ဘိုကလေးတွင် ဝမ်းရောဂါဖြစ်ပွားမှု အဆမတန်မျာပြားနေ

ဖြိုးကြီး

ဘိုကလေးမြို့ပေါ်တွင် ဝမ်းရောဂါများဖြစ်ပွားနေလျှက်ရှိပြီး အတွင်းလူနာအဖြစ် ဆေးရုံတက်ရောက် ကုသနေရသူများ အဆမတန် များပြားနေသည်။

ပြီးခဲ့သည့် (၁၃) ရက်နေ့မှစတင်ကာ ယနေ့အထိ ဝမ်းရောဂါကြောင့် ဆေးရုံတတ်ရောက်သူ ၆၀၀ ဝန်းကျင်ရှိခဲ့ကြောင်း ဘိုကလေးမြို့ခံတဦးက ပြောသည်။

“ဝမ်းရောဂါဖြစ်တာက သင်္ကြန်အကြိုနေ့ကတည်းကဆိုရင် ဆေးရုံတက်ရတာရော ဆင်းသွားတာတွေရောဆို ငါးရာခြောက်ရာလောက်ရှိတယ်၊ ဆေးရုံမှာ ကုတင်မဆန့်လို့ စင်္ကြန်လမ်းမှာ နေနေရတယ်၊ အသေအပျောက်ကတော့ ကလေးသုံးယောက်နဲ့ လူကြီး နှစ်ယောက်ပဲရှိတယ်” ဟု ဆေးရုံအသိုင်းအဝိုင်းနှင့် နီးစပ်သူတဦးက ပြောသည်။

ဘိုကလေးမြို့ (၄) ရပ်ကွက်၊ (၆) ရပ်ကွက်တွင်ရှိသည့် ကန်တော်ကြီးရေကန်မှ ရေများခမ်းခြောက်သွားသည့်အတွက် ၎င်းရပ်ကွက်ပတ်ဝန်းကျင်ရှိ ပြည်သူများမှာ မသန့်သည့်ရေများကို သောက်သုံးနေရသဖြင့် ယခုကဲ့သို့ ဝမ်းရောဂါဖြစ်ပွားခြင်းဖြစ်ကြောင်း အဆိုပါ မြို့ခံက ဆက်ပြောသည်။

“ကန်တော်ကြီးက ရေခမ်းပြီး နီနေတာ၊ အဲနားဝန်းကျင်က ဒီရေကိုပဲ သောက်သုံးကြရတာ၊ ရေကလဲ မသန့်တော့ အဲလိုဖြစ်တာ၊ နာဂစ်ဖြစ်ပြီးတုန်းက (MSF) အဖွဲ့က လှူထားတဲ့ရေသန့်စက်ကို (မယက)က ဖြုတ်သိမ်းသွားတာ ကြာပြီ၊ အခု ရေကလဲပြတ်လပ်တော့ ဝမ်းရောဂါတွေဖြစ်တာ” ဟု ပြောသည်။

အဆိုပါ ဝမ်းရောဂါဖြစ်ပွားမှုအခြေအနေကို ဘိုကလေးမြို့နယ် ပြည်သူ့ဆေးရုံသို့ မေးမြန်းရာ ဝမ်းရောဂါဖြစ်ပွားနေခြင်းမှာ မှန်ကန်ကြောင်း အတည်ပြုပြောဆိုသည်။

“ဝမ်းရောဂါတွေနဲ့ တက်တဲ့လူနာတွေ ရှိပါတယ်၊ အခုတော့ နည်းသွားပါပြီ၊ ပထမကတော့ တနေ့ကို တယောက် နှစ်ယောက်လောက်ပဲ ရှိတယ်၊ သာမန်ဖြစ်တာပေါ့၊ (၁၉) ရက်နေ့မှာတော့ များတယ်၊ အတိအကျတော့ ကျမတို့ဆီမှာ စာရင်းမရှိဘူး၊ မြို့နယ်ဆရာဝန်ကြီးဆီမှာပဲ ရှိတယ်” ဟု ကျန်းမာရေးဝန်ထမ်းတဦးက ပြောသည်။

