ်ဝင်များကလည်း တရားရုံးအပေါက်ဝတွင် စောင့်ဆိုင်းကြည့်ရှုနေကြခြင်းဖြစ်သောကြောင့် တိုက်ပုံအနက်ဝတ် ခေါင်းပေါင်းဆောင်းထားသော ကျွန်တော့်အနေဖြင့် တရားခွင်ရှေ့တွင် ဟန်ကိုယ့်ဖို့ဆိုသည့်အတိုင်း တရားခွင်မှ ထွက်ပြေးချင်သည့် စိတ်ကို မနဲမျိုသိပ်ထားရပေသည်။

ပထမဆုံး ရုံးချိန်းရက်တွင် တရားလို ဒုရဲမှူး တင်မောင်အေး လာရောက်အစစ်ခံမည်ဆိုသော်လည်း မြို့နယ်ဥပဒေအရာရှိက အမှုတွဲ မလေ့လာရသေးဟူသော အကြောင်းပြချက်ဖြင့်လည်းကောင်း၊ ကျွန်တော့်အနေဖြင့်လည်း အမှုတွဲလေ့လာချင်ပါသေးသည်ဟူသော အကြောင်းပြချက်ဖြင့်လည်းကောင်း တရားရုံးသို့ တင်ပြကြရာ တရားရုံးမှ အမှုမစစ်ဆေးသေးဘဲ နောက်တပတ်သို့ ရုံးချိန်းချိန်းဆိုလိုက်လေသည်။

×××××
(ဆက်လက်ရေးသားပါအုံးမည်)

စာဖတ်သူများကိုအစဉ်လေးစားလျှက်-
စောကျော်ကျော်မင်း
(၂၂.၇.၂၀၀၉)

ဖတ်မိမှတ်မိသမျှ ဥပဒေအပိုင်းအစများ (၅)

စောကျော်ကျော်မင်း

ကျွန်တော် ရှေ့နေလိုက်ပါခွင့်လိုင်စင် ရရှိပြီး ပထမဆုံး စ၍လိုက်ပါဆောင်ရွက်ရသော အမှုမှာ ဒဂုံမြို့ သစ်တောင်ပိုင်းမြို့နယ် တရားရုံးတွင်ဖြစ်သည်။ တရားလို ဒုရဲမှူး တင်မောင်အေးနှင့် စွပ်စွဲခံရသူများမှာ ဒဂုံမြို့သစ် အမျိုးသားဒီမိုကရေစီအဖွဲ့ချုပ် အဖွဲ့ဝင်များဖြစ်ကြသည့် ကိုတင်ဝင်းနှင့် ကိုညီညီမင်းတို့ ဖြစ်ကြသည်။ ကိုတင်ဝင်းနှင့် ကိုညီညီမင်းတို့ကို ပြစ်မှုဥပဒေပုဒ်မ ၅၀၅(ခ) ဖြင့် မြို့နယ်ရဲမှူး ဦးတင်မောင်အေးက တရားလိုပြုလုပ် တရားစွဲဆိုခြင်းဖြစ်ကာ ၂၀၀၈ ခုနှစ် ပြစ်မှုကြီးမှုအမှတ် ၄၉၄ ဖြင့် ဒဂုံမြို့သစ်တောင်ပိုင်း မြို့နယ်တရားသူကြီးရုံးမှ လက်ခံကာ အမှုကို စစ်ဆေးခဲ့ခြင်းဖြစ်သည်။

၂၀၀၈ ခုနှစ် သင်္ကြန်ပွဲတော်တွင် ကိုတင်ဝင်းနှင့်အတူ ဒဂုံမြို့သစ်မြို့နယ်မှ အမျိုးသားဒီမိုကရေစီအဖွဲ့ချုပ်ဝင် လူငယ်များသည် “NO” မဏ္ဍပ်ကို ဆောက်လုပ် ရေကစားကြသည်။ ထိုအချိန်က လူထုဆန္ဒခံယူပွဲ ကျင်းပပေးမည်ဟု န.အ.ဖအစိုးရက ကြေငြာထားပြီး အမျိုးသားဒီမိုကရေစီအဖွဲ့ချုပ်ကလည်း မဲရုံကိုသွား၍ ကန့်ကွက်မဲပေးကြရန် ပြည်သူလူထုကို ပန်ကြားချက်ထုတ်ပြန်ထားသော အချိန်ဖြစ်သည်။ ထိုအချိန်တွင် ကိုတင်ဝင်းနှင့် အမျိုးသားဒီမိုကရေစီအဖွဲ့ချုပ်ဝင် လူငယ်များက ရေကစားမဏ္ဍပ်ကို “NO” ဟူသော အမည်ဖြင့် ဖွင့်လှစ်ရေကစားခြင်းမှာ မြို့နယ်အာဏာပိုင်များအတွက် ကြီးစွာသော စိုးရိမ်ပူပန်မှု၊ တုန်လှုပ်မှုကို ဖြစ်ပေါ်စေမည်မှာ မလွဲဧကန်ပင်ဖြစ်သည်။

သို့သော် သင်္ကြန်ကာလတွင် ရေကစားမဏ္ဍပ်ကို ပိတ်ခိုင်း၍မရသကဲ့သို့ “NO” ဟူသော အမည်မပေးပါနှင့်ဟူ၍လည်း တားဆီးပိတ်ပင်၍ မရပေ။ ထို့ကြောင့် အာဏာရှင်တို့၏ထုံးကို နှလုံးမူကာ ကိုတင်ဝင်းကို တနည်းမဟုတ်တနည်း ဖမ်းဆီးရန် ကြံရွယ်လုပ်ကြတော့သည်။

ဒုရဲမှူး တင်မောင်အေးခေါင်းဆောင်သော အဖွဲ့သည် နယ်မြေတည်ငြိမ်ရေးဟူသော အကြောင်းပြချက်ဖြင့် ဧည့်စာရင်းစစ်သည်။ ကိုညီညီမင်း၏ နေအိမ်တွင်မူ ဧည့်စာရင်းစစ်ပါမည်ဟူသော အကြောင်းပြချက်ဖြင့် ဝင်ရောက်ရှာဖွေတော့သည်။ ထိုသို့ရှာဖွေရာတွင် ကဗျာရှင် တင်ဝင်းဟူ၍ ရေးသားထားသော ကဗျာစာရွက်နှစ်ရွက်ကို စာအုပ်စင်၏ စာအုပ်နှစ်အုပ်ကြားတွင် ညှပ်ထားသည်ကို တွေ့ရှိသိမ်းဆည်းလိုက်သည်။ ယင်းအချိန်တွင် ကိုညီညီမင်းမှာ နေအိမ်တွင်မရှိသောကြောင့် အဖမ်းမခံရသေးပေ။

ထို့နောက် ကိုတင်ဝင်းနေအိမ်သို့ လည်းသွားရောက်ကာ ဧည့်စာရင်းစစ်ပါမည်ဟူသော အကြောင်းပြချက်နှင့်ပင် ဝင်ရောက်ရှာဖွေပြန်သည်။ ထိုကဲ့သို့ရှာဖွေရာတွင် ကိုတင်ဝင်းကိုယ်တိုင် လက်ရေးဖြင့်ရေးသားထားသော မူရင်းကဗျာများပါဝင်သည့် စာအုပ်နှင့်အတူ 'FREE AUNG SAN SUU KYI' စာတမ်းပါ တီရှပ်တစ်ထည်၊ 'အမျိုးသားပြန်လည်သင့်မြတ်ရေး' စာတမ်းပါ တီရှပ်တစ်ထည် စသည်တို့ကို တွေ့ရှိသိမ်းဆည်းလိုက်သည်။ ကိုတင်ဝင်းကို နောက်တနေ့တွင် ဖမ်းဆီးပြီး ကိုညီညီမင်းကိုမူ တစ်ပတ်ကျော်ကျော်အကြာတွင်မှ ဖမ်းဆီးခဲ့သည်။

ယင်းကဗျာစာရွက်နှစ်ရွက်၊ မူရင်းကဗျာများ ရေးသားထားသည့် စာအုပ်တစ်အုပ်၊ တီရှပ်နှစ်ထည်တို့ကို အခြေခံ၍ အမှုတည်ဆောက်ကာ ကိုတင်ဝင်းနှင့် ကိုညီညီမင်းတို့ကို ပြစ်မှုဥပဒေပုဒ်မ ၅၀၅(ခ) ဖြင့် တရားစွဲဆိုလိုက်ခြင်းဖြစ်သည်။ ရေးသားထားသော ကဗျာများမှာ “ခွပ်ဒေါင်းအားမာန်” နှင့် တခြားကဗျာများ ပါဝင်လေသည်။

ကျွန်တော့်အနေဖြင့် ထိုအမှုကို လိုက်ပါဆောင်ရွက်ရန် အခွင့်တိုက်ဆိုင်လာသည်။ အကြောင်းမှာ ထိုအချိန်တွင် ကျွန်တော်၏ ဆရာများသည်လည်းကောင်း၊ ကျွန်တော့်ထက် အတွေ့အကြုံများသည့် လူငယ်ရှေ့နေများသည်လည်းကောင်း နိုင်ငံရေးအမှုများကို အားလပ်ချိန်မရှိလောက်အောင်ပင် လိုက်ပါဆောင်ရွက်နေရသောကြောင့် ဖြစ်သည်။ ဆရာဦးခင်မောင်ရှိန်မှ ရှေ့နေကိုယ်စားလှယ် လွှဲစာပေါ်တွင် ပူးတွဲလက်မှတ် ရေးထိုးပေးပြီး ကျွန်တော့်အား လိုက်ခိုင်းတော့သည်။

ပြစ်မှုဥပဒေပုဒ်မ ၅၀၅(ခ) ၏ အဓိပ္ပာယ်ဖွံ့ဆိုချက်အကျဉ်းမှာ “အများပြည်သူ၏ အကျိုးပျက်စီးမှုကို ဖြစ်စေမှု” ဖြစ်သည်။ အကျယ်မှာ မည်သူမဆို ဖေါ်ပြချက်/ကောလဟာလ သတင်းကို ထုတ်ပြန်ကြေငြာရာတွင် သို့မဟုတ် ဖြန့်ချီရာတွင်၊ နိုင်ငံတော်အစိုးရ/ ငြိမ်ဝပ်ရေး ထိခိုက်သည့်ပြစ်မှုကို တဦးယောက်သောသူက ကျူးလွန်ချင်လာအောင်၊ အများပြည်သူ/ သီးခြားလူတစုကို ကြောက်ခြင်း၊ ထိတ်လန့်ခြင်း၊ တခုခုဖြစ်စေရန် အကြံရှိလျှင်၊ သို့မဟုတ် ထိုသို့ဖြစ်စေတန်ရာသည့် အကြောင်းရှိလျှင် ပြစ်မှုမြောက်သည်ဟု ပြဌာန်းထားလေသည်။

ပြစ်မှုကျူးလွန်သူ တဦးတယောက်ကို ဖမ်းဆီးမည်ဆိုရာတွင် ရဲအရေးပိုင်သည့် အမှုရှိသကဲ့သို့ ရဲအရေးမပိုင်သည့် အမှုလည်း ရှိပေသည်။ ရဲအရေးမပိုင်သည့်အမှုကို ပြစ်မှုဆိုင်ရာ ကျင့်ထုံးဥပဒေ ဇယား (၂) စာတိုင် (၃) ပြန်ဌာန်းချက်ပါ ဝရမ်းမပါဘဲ ဖမ်းဆီးခွင့်မရှိဟု အတိအလင်း ပြဌာန်းထားသည်။ ပြစ်မှုဥပဒေပုဒ်မ ၅၀၅(ခ) သည် ရဲအရေးမပိုင်သော အမှုပင်ဖြစ်သည်။

ရဲအရေးယူပိုင်ခွင့်မရှိသော အမှုများတွင် ပြစ်မှုကျူးလွန်ကြောင်း ရဲတပ်ဖွဲ့စခန်းမှူးထံ သတင်းပေးလာလျှင် ရဲအရာရှိသည် ထိုသတင်းပေးချက်အကျဉ်းချုပ်ကို သတ်မှတ်ထားသည့် ပုံစံအတိုင်း ထားရှိသည့် မှတ်တမ်းစာအုပ်တွင် ရေးသွင်း၍ ထိုသတင်းပေးသူကို ရာဇဝတ်တရားသူကြီးထံ သွားရောက်ရန် လမ်းညွှန်ပေးရမည်ဟု ပြစ်မှုဆိုင်ရာ ကျင့်ထုံးဥပဒေပုဒ်မ ၁၅၅(၁) တွင် ပြဌာန်းထားပေသည်။ ရဲလက်စွဲဥပဒေ အပိုဒ် ၁၄၅၄ တွင်လည်း ရဲတပ်ဖွဲ့ဝင်များသည် ဆင်ခြင်တိုင်းထွာပြီး အများပြည်သူတို့အကျိုးအတွက် လိုအပ်လျှင် (လူတဦး သို့မဟုတ် လူအချို့ အကျိုးခံစားရန်အတွက် မဟုတ်ချေ) အခွင့်အာဏာရှိ ရာဇဝတ်တရားသူကြီးများထံ ရဲအရေးမယူပိုင်သော အမှုများကို သက်ဆိုင်ရာဥပဒေနှင့် ပုဒ်မများအရ စွဲဆိုလျှောက်ထားရမည်ဟု ဖေါ်ပြထားလေသည်။

ယင်းကဲ့သို့ ရာဇဝတ်တရားသူကြီးထံ သွားရောက်လျှောက်ထား အမှုစွဲဆိုသည့်အခါမှသာ ရာဇဝတ်တရားသူကြီးက ပြစ်မှုဆိုင်ရာ ကျင့်ထုံးဥပဒေပုဒ်မ ၂၀၀ အရ တိုင်တန်းသူကို ကျမ်းသစ္စာကျိန်ဆိုစေ၍ ချက်ခြင်းစစ်ဆေးရမည်ဖြစ်သည်။ ယင်းကို တရားရုံးတော်၌ ဦးတိုက်လျှောက်ထား တရားစွဲဆိုသည်ဟု ခေါ်ဆိုလေသည်။ တရားရုံးများလက်စွဲ အပိုဒ် ၄၂၅ တွင်လည်း အထက်ပါအတိုင်း ဖေါ်ပြထားလေသည်။ ထို့ပြင် တရားရုံးများလက်စွဲ အပိုဒ် ၄၂၅(ခ) တွင် တိုင်လျှောက်သူ တရားလို၏ စစ်မေးချက်မှာ စစ်မေးသည်ဆိုရုံမျှသာ မဖြစ်စေရ။ အမှုဆက်လက်ဆောင်ရွက်ရန် လုံလောက်သော အခြေခံရှိမရှိကို ရာဇဝတ်တရားသူကြီးက ချင့်ချိန်ဆုံးဖြတ်နိုင်လောက်အောင် တိုင်လျှောက်ချက်ပါ အကြောင်းအရာနှင့်တကွ ထိုတိုင်လျှောက်ချက်ကို အထောက်အခံအဖြစ် တင်ပြနိုင်မည့် သက်သေခံချက်တို့ကိုပါ ဉာဏ်အမြော်မြင်ဖြင့် စုံစမ်းစစ်ဆေးခြင်းဖြစ်စေရမည်ဟု ဖေါ်ပြထားလေသည်။

ယခုအဆင့်အထိ ဦးတိုက်လျှောက်ထား တရားစွဲဆိုသည့် ရဲအရာရှိသည် ပြစ်မှုကျူးလွန်သည်ဟု သံသယရှိသူကို ဖမ်းဆီးရန်ဝေးစွ၊ ယင်းအမှုကို စုံစမ်းရန်ပင် အခွင့်အဏာမရှိသေးချေ။ ပြစ်မှုဆိုင်ရာ ကျင့်ထုံးဥပဒေပုဒ်မ ၁၅၅(၂) တွင် ရာဇဝတ်တရားသူကြီး၏အမိန့် မရရှိဘဲ မည်သည့်ရဲအရာရှိကမျှ ရဲအရေးယူပိုင်ခွင့်မရှိသော အမှုကို စုံစမ်းထောက်လှမ်းခြင်းမပြုရဟု အတိအလင်း ပြဌာန်းထားပေသည်။

အထက်ပါကဲ့သို့ ဦးတိုက်လျှောက်ထား တရားစွဲဆိုသည့် အမှုကို ရာဇဝတ်တရားသူကြီးက လက်ခံလိုက်သောအခါတွင်မှသာ ပြစ်မှုဆိုင်ရာ ကျင့်ထုံးဥပဒေပုဒ်မ ၂၀၂ အရလည်းကောင်း၊ တရားရုံးများလက်စွဲ အပိုဒ် ၄၂၆ အရလည်းကောင်း မိမိလက်အောက်ရှိ ရာဇဝတ်တရားသူကြီး တဦးဦးကိုဖြစ်စေ၊ သင့်သည်ထင်မြင်သည့် တခြားသူတဦးတယောက်ကိုဖြစ်စေ၊ ရဲအရာရှိတဦးဦးကိုဖြစ်စေ တိုင်တန်းချက်မှန်မမှန် သိသာရန်ကိစ္စအလို့ငှာ စုံစမ်းထောက်လှမ်းခြင်း သို့မဟုတ် စုံစမ်းစစ်ဆေးခြင်း ပြုလုပ်ရမည့်အကြောင်း ညွှန်ကြားနိုင်ပေသည်။