မြို့နယ်ကျန်းမာရေးအဖွဲ့၏ ကွင်းဆင်းလေ့လာမှုအရ ယခုဖြစ်ပွားသည့် ဝမ်းရောဂါမှာ ရေကြောင့်ဖြစ်သည့်ရောဂါမဟုတ်ဘဲ ယင်နားသည့် အစားအသောက်များနှင့် ရာသီဥတု ပူပြင်းမှုတို့ကြောင့် ဖြစ်သည်ဟု ကျန်းမာရေဝန်ထမ်းက ပြောသည်။

အာဏာပိုင်များအနေဖြင့် ဝမ်းရောဂါဖြစ်ပွားနေမှုအတွက် တစုံတရာ ကျန်းမာရေးသတိပေးနှိုးဆော်မှုများ ထိထိရောက်ရောက် လုပ်ဆောင်ခြင်းမရှိသေးကြောင်း မြို့ခံတဦးက ပြောသည်။

“ဒီမနက်မှ ကြံ့ခိုင်ရေးတွေ၊ အမျိုးသမီးရေးရာအဖွဲ့တွေက ကျန်းမာရေးအဖွဲ့တွေနဲ့ပေါင်းပြီး လိုက်လုပ်နေတာတော့ တွေ့တယ်၊ ဘာတွေလုပ်နေတယ်ဆိုတာကို တိတိကျကျ မသိရဘူး၊ အရင်ရက်တွေက ဘာမှမလုပ်ဘူး” ဟု သူက ဆက်လက်ပြောဆိုသည်။

ဒေသအာဏာပိုင်များက ထားဝယ်လူငယ်များကို ပြည်သူ့စစ်သင်တန်းများ အတင်းတက်ခိုင်းပြီး ရွာသားများထံမှ ငွေကြေးကောက်ခံမှုများ ပြုလုပ်နေ

ဉာဏ်မောင်

ထားဝယ်ခရိုင်၊ သရက်ချောင်းမြို့နယ်အတွင်း ကျေးရွာများမှ လူငယ်များကို ပြည်သူ့စစ်သင်တန်းတက်ရန် ခေါ်ယူနေပြီး သင်တန်းကုန်ကျစရိတ်အတွက် ရွာသားများထံမှ ငွေကြေးကောက်ခံမှုများ ပြုလုပ်နေလျှက်ရှိသည်။

ပြီးခဲ့သည့် ဖေဖော်ဝါရီလ၊ လကုန်ပိုင်းလောက်မှစတင်၍ သရက်ချောင်းမြို့နယ်အတွင်းရှိ ကျေးရွာ ၉ ရွာမှ တရွာလျှင် ရွာသား ၄ ဦးစီ ခေါ်ယူကာ ထားဝယ်မြို့ပေါ်တွင် သင်တန်းခိုင်းပြီး ၎င်းတို့ကုန်ကျစရိတ်အတွက် တအိမ်ထောင်လျှင် ကျပ် ၁,၅၀၀ နှုန်းကောက်ခံနေကြောင်း ဒေသခံအမျိုးသမီးတဦးက ပြောသည်။

“တရွာကို ၄ ယောက် မတက်မနေရခေါ်တာ၊ သရက်ချောင်းရဲတပ်ဖွဲ့နဲ့ ရွာလူကြီးတွေက ခေါ်တာ၊ သူတို့ အတွက် သင်တန်းစရိတ်ဆိုပြီး ပိုက်ဆံကောက်တယ်၊ မထည့်လို့မရဘူး၊ မရှိလဲ ချေးငှားပြီးထည့်ရတယ်၊ သူတို့ သင်တန်းတက်ခိုင်းတာက ရွာမှာ တခုခုဖြစ်ရင် ကာကွယ်ဖို့ဆိုပြီး ပြောတယ်” ဟု အဆိုပါအမျိုးသမီးက ပြောသည်။

ပြည်သူ့စစ်သင်တန်း တက်ရောက်ခိုင်းသည့် ကျေးရွာများမှာ သဲချောင်းကြီး၊ ဝင်းကဖော်၊ ကျွဲခြံ၊ မယ်ကဲ၊ ဗျက်ဝိသား၊ အလယ်စု၊ ကျောက်အိုင်၊ တောင်ပျောက်နှင့် ရေပူကျေးရွာများဖြစ်ပြီး တရွာလျှင် အိမ်ခြေ ၁၀၀ ကျော်မှ ၃၀၀ ကျော်အထိရှိကြောင်း ၎င်းက ဆက်ပြောသည်။