ညွှန်ကြားချက်ရရှိသော အခါတွင်မှသာ ပြစ်မှုဆိုင်ရာ ကျင့်ထုံးဥပဒေပုဒ်မ ၁၅၅(၃) ပြဌာန်းချက်ပါအတိုင်း စုံစမ်းထောက်လှမ်းရန် အမိန့်မျိုးရရှိမှသာ မည်သည့်ရဲအရာရှိမဆို ရဲအရေးယူပိုင်ခွင့်ရှိသော အမှု၌ သုံးစွဲနိုင်သော ပြည်သူ့ရဲတပ်ဖွဲ့စခန်းမှူးတစ်ဦးရရှိသော အာဏာများကို သုံးစွဲလျှက် စုံစမ်းထောက်လှမ်းနိုင်သည်။ သို့သော် ဝရမ်းမပါဘဲ ဖမ်းဆီးရန် အာဏာမရှိပေဟု ပြဌာန်းထားသည့်အတိုင်း ယခုအဆင့်မှသာ စတင်၍ ရာဇဝတ်တရားသူကြီးတဦးဦး၏ ခွင့်ပြုမိန့်နှင့်အညီ စတင်စုံစမ်းထောက်လှမ်းရမည်ဖြစ်ပေသည်။ သို့ရာတွင် စုံစမ်းထောက်လှမ်း၍ ပြစ်မှုကျူးလွန်ကြောင်း ထင်ရှားသည့်တိုင်အောင် ရဲအရာရှိ၌ ၎င်း၏သဘောဆန္ဒအတိုင်း ဖမ်းဆီးရန် အခွင့်အာဏာမရှိသေးပေ။
xxxxxx
(ဆက်လက်ရေးသားပါအုံးမည်)

စာဖတ်သူများကိုအစဉ်လေးစားလျှက်-
စောကျော်ကျော်မင်း
(၂၄.၆.၀၉)

ဖတ်မိမှတ်မိသမျှ ဥပဒေအပိုင်းအစများ (၄)

စောကျော်ကျော်မင်း

ယခင်ဆောင်းပါးတွင် ရဲများ၏ စွပ်စွဲခံရသူတဦးဦးအပေါ်တွင် ဖြောင့်ချက်ရယူခြင်းမှာ ပြစ်မှုကျူးလွန်ခြင်းပင်ဖြစ်ကြောင်းကို ဥပဒေအထောက်အထားများဖြင့် တင်ပြခဲ့ပြီးဖြစ်သည်။ ထိုကဲ့သို့ ရဲထံပေးသော ဖြောင့်ချက်ကို တရားရုံးများတွင် သက်သေခံအဖြစ် တင်သွင်းလာလျှင် တရားရုံးများအနေဖြင့် တရားဥပဒေနှင့်အညီ ပယ်ချရမည်သာဖြစ်လေသည်။

ရဲထံပေးသော ဖြောင့်ချက်သည် သက်သေခံမဝင်သော်လည်း တရားသူကြီး တဦးဦးထံပေးသော ဖြောင့်ချက်သည် တရားဝင် သက်သေခံအဖြစ် တင်ပြခွင့်ရှိပေသည်။ သို့ရာတွင် ဖြောင့်ချက်ယူသော တရားသူကြီး လိုက်နာရမည့် စည်းမျဉ်းစည်းကမ်း မြောက်များစွာ ရှိပေသည်။ ထိုစည်းမျည်းစည်းကမ်းများထဲမှ တခုခုကို ဖေါက်ဖျက်မိရုံ (သို့မဟုတ်) သတိချွတ်ချော် မလိုက်နာမိရုံကာမျှဖြင့် ထိုတရားသူကြီးထံတွင် ပေးထားသော (သို့မဟုတ်) ထိုတရားသူကြီး ရယူထားသော ဖြောင့်ချက်တခုလုံး ပျက်ပြယ်သွားတတ်ကြသည်မဟုတ်သော်လည်း အရေးကြီးသော အကြောင်းအရာ၊ လုပ်ထုံးလုပ်နည်းများကိုမူ မလွဲမသွေ လိုက်နာကျင့်သုံးကြရမည်ဖြစ်ကာ မှားယွင်းချွတ်ချော်သွားပါက ဖြောင့်ချက်တခုလုံး ပျက်ပြယ်သွားတတ်သည်။

ပြစ်မှုကျူးလွန်သူတဦးဦးသည် ၎င်းကျူးလွန်ခဲ့သော ပြစ်မှုကို တရားသူကြီးတဦးဦးထံတွင် ဝန်ခံထွက်ဆိုခြင်းမှာ လွန်စွာအရေးကြီးသော ကိစ္စဖြစ်ပေသည်။ မိမိကိုယ်တိုင် ပြစ်မှုကျူးလွန်မိခဲ့သည့်အတွက် နောင်တွင် မိမိအပေါ်သို့ ကျရောက်မည့် ပြစ်ဒဏ်ကို ခံယူပါ့မည်ဟူသော သဘောသက်ရောက်ပေသည်။ ထို့ကြောင့် ပြစ်မှုကျူးလွန်ကြောင်း ဝန်ခံချက် (သို့မဟုတ်) ဖြောင့်ချက်သည် ပြစ်မှုကျူးလွန်သူ၏ သဘောဆန္ဒအလျောက် ပေးသည့် ဝန်ခံချက်မျိုး (သို့မဟုတ်) ဖြောင့်ချက်မျိုးဖြစ်ရန် လိုအပ်ပေသည်။ ထိုကဲ့သို့ ပြစ်မှုကျူးလွန်သူကိုယ်တိုင် ၎င်း၏ သဘောဆန္ဒအလျောက်ပေးသည့် ဖြောင့်ချက်မျိုးကို ရရှိနိုင်ရန်အတွက် ဥပဒေဖြင့် စည်းကမ်းသတ်မှတ်ချက်များ သတ်မှတ်ကာကွယ်ပေးထားရခြင်းဖြစ်သည်။ တနည်းအားဖြင့် ပြစ်မှုကျူးလွန်သူအတွက် ဥပဒေအရ ရသင့်ရထိုက်သော အခွင့်အရေးကို သတ်မှတ်ထားခြင်းဖြစ်သည်။

ပြစ်မှုကျူးလွန်သူကိုယ်တိုင်၏ အမှန်တကယ် ပြစ်မှုကျူးလွန်ခြင်းဖြစ်ကြောင်း ဖြောင့်ဆိုဝန်ခံချက်ဖြစ်သည်ဟု ယုံကြည်လက်ခံနိုင်မှသာလျှင် ၎င်း၏ ဖြောင့်ဆိုဝန်ခံချက်ကို ရေးမှတ်ယူခွင့်ပြုလေသည်။

ဖြောင့်ဆိုဝန်ခံချက်သည် ပြစ်မှုကျူးလွန်သူကိုယ်တိုင်၏ သဘောဆန္ဒအလျောက် ပေးသော ဖြောင့်ဆိုဝန်ခံချက်မဟုတ်ပါက သက်သေခံမဝင်ပေ။ “ဖြောင့်ချက်ယူသည့် တရားသူကြီးအား ဖြောင့်ချက်မယူမီ တရားခံအား မေးမြန်းခဲ့ခြင်းရှိမရှိ၊ ထိုသို့ မေးမြန်းသည့်အခါ တရားခံသည် ၎င်း၏ သဘောဆန္ဒအလျောက် ဖြောင့်ဆိုသည်ဟု ယုံကြည်ခဲ့ခြင်းရှိမရှိ၊ ရေးယူသော ဖြောင့်ချက်သည် တရားခံပြောသည့်အတိုင်း အမှန်အကန် အပြည့်အစုံ ပါရှိခြင်းရှိမရှိ စစ်မေးရသည်” ဟု မောင်ဝဲအမှု၊ အောက်မြန်မာပြည်စီရင်ထုံး အတွဲ ၂၊ စာမျက်နှာ ၃၁၇ တွင်လည်းကောင်း၊ “တရားခံသည် မိမိသဘောဆန္ဒအလျောက် ဖြောင့်ချက်ပေးခြင်းဟုတ်မဟုတ် သိရှိရန် လုံလောက်သော မေးမြန်းစစ်ဆေးမှု မပြုလုပ်ပါက ဖြောင့်ချက်သည် သက်သေခံမဝင်” ဟု သိန်းအောင်အမှု၊ အောက်မြန်မာပြည် စီရင်ထုံး အတွဲ ၃၊ စာမျက်နှာ ၁၇၃ တွင်လည်းကောင်း အတိအလင်း စီရင်ထုံးဖွဲ့ထားပေသည်။

ပြစ်မှုကျူးလွန်သူတဦးဦးထံမှ ဖြောင့်ချက်ယူရာတွင် လိုက်နာရမည့် နည်းဥပဒေများကို ပြစ်မှုဆိုင်ရာ ကျင့်ထုံးဥပဒေပုဒ်မ (၁၆၄) နှင့် (၃၆၄) တို့တွင် အတိအလင်း ပြဌာန်းထားသည်။ ဖြောင့်ချက်ရေးမှတ်ရယူသော တရားသူကြီးတိုင်းသည် ဖြောင့်ချက်ကိုရေးသွင်းရန် ပုံစံ (၆၉) ကိုသာ အသုံးပြုရမည်ဖြစ်ကာ ထိုပုံစံ (၆၉) တွင် ရေးသွင်းရန် အကြောင်းအရာတိုင်းကို ထိုတရားသူကြီးသည် အလေးအနက် ဂရုပြုရေးသွင်းရမည်ဖြစ်ပေသည်။ ထိုတရားသူကြီး၏ အရေးအကြီးဆုံး တာဝန်ဝတ္တရားမှာ ဖြောင့်ဆိုဝန်ခံချက်ပေးမည့်သူသည် ၎င်းကိုယ်တိုင် ၎င်း၏ သဘောဆန္ဒအလျောက် ပေးသည့် ဖြောင့်ဆိုဝန်ခံချက် ဟုတ်မဟုတ်ဆိုသည်ကို ယုံကြည်ကျေနပ်နိုင်ရန်အတွက် နည်းလမ်းအမျိုးမျိုးကို အသုံးပြု၍ မေးမြန်းခြင်း၊ စစ်ဆေးခြင်းများ ပြုလုပ်ရပေသည်။ ထို့ပြင် ထိုသို့ ယုံကြည်ကျေနပ်ပါကလည်း ဖြောင့်ချက်ပေးရန် အကြောင်းဖြစ်ပေါ်လာသည့် အကြောင်းခြင်းရာ အတိအကျတို့မှစတင်၍ တရားခံသည် ရဲအချုပ်တွင် အချိန်မည်မျှကြာအောင် ဖမ်းဆီးချုပ်နှောင်ခံထားရခြင်း၊ ဖြောင့်ချက်ပေးဆိုရန်အတွက် ရဲက ခြိမ်းခြောက်ခြင်းရှိမရှိ၊ မတော်သြဇာလွမ်းမိုးမှုရှိမရှိ၊ ရိုက်နှက်ညှဉ်းပမ်း နှိပ်စက်ခြင်းရှိမရှိ စသည်တို့ကို မေးမြန်းစုံစမ်း၍ အတိအကျ ရေးမှတ်ရယူရမည်ဖြစ်ပေသည်။

ဖြောင့်ချက်မရယူမီအချိန်ကပင် တရားသူကြီးသည် ဖြောင့်ဆိုဝန်ခံချက်ပေးမည့်သူအား ရဲ၏ သြဇာလွှမ်းမိုးမှုမရှိသည့် အခြေအနေနှင့် နေရာဒေသတွင် အချိန်ပေး၍ စဉ်းစားဆင်ခြင်ခွင့်ပေးရမည်ဖြစ်သည်။ ရဲက ညှဉ်းပန်းနှိပ်စက်သည်ဟု အလိုအလျောက်ပြောဆိုလာလျှင် ဖြောင့်ချက်ယူမည့် တရားသူကြီးသည် အချိန်မဆိုင်း ရေးသွင်းမှတ်တမ်းတင်ရမည်ဖြစ်သည်။ ထို့ပြင် မတော်မလျှော် အကျပ်အတည်းဖြစ်စေရန် ပြုလုပ်ကြောင်း တွေ့ရှိရပါက ချက်ချင်း စုံစမ်းစစ်ဆေးရမည်ဖြစ်သည်။ ဖြောင့်ချက်ပေးပြီးသော သူကိုလည်း ရဲစခန်းအချုပ်သို့ ပြန်လည်ပို့ဆောင် ချုပ်နှောင်ခွင့်မရှိပေ။

အထက်ဖေါ်ပြပါ အကြောင်းခြင်းရာများအနက် ပြစ်မှုကျူးလွန်သူကို ရဲအချုပ်တွင် အချိန်မည်မျှကြာကြာ ဖမ်းဆီးချုပ်နှောင်ထားသည် ဆိုသည့်အချက်က ၎င်းကိုယ်တိုင် သဘောဆန္ဒအလျောက် ထွက်ဆိုသည့် ဖြောင့်ချက်ဟုတ်မဟုတ်ဆိုသည်ကို စိစစ်ရာတွင် အလွန်အရေးပါသည့် အချက်ဖြစ်ပေသည်။ ပြစ်မှုကျူးလွန်သည်ဟု စွပ်စွဲခံရသူတဦးသည် ရဲအချုပ်တွင် ဥပဒေပြဌာန်းချက်များအတိုင်း ညီညွတ်မှုမရှိဘဲ အချိန်ကြာမြင့်စွာ ချုပ်နှောင်ခံထားရပြီး နောက်ပိုင်းတွင်မှ ဖြောင့်ဆိုဝန်ခံချက်ပေးလျှင် ဖြောင့်ချက်ကိုရယူမည့် တရားသူကြီးသည် လွန်စွာ စဉ်းစားချင့်ချိန်ရမည်ဖြစ်သည်။

ကျွန်တော်လိုက်ပါဆောင်ရွက်ခဲ့ရသော အမှုအချို့တွင် ဖြောင့်ချက်ပေးထားသော အမှုများလည်း ပါဝင်လေသည်။ ထိုအမှုများတွင် ဖြောင့်ချက်ရယူကြသော တရားသူကြီးများသည် ရဲအချုပ်တွင်ရှိစဉ်က စွပ်စွဲခံရသူများကို ညှဉ်းပန်းနှိပ်စက်ခြင်းများ၊ ဖြောင့်ချက်ပေးရန်အတွက် သွေးဆောင်စည်းရုံးခြင်းများ၊ မတော်သြဇာ လွှမ်းမိုးမှုများကို ပြုလုပ်ခဲ့သည်ဟု သိရှိထားသည့်အပြင် မတော်မလျော် အကျပ်အတည်းဖြစ်စေရန် ပြုလုပ်မှုများရှိကြောင်းကိုလည်း ဖြောင့်ချက်ပေးမည့် စွပ်စွဲခံရသူများက ပြောဆိုသဖြင့် သိရှိထားကြကာ ချုပ်နှောင်ထားသည့် ကာလမှာလည်း ဥပဒေပြဌာန်းချက်များနှင့်မညီဘဲ ကာလကြာမြင့်စွာ ချုပ်နှောင်ထားခြင်းဖြစ်ကြောင်းတို့ကို သိရှိသော်လည်း ထိုအချက်များကို အလေးမထား၊ ဂရုမပြု၊ စွပ်စွဲခံရသူများထံမှ ဝန်ခံချက်ရရန်ကိုသာ အလေးထား လုပ်ဆောင်ခဲ့ကြောင်း တွေ့ရပေသည်။

တရားသူကြီးများသည် တရားဥပဒေပြဌာန်းချက်များအတိုင်း တရားမျှတမှုကို ဖေါ်ဆောင်ပေးကြရသူများ ဖြစ်သည်။ နိုင်ငံတနိုင်ငံ၏ တရားဥပဒေစိုးမိုးရေးကို ဖေါ်ဆောင်ရာတွင် တရားရုံးများသည် အရေးအကြီးဆုံးသော အခန်းကဏ္ဍမှ ပါဝင်လျှက်ရှိပေသည်။ ထို့ကြောင့် တရားသူကြီးများ၏ ကိုယ်ကျင့်သိက္ခာ ကောင်းမွန်မှု၊ သီလ၊ သမာဓိ၊ ပညာ ပြည့်စုံမှုတို့ဖြင့် ဆင်ခြင်တုံတရားရှိရှိ အဂတိတရားကင်းစင်စွာ စဉ်းစားဆုံးဖြတ်နိုင်စွမ်းတို့သည် ယနေ့မြန်မာနိုင်ငံ တရားစီရင်လောကတွင် အထူးလိုအပ်လျက်ရှိသော လိုအပ်ချက်တရပ် ဖြစ်ပေသည်။ ထို့ပြင် စွပ်စွဲခံရသူတဦးဦးသည် အမှန်တကယ် ပြစ်မှုကျူးလွန်ခြင်းမရှိဘဲ နှစ်ရှည်ထောင်ဒဏ်များ ချမှတ်ခြင်းခံလိုက်ရပါက ထိုသူ၏ ဘဝသည် လွန်စွာ ထိခိုက်နစ်နာသွားပေလိမ့်မည်။ ဘဝပင်ပျက်သွားနိုင်သည်ကို ပြစ်ဒဏ်ချမှတ်ကြသော တရားသူကြီးများ၏ ပင်ကိုယ်အသိတရားအရပင် သိရှိထားကြပြီးဖြစ်ပေသည်။

တရားဥပဒေ၏ကျောရိုးမှာ တရားမျှတမှုပင်ဖြစ်သည်။ တရားမျှတမှုဆိုသည်မှာလည်း နစ်နာသူတို့၏ ကုစားခွင့်ကို အာမခံပေးရန်နှင့် ကျူးလွန်သူကို ကျူးလွန်သည်နှင့်ညီမျှသော ပြစ်ဒဏ်ပေးရန်၊ အပြစ်မဲ့သူတို့ကို ပြစ်မှုကျူးလွန်သူတို့၏ ရန်မှ အကာအကွယ်ပေးရန်တို့ပင်ဖြစ်တော့သည်။
×××××
ဆက်လက်ရေးသားပါအုံးမည်