“အခုလောလောဆယ်တော့ သင်တန်းတက်တာ တသုတ်ပြီးသွားပြီး နောက်ထပ် တက်ဖို့ခေါ်နေတာရှိတယ်၊ သူတို့ကို သင်တန်းပေးတာက သရက်ချောင်းမြို့နယ်အခြေစိုက်တပ် ခမရ (၄၀၅) က စစ်သားတွေရယ်၊ ထားဝယ်မြို့ပေါ်က နယ်မြေခံတပ်က စစ်သားတွေ အလှည့်ကျသင်တန်းပေးတာ” ဟု ဒေသခံက ပြောသည်။

စစ်အစိုးရအာဏာပိုင်များက ၂၀၁၀ ရွေးကောက်ပွဲနီးလာသည့်အချိန်တွင် တိုင်းရင်းသားဒေသများတွင် လူငယ်များကို ပြည်သူ့စစ်သင်တန်းများ အတင်းအကြပ် တက်ခိုင်းခြင်းများ ပြုလုပ်နေလျှက်ရှိပြီး မကြာသေးခင်ကလည်း ရှမ်းပြည်မြောက်ပိုင်းရှိ နမ့်ခမ်းနှင့် မန်တုံမြို့နယ်များမှ ပလောင်လူငယ်များကို ပြည်သူ့စစ်သင်တန်းများ အတင်းတက်ခိုင်းခြင်းများ ရှိခဲ့သည်။

မုန်းတိုင်းအခြေအနေ ထူးခြားမှုမရှိသေးသည့်အတွက် ဒေသခံများနေရပ်ရင်းသို့ ပြန်နေကြ

ရိုးမ ၃

ပင်လယ်ကမ်းရိုးတန်းဒေသများတွင် မုန်တိုင်းဝင်ရောက်မည့် သတင်းကြောင့် ဒေသခံများ ဘေးကင်းရာသို့ ပြောင်းရွှေ့နေကြသော်လည်း ယခုချိန်ထိ တစုံတရာ ထူးခြားမှုမရှိသည့်အတွက် အချို့မှာ နေရပ်ရင်းသို့ ပြန်နေကြသည်။

ဧရာဝတီတိုင်း၊ ဟိုင်းကြီးကျွန်းမြို့နယ်၊ ပြင်ခရိုင်ဘက်ရှိ ကျေးရွာများမှ ဒေသခံများသည် ၎င်းတို့နေရပ်ရင်းသို့ ပြန်သွားနေလျှက်ရှိကြောင်း ဒေသခံဘုန်းကြီးတပါးက မိန့်ကြားသည်။

“ဒေသခံတွေက ဘုန်းကြီးကျောင်းတွေ၊ ဆွေမျိုးတွေဆီ ပြောင်းရွှေ့နေကြတာ ရှိတယ်၊ ဘုန်းကြီးကျောင်းမှာ မနေ့ကတည်းက လာနေတာတွေရှိတယ်၊ (ရယက)တွေက ကမ်းနဲ့နီးတဲ့ နေရာတွေမှာ အိမ်ထောင်ဦးစီးတွေပဲနေပြီး ကလေးတွေ၊ မိသားစုတွေကို ဘေးကင်းရာမှာ နေဖို့ ပြောထားတာ၊ အခုချိန်ထိတော့ ဘာမှမဖြစ်ဘူး၊ တချို့ ပြန်တဲ့သူတွေလဲ ပြန်ကုန်ကြပြီ၊” ဟု မိန့်ကြားသည်။

နာဂစ်မုန်တိုင်း ပြီးကတည်းက အချို့ဘုန်းကြီးကျောင်းများမှာ ပြန်လည်ပြင်ဆင်နိုင်ခြင်း မရှိသေးသည့်အတွက် သဘာဝဘေးအန္တရယ် ကျရောက်လာလျှင် ခိုနားရန် အဆောက်အဦးများ အဆင်သင့်ရှိသင့်ကြောင်း အဆိုပါဘုန်းကြီးက ဆက်လက်မိန့်ကြားသည်။