စာဖတ်သူများကို အစဉ်လေးစားလျက် -
စောကျော်ကျော်မင်း
၅.၅.၂၀၀၉

ဖတ်မိမှတ်မိသမျှ ဥပဒေအပိုင်းအစများ (၃)

စောကျော်ကျော်မင်း

ယခင်ဆောင်းပါးတွင် စိတ်ပိုင်းဆိုင်ရာ ညှဉ်းပန်းနှိပ်စက်မှု၊ ရုပ်ပိုင်းဆိုင်ရာ ညှဉ်းပမ်းနှိပ်စက်မှုများ ကျူးလွန်ခြင်းသည် ရာဇဝတ်မှုကျူးလွန်ခြင်းပင်ဖြစ်ကြောင်း၊ ၁၉၉၅ ခု ရဲတပ်ဖွဲ့စည်းကမ်းထိန်းသိမ်းရေး ဥပဒေဖြင့် သုံးသပ်ဖေါ်ပြခဲ့ပြီးဖြစ်သည်။ အမှုစစ် (သို့) ရဲအရာရှိတယောက်အနေဖြင့် အမှုတခုကို မေးမြန်းစုံထောက်သည့်အခါတွင် ပထမသတင်းပေးတိုင်ချက်တွင်ပါရှိသော အချင်းအရာများ မှန်မမှန်၊ မိမိမေးမြန်းစုံထောက်နေစဉ် တွေ့ရှိရသည့် အချင်းအရာများနှင့် အခြေအနေများက ပြစ်မှုတစုံတခုကို ဖော်ထုတ်ပေးနိုင်မှု ရှိ/မရှိနှင့် မည်သူမည်ဝါတို့က အမှန်တကယ် ပြစ်မှုကျူးလွန်ထားသူများ ဖြစ်သည်/မဖြစ်သည်ကို သိရှိနိုင်ရန်အတွက် မေးမြန်းစုံစမ်းရခြင်းဖြစ်ပေသည်။ အရေးအကြီးဆုံး တာဝန်မှာ ပြစ်မှုကျူးလွန်သူကို ဖော်ထုတ်ဖမ်းဆီး အရေးယူနိုင်ရေးအတွက်ပင် ဖြစ်သည်။ ထိုသို့ ပြစ်မှုကျူးလွန်သူများကို ဖော်ထုတ်ဖမ်းဆီးရာတွင်လည်း နည်းမှန်လမ်းမှန်ဖြင့် တရားဥပဒေနှင့်အညီ ဖော်ထုတ်ကြရမည်ဖြစ်ပေသည်။

ပြစ်မှုတခုကို စုံစမ်းထောက်လှမ်းရသည့် ရဲဝန်ထမ်းတဦး၏ အဓိကတာဝန်နှင့် ရည်ရွယ်ချက်မှာ အမှန်တရား ဖော်ထုတ်နိုင်ရန်အတွက်ပင်ဖြစ်သည်။ ထို့ကြောင့် အမှန်တရားကို တရားဥပဒေ လမ်းကြောင်းများနှင့်အညီ ဖေါ်ထုတ်ကြရာတွင် အပင်ပန်းအဆင်းရဲ ခံကြရမည်မှာ ဓမ္မတာပင်ဖြစ်သည်။ သို့သော် ယနေ့ကာလတွင် မြန်မာနိုင်ငံ ရဲအတော်များများသည် ထိုကဲ့သို့ အပင်ပန်းအဆင်းရဲ မခံကြတော့ဘဲ တရားဥပဒေနှင့်မညီသော ရဲထံပေးသည့် ဖြောင့်ချက်များကို ညှဉ်းပန်းနှိပ်စက်သည့် နည်းလမ်းအမျိုးမျိုး အသုံးပြု၍ ရယူလာကြသည်။ ထိုကဲ့သို့ အပြစ်ရှိကြောင်း ဝန်ခံချက်ကို ရအောင်ယူခြင်းမှာ ကြီးလေးသော တာဝန်ဝတ္တရားပျက်ကွက်မှုပင်ဖြစ်ပေသည်။

ရဲရှေ့အစစ်ခံချက်သည် တရားရုံးတော်တွင် သက်သေခံမဝင်ကြောင်းကို သက်သေခံဥပဒေပုဒ်မ ၂၄၊ ၂၅၊ ၂၆ တို့တွင် အတိအလင်း ပြဌာန်းထားသည်။ သက်သေခံဥပဒေပုဒ်မ ၂၄ တွင် ဖြောင့်ချက်ကို သွေးဆောင်/ခြိမ်းခြောက်/ကတိပြု၍ ရယူခြင်း။

ထိုသို့ သွေးဆောင်/ခြိမ်းခြောက်/ကတိပြုသူမှာ အခွင့်အာဏာရှိသူတဦးက ပြုလုပ်ခြင်း။ ထိုသို့ပြုလုပ်သဖြင့် အမှုနှင့်ပတ်သက်၍ အကျိုးတစုံတရာခံစားရမည် (သို့မဟုတ်) လောကီအန္တရာယ်ရာယ် တခုခုမှ ကင်းလွတ်လိမ့်မည်ဟု တရားခံက ယူဆနိုင်ရန်အကြောင်းရှိခြင်း၊ စသည့် အကြောင်းအချက်များ ရှိပါက သက်သေခံမဝင်ကြောင်း အတိအလင်းပြဌာန်းထားသည်။

သက်သေခံဥပဒေပုဒ်မ ၂၅ တွင် ရဲအရာရှိထံတွင်ပြုလုပ်သော ဖြောင့်ချက်က မည်သည့်ပြစ်မှုဖြင့်ဖြစ်စေ စွပ်စွဲခြင်းခံရသော တရားခံတဦးအပေါ်၌ သက်သေခံတင်ပြခြင်းမပြုရဟု အတိအလင်းပြဌာန်းထားသည်။ သက်သေခံဥပဒေပုဒ်မ ၂၆ တွင်လည်း မည်သူမဆို ရဲထံတွင် အချုပ်ခံနေရစဉ်အတွင်း ပြုလုပ်သော ဖြောင့်ချက်သည် ရာဇဝတ်တရားသူကြီးတဦးရှေ့မှောက်တွင် ဖြောင့်ဆိုခြင်းမဟုတ်လျှင် ထိုသူအပေါ် သက်သေခံတင်ပြခြင်းမပြုရဟု အတိအလင်းပြဌာန်းထားသည်။

ထိုကဲ့သို့ ရဲထံတွင်ပေးသော ဖြောင့်ချက်မှာ သက်သေခံမဝင်ကြောင်းကို ဥပဒေများ ပြဌာန်းထားရခြင်းမှာ ဖမ်းဆီးခံရသူများအတွက် ဥပဒေအရ အကာအကွယ်ပေးထားခြင်းဖြစ်ကာ ဖမ်းဆီးခံရစဉ်အတွင်း ညှဉ်းပန်းနှိပ်စက်ခံရခြင်းဘေးမှ ကင်းဝေးစေရန်အတွက်လည်းကောင်း၊ လွယ်လင့်တကူ ဖြောင့်ချက်ရယူတတ်သော ရဲများ၏ ညာဉ်ဆိုးအန္တရာယ်မှ ကင်းဝေးစေရန်လည်းကောင်း၊ ရဲထံပေးသော ဖြောင့်ချက်သည် အမှန်တရားပေါ်ပေါက်နိုင်ရန် လွန်စွာအားနည်းသည်ကို ဥပဒေပညာရှင်များက သိရှိ၍လည်းကောင်း၊ အကယ်၍ ရဲထံပေးသော ဖြောင့်ချက်မှာ အမှန်ဟု ယူဆ သက်သေခံတင်သွင်းစေပါက တရားရုံးတော်၏ တရားမျှတစွာ ဆောင်ရွက်နိုင်မှု အခန်းကဏ္ဍသည် လွန်စွာ အားပျော့နိုင်သည်ဖြစ်၍လည်းကောင်း ပြဌာန်းထားရခြင်းဖြစ်ပေသည်။

ဖြောင့်ချက်ကို ခြောက်လှန့်တောင်းယူခြင်းမှာ လုံးဝ တရားဝင်ခြင်းမရှိသည်သာမက ဖြောင့်ချက်တောင်းယူသော ရဲအဖို့လည်း လွန်စွာ အန္တရာယ်ကြီးလေသည်။ ဖြောင့်ချက်ကို ညှဉ်းပမ်းနှိပ်စက်ခြင်း၊ ခြောက်လှန့်တောင်းယူခြင်းဘေးမှ အကာအကွယ် ပေးနိုင်ရန်အတွက် ပြစ်မှုဥပဒေတွင် ပုဒ်မနှစ်ရပ် ထည့်သွင်းပြဌာန်းထားသည်ကို တွေ့ရှိရသည်။

ပြစ်မှုဥပဒေပုဒ်မ ၃၃၀ တွင် အပြုခံရသူထံမှဖြစ်စေ၊ အပြုခံရသူနှင့် အကျိုးသက်ဆိုင်သူထံမှဖြစ်စေ ပြစ်မှု သို့တည်းမဟုတ် အကျင့်ပျက်ပြားမှု ပေါ်စေနိုင်သော ဖြောင့်ချက်ကို သို့တည်းမဟုတ် ထိုသို့သော သတင်းပေးချက်ကို ခြောက်လှန့်တောင်းရန်သော်လည်းကောင်း၊ အပြုခံရသူအား သို့တည်းမဟုတ် အပြုခံရသူနှင့် အကျိုးသက်ဆိုင်သူအား အဖိုးတန် စာတမ်းအမှတ်အသားကိုဖြစ်စေ ပြန်ပေးအောင် သို့တည်းမဟုတ် ပြန်ပေးစေအောင်၊ သို့တည်းမဟုတ် တောင်းဆိုချက်ကိုဖြစ်စေ၊ လိုလားချက်ကိုဖြစ်စေ ပေးအောင် သို့တည်းမဟုတ် ပစ္စည်းကိုဖြစ်စေ အဖိုးတန် စာတမ်းအမှတ်အသားကိုဖြစ်စေ ပြန်ရစေနိုင်သော သတင်းကို ပေးအောင် အဓမ္မပြုစေရန်သော်လည်းကောင်း မည်သူမဆို မိမိအလိုအလျောက် နာကျင်စေမှုကိုပြုလျှင် ထိုသူကို ခုနစ်နှစ်ထိ ထောင်ဒဏ်တမျိုးမျိုး ချမှတ်နိုင်သည့်အပြင် ငွေဒဏ်လည်း ချမှတ်နိုင်သည်ဟု အတိအလင်း ပြဌာန်းထားသည်။

ပြစ်မှုဥပဒေပုဒ်မ ၃၃၁ တွင် အပြုခံရသူထံမှဖြစ်စေ အပြုခံရသူနှင့် အကျိုးသက်ဆိုင်သော သူထံမှ ဖြစ်စေ ပြစ်မှု သို့တည်းမဟုတ် အကျင့်ပျက်ပြားမှု ဖြစ်ပေါ်စေနိုင်သော ဖြောင့်ချက်ကို သို့တည်းမဟုတ် ထိုသို့သော သတင်းပေးချက်ကို ခြောက်လှန့်တောင်းရန်သော်လည်းကောင်း၊ အပြုခံရသူအား သို့တည်းမဟုတ် အပြုခံရသူနှင့် အကျိုးသက်ဆိုင်သူအား ပစ္စည်းကိုဖြစ်စေ အဖိုးတန် စာတမ်းအမှတ်အသားကိုဖြစ်စေ ပြန်ပေးအောင် သို့တည်းမဟုတ် ပြန်ပေးစေအောင် သို့တည်းမဟုတ် တောင်းဆိုချက်ကိုဖြစ်စေ လိုလားချက်ကိုဖြစ်စေ ပေးအပ်အောင် သို့တည်းမဟုတ် ပစ္စည်းကိုဖြစ်စေ အဖိုးတန် စာတမ်းအမှတ်အသားကိုဖြစ်စေ ပြန်ရစေနိုင်သော သတင်းကို ပေးအောင် အတင်းအဓမ္မ ပြုစေရန်သော်လည်းကောင်း မည်သူမဆို မိမိအလိုအလျောက် အပြင်းအထန် နာကျင်စေမှုကို ပြုလျှင် ထိုသူကို ဆယ်နှစ်ထိ ထောင်ဒဏ်တမျိုးမျိုး ချမှတ်ရမည့်အပြင် ငွေဒဏ်လည်း ချမှတ်နိုင်သည်ဟု အတိအလင်း ပြဌာန်းထားသည်။

ပြစ်မှုဥပဒေပုဒ်မ ၅၀၆ တွင်လည်း မည်သူမဆို ရာဇဝတ်မကင်းသော ခြောက်လှန့်မှုကို ကျူးလွန်လျှင် ထိုသူကို နှစ်နှစ်ထိ ထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဟု ပြဌာန်းထားသည်။

ထို့ကြောင့် ဖြောင့်ချက်ကို ညှဉ်းပန်းနှိပ်စက်နည်း အမျိုးမျိုးဖြင့် တောင်းယူကြသော ရဲများအနေဖြင့် အထက်ဖေါ်ပြပါ ပြစ်မှုများကို ကျူးလွန်ခြင်းဖြစ်ကြောင်းမှာ လွန်စွာထင်ရှားပေသည်။ ရာဇဝတ်မှုဟူသည် ဟောင်းနွမ်းဆွေးမြေ့သွားသည်ဟူ၍မရှိပေ။ အထူးသဖြင့် ပြစ်မှုဆိုင်ရာဥပဒေပါ ပြဌာန်းချက်တရပ်ရပ်ကို ကျူးလွန်ထားပါက၊ ၎င်းပြစ်မှု ကျူးလွန်ချိန်မှစတင်ကာ မည်သည့်အချိန်ကာအတွင်း၌သာ တရားစွဲဆိုခွင့်ရှိသည်ဟု အချိန်ကာလ စည်းကမ်းသတ်မှတ်ချက် ပြဌာန်းထားခြင်းမရှိသောကြောင့် ယနေ့ မြန်မာနိုင်ငံအရပ်ရပ်ရှိ ဖြောင့်ချက်ရယူခြင်း ရာဇဝတ်မှုကို ကျူးလွန်ထားကြသော ရဲများ၏ အနာဂတ်သည် များစွာ ရင်လေးဖွယ်ရာပင် ဖြစ်ပေတော့သည်။
xxxxx
(ဆက်လက်ရေးသားပါအုံးမည်)

စာဖတ်သူများကိုအစဉ်လေးစားလျက်-
စောကျော်ကျော်မင်း
၂၉.၄.၂၀၀၉

ဖတ်မိမှတ်မိသမျှ ဥပဒေအပိုင်းအစများ (၂)

စောကျော်ကျော်မင်း

ယခင်ဆောင်းပါး အမှတ် (၁) ၌ ရဲများတွင်လည်း ၎င်းတို့လိုက်နာရမည့် ‘ရဲဥပဒေ’ ရှိသည်ဟု ဖော်ပြခဲ့ပြီးဖြစ်သည်။ ယနေ့ခေတ်ကာလတွင် မြန်မာနိုင်ငံရဲများ လိုက်နာကျင့်သုံးရမည့် ဥပဒေ အများအပြားရှိသည့်အနက် ၎င်းတို့နှင့် အနီးစပ်ဆုံး၊ အသက်ဆိုင်ဆုံး ဥပဒေတစ်ရပ်ကို ယခုဆောင်းပါးတွင် ဖော်ပြအပ်ပါသည်။

ယင်းဥပဒေမှာ ၁၉၉၅ ခုနှစ်တွင် နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့က ပြုလုပ်ပြဌာန်းလိုက်ခြင်း ဖြစ်သည်။ နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့(ယခု နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ) သည် “ပြည်သူ့ရဲတပ်ဖွဲ့ စည်းကမ်းထိန်းသိမ်းရေး ဥပဒေ” ကို ၁၉၉၅ ခု၊ ဧပြီလ (၂၆) ရက်နေ့တွင် ပြုလုပ်ပြဌာန်းခဲ့သည်။

ယင်းဥပဒေ ပြဌာန်းလိုက်သည့်အချိန်က “ပြည်သူ့ရဲ” အဖြစ် ခေါ်ဝေါ်သုံးစွဲခဲ့သော်လည်း ယနေ့အချိန်တွင် “မြန်မာနိုင်ငံရဲ” အဖြစ် ပြောင်းလဲ ခေါ်ဝေါ်သုံးစွဲနေပြီဖြစ်သည်။ ယင်းဥပဒေ၏ ပုဒ်မ- ၂ ပြဌာန်းချက်အရ “ပြည်သူ့ရဲတပ်ဖွဲ့တွင် အမှုထမ်းနေကြသော ရဲတပ်ဖွဲ့ဝင်အားလုံးသည် မည်သည့်အရပ်၌ ရောက်ရှိနေစေကာမူ ဥပဒေကို လိုက်နာကြရမည်” ဟု ပြဌာန်းထားသည်မှာ အဓိပ္ပာယ်ကို ရှင်းလင်းတင်ပြရန် မလိုအောင်ပင် ပေါ်လွင်လှပါသည်။

ယင်းဥပဒေ ပုဒ်မ - ၁၇(က)တွင် ဥပဒေအရ ဖမ်းဆီးခွင့်မရသော သူအား အကြောင်းမဲ့ဖမ်းဆီး ထားလျှင်၊ ချုပ်နှောင်ထားလျှင် (သို့မဟုတ်) ထိုသူ၏အမှုကို စုံစမ်းစစ်ဆေးရန်အတွက် ဆိုင်ရာ အာဏာပိုင်များထံ တင်ပြရန် ပျက်ကွက်လျှင် …… ဟု ပြဌာန်းထားသည်။