“ဦးဇင်းအနေနဲ့ ထင်တာကတော့ နေရာတိုင်း ဒေသတိုင်းမှာ သဘာဝဘေးအန္တရယ်ကျရောက်ရင် ခိုးနားဖို့ အဆောက်အဦးလေးတွေရှိရင်တော့ ကောင်းမယ်လို့ ထင်တယ်၊ တချို့ကျောင်းတွေဆို ဘုန်းကြီးတောင် နေစရာမရှိတော့ ဘယ်လိုလုပ်မလဲ” ဟု မိန့်သည်။

ထို့အပြင် ဘိုကလေးအောက်ဘက် ပင်လယ်ဝကျေးရွာများဖြစ်သည့် ဂဠုန်၊ ဧရာဘက်တွင် ရွက်ဖောင်သင်္ဘောများနှင့် ငါးဖမ်းသင်္ဘောများကို ပြန်တက်ရန်အတွက် ရေတပ်က လိုက်လံသတိပေးနေလျှက်ရှိသည်။

“လောလေဆယ်မှာ ရာသီဥတုကတော့ သိပ်မထူးဘူး၊ မိုးအုံ့တာပဲရှိတယ်၊ မိုးလဲမရွာဘူး၊ တီဗွီက ကြေညာတာကို ကြည့်ပြီး လူတွေက ကြောက်နေကြတာပေါ့၊ ဧရာဘက်မှာတော့ ရွက်ဖောင်သင်္ဘောတွေကို ရေတပ်က ပြန်တက်ခိုင်းလို့ ပြန်တက်နေကြတယ်” ဟု ဒေသခံတဦးက ပြောသည်။

ရခိုင်ပြည်နယ်၊ စစ်တွေမြို့ပေါ်တွင်မူ ရာသီဥတုအခြေအနေ တစုံတရာ ထူးခြားမှုမရှိသေးသော်လည်း ဒေသခံများအနေဖြင့် ထိတ်လန့်မှုများရှိနေသည်ဟု စစ်တွေမြို့ခံတဦးက ပြောသည်။

“ရခိုင်မှာ အခုထိတော့ ဘာမှမဖြစ်သေးဘူး၊ အေးဆေးပါပဲ၊ မုန်တိုင်းမဝင်ဘူး၊ နေလဲသာနေတယ်၊ အာဏာပိုင်တွေက မုန်တိုင်းသတင်းတော့ ကြေညာထားတယ်၊ လူတွေကတော့ နည်းနည်းထိတ်လန့်နေတာတော့ ရှိတယ်” ဟု ပြောသည်။

စစ်အစိုးရပိုင် မီဒီယာများမှ ဘစ်ဂျလီ(Bijli) မုန်တိုင်းသတင်း ကြေညာခဲ့ပြီးနောက်ပိုင်း ပင်လယ်ကန်းရိုးတန်းဒေသများမှ ပြည်သူလူထုအနေဖြင့် ပြီးခဲ့သည့်နှစ်က ကျရောက်ခဲ့သည့် နာဂစ်မုန်တိုင်းကဲ့သို့ ထပ်မံဖြစ်လာမည်ကို စိုးရိမ်နေလျှက်ရှိသည်။

အာဏာပိုင်များ၏ မိုးလေဝသသတင်း ကြိုတင်အသိပေးမှု မရှိခဲ့ခြင်းကြောင့် ပြီးခဲ့သည့်နှစ် မေလ (၂) ရက်နေ့တွင် တိုက်ခတ်ခဲ့သည့် နာဂစ်မုန်တိုင်းဒဏ်ကြောင့် လူပေါင်း တစ်သိန်းကျော်သေဆုံးခဲ့ပြီး အိမ်ထောင်စုပေါင်း သိန်းချီ၍ အိုးမဲ့အိမ်မဲ့ ဖြစ်ခဲ့ရသည်။

ဒေသကွက်ကဲရေးအာဏာပိုင်များ ရိုက်နှက်မှုကြောင့် ရုံးစောင့်တဦးသေဆုံး

ဖြိုးကြီး

ဘိုကလေးမြို့ပေါ်တွင် ကွက်ကဲရေးရုံးအာဏာပိုင်များ ရိုက်နှက်မှုကြောင့် ရုံးအစာင့်ဝန်ထမ်းတဦး သေဆုံးခဲ့ရပြီး မြို့နယ်တရားရေးဝန်ထမ်းက သာမန်ရောဂါကြောင့် သေဆုံးခြင်းဖြစ်သည်ဟု ထွက်ဆိုခိုင်းနေလျှက်ရှိသည်။