ပုဒ်မ - ၁၇(ဆ)တွင် အကျဉ်းသား၊ အချုပ်သား (သို့မဟုတ်) ဖမ်းဆီးထားသူတစ်ဦးအား ရိုက်ပုတ်လျှင် (သို့မဟုတ်) အခြားနည်းဖြင့် ညှဉ်းပန်းနှိပ်စက်လျှင် …… ဟု ပြဌာန်းထားပြီး ယင်းပြစ်ချက်တစ်ရပ်ရပ်ကို ကျူးလွန်ပါက ၃ နှစ်ထိ ထောင်ဒဏ်ကျခံစေရမည်ဟု အတိအလင်း ဖေါ်ပြထားသည်။

အထက်ဖေါ်ပြချက်များကို လေ့လာပါက နိုင်ငံသားတစ်ဦးအတွက် အကြောင်းမဲ့ ဖမ်းဆီးခြင်းမှ ကင်းလွတ်ခွင့်၊ ချုပ်နှောင်ခံထားရခြင်းမှ ကင်းလွတ်ခွင့် စသည့်အခွင့်အရေးများကို မြန်မာနိုင်ငံ ရဲတပ်ဖွဲ့ဝင်များက မလွဲမသွေ လေးစားလိုက်နာ ကာကွယ်ပေးရမည်ဖြစ်သည်။ (အကြောင်းမဲ့ဖမ်းဆီးခြင်း၊ ချုပ်နှောင်ခြင်း၊ စုံစမ်းစစ်ဆေးရန်အတွက် ဆိုင်ရာ အာဏာပိုင်များထံ တင်ပြရန် ပျက်ကွက်ခြင်း စသည့်စကားရပ်များကို နောက်ပိုင်းတွင် အလျဉ်းသင့်သလို ရှင်းလင်းတင်ပြသွားပါမည်။)

ပုဒ်မ - ၁၇(ဆ) တွင် “ရိုက်ပုတ်လျှင် (သိုမဟုတ်) အခြားနည်းဖြင့် ညှဉ်းပန်းနှ်ိပ်စက်လျှင်” ဟု ပြဌာန်းထားချက်အရ ညှဉ်းပန်းနှိပ်စက်မှုဆိုရာတွင် “စိတ်ပိုင်းဆိုင်ရာ ညှဉ်းပန်းနှိပ်စက်မှု” နှင့် “ရုပ်ပိုင်းဆိုင်ရာ ညှဉ်းပန်းနှိပ်စက်မှု” ဟု နားလည်လက်ခံရမည် ဖြစ်သည်။

ထို့ပြင် “အကျဉ်းသား၊ အချုပ်သား (သို့မဟုတ်) ဖမ်းဆီးထားသူ” ဟု ပြဌာန်းထားခြင်းအားဖြင့် ဖမ်းဆီးချုပ်နှောင်ခြင်း ခံထားရသူ မည်သူကိုမဆို ရိုက်နှက်ခွင့်၊ ညှဉ်းပမ်းနှိပ်စက်ခွင့် မရှိကြောင်း တွေ့ရပေသည်။

ယင်းမှာ ညှဉ်းပန်းနှိပ်စက်ခံရခြင်းမှ ကင်းလွတ်ခွင့်ကို မြန်မာနိုင်ငံ ရဲတပ်ဖွဲ့ဝင်များက မလွဲမသွေ လေးစားလိုက်နာ ကာကွယ်ပေးရမည်ဟု ယင်းဥပဒေက ပြဌာန်းပေးထားခြင်းဖြစ်သည်။

နိုင်ငံတစ်နိုင်ငံ၏ တရားဥပဒေစိုးမိုးရေးကို ဖော်ဆောင်ရာတွင် “ရဲတပ်ဖွဲ့” ဟူသည် အရေးကြီးသော အစိတ်အပိုင်းတရပ်မှ ပါဝင်လျက်ရှိပေသည်။ ရဲတပ်ဖွဲ့ဝင်များက အဂတိလိုက်စားသဖြင့် ပြစ်မှုကျူးလွန်သူတို့ တရားဥပဒေဘောင်မှ ကင်းလွတ်ခွင့်ရနေလျှင် လူ့အဖွဲ့အစည်း ထိခိုက်နစ်နာစေသည့်အပြင် အကျင့်စရိတ္တ ကောင်းမွန်သူတို့ပင် အကျင့်စာရိတ္တ ပျက်ပြားလာစေနိုင်သည်ကို အလေးအနက်ထား ဂရုပြုရမည် ဖြစ်ပေသည်။ ထို့ပြင် တရားဥပဒေစိုးမိုးမှုကိုပင် ထိခိုက်စေနိုင်သည်။

အပြန်အလှန်အားဖြင့် ပြစ်မှုကျူးလွန်ခြင်းမရှိသူတို့ တရားဥပဒေ၏ အကာအကွယ်ကို မရရှိပါကလည်း တရားဥပဒေစိုးမိုးမှုမရှိကြောင်း ဖော်ပြရာရောက်ပေသည်။

အထူးသဖြင့် ယုံကြည်ချက်တစ်ခုခုကြောင့် နိုင်ငံ၏ ရေးရာကိစ္စရပ်တစ်ခုခုတွင် ပါဝင်လှုပ်ရှား ဆောင်ရွက်ကြသူများသည် မိမိတို့ရသင့်ရထိုက်သော ဥပဒေအရ အကာအကွယ်ပေးမှုများကို လုံလောက်စွာ မရရှိပါက တိုင်းပြည်အတွက် လွန်စွာ ထိခိုက်နစ်နာမည် ဖြစ်ပေသည်။

လူ့အခွင့်အရေး ကာကွယ်မြှင့်တင်သူများကွန်ယက်၏ ခေါင်းဆောင်တစ်ဦးဖြစ်သော ဦးမြင့်အေးကို ဖမ်းဆီးချုပ်နှောင် စစ်ဆေးခဲ့သည့်အချိန်၌ နေ့စဉ်ရက်ဆက် မတ်တပ်ရပ်ခိုင်းပြီး စစ်ဆေးမေးမြန်းခြင်းဖြင့်လည်းကောင်း၊ လူ့အခွင့်အရေး ကာကွယ်မြှင့်တင်သူများကွန်ယက် အဖွဲ့ဝင် ကိုသန်းဇော်မြင့်ကို ရိုက်နှက်ညှဉ်းပန်း နှိပ်စက်ခြင်းဖြင့်လည်းကောင်း၊ ထိုကဲ့သို့ ရိုက်နှက်ညှဉ်းပန်းမှုကို ဦးမြင့်အေးမြင်အောင် ပြသမှုဖြင့်လည်းကောင်း ရုပ်ပိုင်းဆိုင်ရာ၊ စိတ်ပိုင်းဆိုင်ရာ ညှဉ်းပန်းနှိပ်စက်မှုများကို စစ်ဆေးမေးမြန်းသော ရဲတပ်ဖွဲ့င်များက ကျူးလွန်ခဲ့ကြပေသည်။

ထိုနည်းတူ အခြား ညှဉ်းပန်းနှိပ်စက်ခံရသူပေါင်း မြောက်များစွာ ရှိပေသေးသည်။ ထိုကဲ့သို့ ညှဉ်းပန်းနှိပ်စက်ခံရကြောင်းကို သက်ဆိုင်ရာ တရားရုံးများတွင် အမှုရင်ဆိုင်ဖြေရှင်းရစဉ် အချိန်များ၌ တင်ပြခဲ့ကြသော်လည်း လျစ်လျူရှု ပစ်ပယ်ခြင်းကို ခံခဲ့ကြရပေသည်။

ဆုံးရှုံးနစ်နာသူတို့၏ ဥပဒေအရ ရသင့်ရထိုက်သော အခွင့်အရေးများကို အကာအကွယ် မပေးနိုင်သော တရားရုံးတော်များအနေဖြင့် တရားဥပဒေ စိုးမိုးရေးကိုလည်း ဖော်ဆောင်ပေးနိုင်လိမ့်မည်မဟုတ်ကြောင်း သိရှိခဲ့ရပေသည်။

×××××
(ဆက်လက်ရေးသားပါအုံးမည်)

စာဖတ်သူများကိုအစဉ်လေးစားလျှက်
စောကျော်ကျော်မင်း
(၂၅.၄.၂၀၀၉)

ဖတ်မိမှတ်မိသမျှ ဥပဒေအပိုင်းအစများ (၁)

စောကျော်ကျော်မင်း
(၁)
ဥပဒေဟုပြောလိုက်လျှင် ကြားရသူတိုင်း၏စိတ်ထဲတွင် လေးပင်သွားတတ်သည်။ မြန်မာလိုအဓိပ္ပါယ် ဖွင့်ဆိုထားသော ဥပဒေစာပိုဒ်များကိုပင် ဖတ်၍နားမလည်နိုင်အောင် ရေးသားထားသည့် ဥပဒေစာအုပ်အထူကြီးများကို ပြေး၍ မြင်ယောင်တတ်ကြသည်။ မှန်ပါသည်။ ဥပဒေပညာကို လေ့လာလိုက်စားကြသူများပင်လျှင် တခါတရံ စိတ်ပျက်လက်ပျက် ဖြစ်သွားစေနိုင်သည်။ သို့သော် ဥပဒေဟူသည်မှာ လူ့ဘောင်လူ့အဖွဲ့အစည်းအတွက် မရှိမဖြစ် လိုအပ်လှပါသည်။ အရေးကြီးသော အခန်းကဏ္ဍမှ ပါဝင်လျက်ရှိပါသည်။

ထို့အပြင် နိုင်ငံတစ်နိုင်ငံ၌ ပြဌာန်းထားသော ဥပဒေများကို ၎င်းနိုင်ငံသားများက လေးစားလိုက်နာရသည်။ ထိုကြောင့် နိုင်ငံသားတိုင်းသည် ၎င်းနိုင်ငံ၌ ပြဌာန်းထားသော ဥပဒေများကို တတ်နိုင်သလောက် လေ့လာသိရှိနိုင်ရန် လိုအပ်သကဲ့သို့ ဥပဒေပညာရှင်များ၊ ဥပဒေပညာနှင့် အသက်မွေးဝမ်းကြောင်းပြုကြသူများ၊ ဥပဒေပညာကို လေ့လာလိုက်စားကြသူများ အားလုံးသည်လည်း မိမိနိုင်ငံအတွင်းရှိ နိုင်ငံသူနိုင်ငံသားများအပေါ် မေတ္တာ၊ စေတနာထား၍ ဥပဒေပညာရပ်များကို ဖြန့်ဝေပေးသင့်ပါသည်။
(၂)
ကျွန်တော် အလုပ်သင်ရှေ့နေဖြစ်ကာစက ဆရာက ကျွန်တော့်ကို "ဥပဒေပညာဆိုတာ အရမ်းကျယ်ပြန့်တယ်၊ လေ့လာလိုက်စားရတာကို၌က သမုဒ္ဒရာထဲ လက်လက်ပစ်ကူးနေရသလိုပဲ" ဟု ပြောဖူးပါသည်။ ဆရာပြောသည်မှာ မှန်သင့်သလောက် မှန်ပါသည်။ ကျွန်တော်တို့နိုင်ငံ၌ပင် ဥပဒေအမြောက်အများ ပြဌာန်းထားပါသည်။ ရာဇသတ်ကြီး၊ သစ်တောဥပဒေ၊ လောင်းကစားဥပဒေ … စသည့်ဥပဒေများအပြင် ဓလေ့ထုံးတမ်းဥပဒ … စသည်အားဖြင့် ဥပဒေအများအပြား ရှိသည်။ ရာဇသတ်ကြီးဥပဒေ၌ပင် ပုဒ်မ ၅၁၁ ခုရှိသည်။ ထိုသည်မှာ ပြည်တွင်းဥပဒေပင် ရှိသေးသည်။ global ခေတ်ကြီး၌ နိုင်ငံတကာဥပဒေကလည်း မပါမပြီး ပါရသေးရာ ဥပဒေပညာသဘောသည် ဆရာပြောသကဲ့သို့ "သမုဒ္ဒရာထဲ လက်ပစ်ကူး" စရာပင် ဖြစ်သည်။

သို့သော် ဥပဒေကို လူတစ်ဦးတစ်ယောက်က ကျူးလွန်သည် ချိုးဖောက်သည်ဆိုရာတွင် "ပြုလုပ်မှု" ဖြင့် ကျူးလွန်ခြင်းရှိသကဲ့သို့ "ပျက်ကွက်မှု" ဖြင့် ကျူးလွန်ခြင်းလည်း ရှိသည်။ ချိုးဖောက်ကျူးလွန်ခြင်း အခြေခံသဘော၌ ၎င်း (၂) မျိုးသာ ရှိသည်။
(၃)
ကျွန်တော်ငယ်စဉ်က ယူနီဖောင်းဝတ် ရဲကို ကြောက်ရွံ့မိသည်။ အကြောင်းမှာ ရဲဟူသည် ရာဇဝတ်သားကို ဖမ်းဆီးနှိပ်စက်ခွင့်ရှိသည်ဟု လူကြီးမိဘများက ခြောက်လှန့်ထားသောကြောင့် ဖြစ်သည်။ ငယ်စဉ်က စိတ်ထဲ၌ စွဲမှတ်မှုသည် အသက်အရွယ်ကြီးရင့်သည်အထိ အသိအမြစ်တွယ်နေသည်။ ယူနီဖောင်းဝတ် ရဲ မြင်လျှင် စေ့စေ့မကြည့်ရဲ။

ကျွန်တော် (၁၀) တန်းအောင်၍ ဥပဒေပညာကို သင်ယူရန် ဆုံးဖြတ်လိုက်သောအချိန်တွင် မိမိ နားလည်နိုင်မည်ထင်သော ဥပဒေစာအုပ်များကို စုဆောင်းဖတ်ရှုမိသည်။ ထိုသို့ လေ့လာဖတ်ရှုမိသည်နှင့်တပြိုင်နက် အထက်ဖေါ်ပြပါ ဥပဒေကို ဖောက်ဖျက်ကျူးလွန်ရာ အခြေခံသဘောကို မြည်းစမ်းမိလာသည်။

"ပြုလုပ်မှုဖြင့်ကျူးလွန်ခြင်း" ဆိုရာတွင် မောင်နီကို မတရားသင်းနှင့် ဆက်သွယ်သည်ဟူသော အကြောင်းပြချက်ဖြင့် ဒုရဲအုပ် မောင်ဖြူက ဖမ်ဆီးသည်။ စစ်ဆေးရာတွင် ရရှိထားသော သတင်းအချက်အလက်များအတိုင်း မောင်နီကို ဝန်ခံစေသည်။ မောင်နီက ဝန်မခံသောကြောင့် နားရင်းကို နှစ်ချက်ရိုက်သည်။ နံပါတ်တုတ်ဖြင့် ကျောကုန်းကို လေးငါးကြိမ် ရိုက်ပြီး ဝန်ခံစေသည်။ ထိုကဲ့သို့ ရိုက်နှက်စစ်ဆေးခွင့် မရှိကြောင်းကို ဒုရဲအုပ် မောင်ဖြူက သိရှိပြီးလည်းဖြစ်သည်။ ထိုသည်မှာ ဒုရဲအုပ် မောင်ဖြူသည် "နာကျင်စေမှု" ဟူသည့် ပြစ်မှုကို "ပြုလုပ်မှု"ဖြင့် ကျူးလွန်လိုက်ခြင်းဖြစ်သည်။

"ပျက်ကွက်မှုဖြင့်ကျူးလွန်ခြင်း" ဆိုရာတွင် မောင်နီကို ဒုရဲအုပ် မောင်ဖြူက ရိုက်နှက်စစ်ဆေးနေကြောင်း စခန်းမှူး ကျော်မြသန်းက သိလည်းသိ၊ မြင်လည်းမြင်သည်။ မိမိ လက်အောက်ငယ်သားတစ်ယောက်က ရဲကျင့်ဝတ်ကို ဖောက်ဖျက်ကျူးလွန်ကြောင်း ဥပဒေကို ဖောက်ဖျက်ကျူးလွန်ကြောင်းကို သိရှိမြင်တွေ့ရချိန်၌ တားမြစ်ရန် တာဝန်မှာ မိမိအပေါ်၌ရှိသည်ကိုလည်း ကိုယ်တိုင်သိသည်။ သို့သော် မတားမြစ်ပေ။ ထိုသို့ မတားမြစ်ဘဲ ပျက်ကွက်သည့်အတွက် ဥပဒေကို ဖောက်ဖျက်ကျူးလွန်သူနှင့် အလိုတူရာရောက်သည်။ ထိုသည်မှာ စခန်းမှူး ရဲအုပ်ကျော်မြသန်းသည် ဥပဒေကို "ပျက်ကွက်မှု"ဖြင့် ကျူးလွန်လိုက်ခြင်းပင် ဖြစ်သည်။

ကျွန်တော်သည် အထက်ပါသဘောတရားကို နားလည်လာသည့် အချိန်မှစ၍ ယူနီဖောင်းဝတ် ရဲကို ကြောက်သည့်စိတ် တစတစ လွင့်စင်ပပျောက်သွားသည်။ ရဲတွင်လည်း လိုက်နာရမည့် ရဲဥပဒေရှိသည်ကို ကျွန်တော် နားလည်လာသည်။ ဖမ်းဆီး၍ နှိပ်စက်ချင်တိုင်း နှိပ်စက်၍မရသည်ကို ကျွန်တော် သဘောပေါက်လာသည်။ ကျွန်တော်ကိုယ်တိုင် ဖမ်းဆီးစစ်ဆေးခံရသည့် အချိန်များ၌ပင် မိမိကိုယ်ကို ယုံကြည်မှုအပြည့်ဖြင့် ရင်ဆိုင်ဖြေရှင်းနိုင်ခဲ့သည်။
×××××
(ဆက်လက်ရေးသားပါအုံးမည်)

စာဖတ်သူများကို အစဉ်လေးစားလျက်-
စောကျော်ကျော်မင်း