ဘိုကလေးမြို့ မိခင်နှင့်ကလေးစောင့်ရှောက်ရေးရုံး အစောင့်ဖြစ်သူ ဦးမိုက်ကယ်အား ယခုလ (၇) ရက်နေ့ ညတွင် ဒေသကွက်ကဲရေးရုံး အာဏာပိုင်များက အဆိုပါရုံးအတွင်းရိုက်နှက်မှုကြောင့် ဒဏ်ရာအပြင်းအထန်ရရှိခဲ့ပြီး ရန်ကုန်ဆေးရုံသို့ လွှဲပြောင်း ပို့ဆောင်စဉ် (၈) ရက်နေ့တွင် သေဆုံးခဲ့သည်။

“(၈) ရက်နေ့မနက်မှာ ဘိုကလေးဆေးရုံကို သွားပြတော့ ဆရာဝန်က လက်မခံဘဲ ရန်ကုန်ဆေးရုံကို လွှဲလိုက်တာ၊ လမ်းမှာတင် ဆုံးတာ၊ အဲဒါကို တရားရေးဝန်ထမ်း ဥပဒေအရာရှိ ဦးဝင်းလှိုင်က (၇) ရပ်ကွက်ဥက္ကဌ ဦးသိန်းထွန်းကို ရိုးရိုး ရာသီဥတုပူတဲ့ဒဏ်ကြောင့် သေဆုံးတာဖြစ်တယ်လို့ သက်သေထွက်ဆိုခိုင်းထားတယ်” ဟု သေဆုံးသူနှင့် နီးစပ်သူတဦးက ပြောသည်။

ဦးမိုက်ကယ်သည် မိခင်နှင့်ကလေးစောင့်ရှောက်ရေးရုံးစောင့်အဖြစ် လုပ်ကိုင်ခဲ့သည်မှာ (၁၅) နှစ်ခန့်ရှိပြီး မသေဆုံးခင်က အလုပ်မှနားခွင့်ပြုရန် မြို့နယ်(မယက)အတွင်းရေးမှူး ဦးမျိုးညွန့်အား ပြောဆိုထားသော်လည်း ဥက္ကဌမရှိသေးသည့်အတွက် စောင့်ဆိုင်းရန်ပြောဆိုသဖြင့် ဆက်လက် တာဝန်ထမ်းဆောင်နေစဉ် ယခုကဲ့သို့ သေဆုံးခဲ့ရခြင်းဖြစ်သည်။

“ဘိုကလေးမြို့ပေါ်က မိခင်နှင့်ကလေးစောင့်ရှောက်ရေးရုံးကို နာဂစ်ဖြစ်ပြီးတော့ ယာယီကွက်ကဲရေးရုံးလုပ်ထားတာ၊ ရဲ၊ စစ်တပ်နဲ့ (ရယက)တွေက အဲဒီမှာ ၂၄ နာရီ နေတာ၊ အကူအညီပေး ပစ္စည်းတွေကိုလည်း အဲဒီမှာထားတယ်၊ အဲဒီပစ္စည်းတွေ ထုတ်ရောင်းတာတွေ၊ ညဘက်ဆို အာဏာပိုင်တွေ သောက်စားပြီး ညစ်ညမ်းအခွေတွေ ကြည့်တာကအစ သူကသိတယ်” ဟု ၎င်းက ဆက်ပြောသည်။

သေဆုံးသူ ဦးမိုက်ကယ်ကို ယခုလ (၁၀) ရက်နေ့က ဘိုကလေးသုဿန်တွင် မြေမြှုပ်ခဲ့ပြီး တရားဝင် ဆရာဝန်ဆေးစစ်ချက်အရ မည်ကဲ့သို့ သေဆုံးခြင်းဖြစ်ကြောင်းနှင့် သက်ဆိုင်ရာ ရဲစခန်းမှ အမှုဖွင့်အရေးယူမှုများကို မသိရသေးကြောင်း အဆိုပါမြို့ခံက ဆက်လက်ပြောသည်။