ပဉ္စလက် တောင်တန်း

(၁)

အိပ်ယာထစေါတဲ့

ဥသြငှက်ဟာ

နေရောင်တံစက်မြိတ်မှာ

ပိတ်ထားတဲ့ လောကတံခါးကို

သီချင်းနဲ့ တွန်းဖွင့်လိုက်တယ်။

ငါ ပုန်းအောင်းအိပ်စက်ခဲ့ရာ

ကျောက်တောင်ရဲ့ထိပ်

နေရောင်လွလွ ဖွဖွဆဆ

ရွရွဆိတ်ဆိတ် သွေးစဖိတ်ကျ

လောကဆည်းဆာ ကဗျာအဖြစ်

ငါ ချစ်လိုက်မိ။

Read more »

သိုက်စေါင့်

ကျီးပြိုတယ်

မြို့မှာ

ကျောက်ခေတ်ဆန်ဆန် စည်ကားတယ်

စိတ်ကူးယဉ်ဝါဒကို

တီရှပ်ပွပွမှာ တံဆိတ်ရိုက်နှိပ် ဝတ်ဆင်တယ်။

သောကများ

အရောင်အသွေးစုံ ဆန်းပြားလှချည်ရဲ့

ကွယ်

ရေမြောင်းမှာ အမှိုက်တွေ ဆို့နေပါပေါ့လား

နောက်ဖေး အခန်းထဲမှာ

ကြွက်တွေ ခေါင်းမီးတောက် နေပါပေါ့လား

ထိုသို့သော အရပ်မှာ

ဖိနပ်ပါးပါးကလေး ပြတ်ခဲ့

ထိုသို့သော အရပ်မှာ

ဆံပင်များ အလျားရှည်ခဲ့။

မြက်လို

လဲလျောင်းပျပ်ဝပ် ရိုကျိုးခဲ့တာပါ

မြို့ကို

ကောက်ရိုးပုံစေါင့်ခွေးလို ထိုးထိုးဟောင်မိတာပါ

ကဗျာဆရာဖြစ်လာမှတော့

တစ္ဆေမကြောက်တော့ဘူးပေါ့ မေမေရယ်။ ။

ကြည်ဇော်အေး

(ရိုးရိုးသားသား သစ်သီး ကဗျာစာအုပ်မှ)

ဆုတောင်း

လွတ်လပ်စွာ တွေးခေါ်နိုင်သော နေရာ

ဦးခေါင်းကို မတ်မတ် ထောင်ထားနိုင်သော နေရာ

အသိပညာ လွတ်လပ်သော နေရာ။

ကမ္ဘာကြီးအား ကျဉ်းမြောင်းသော

ကိုယ်ပိုင် အုတ်တံတိုင်းများဖြင့် ကာရံလျက်

အစိတ်စိတ် အမွှာမွှာ ခွဲခြားထားခြင်း မရှိသော နေရာ။

စကားလုံးများသည် နက်ရှိုင်းလှစွာသော သစ္စာတရားမှ

ထွက်ပေါ်လာသော နေရာ။

မတွန့်မဆုတ် ကြိုးပမ်းအားထုတ်မှုသည်

ယင်း၏လက်များကို ပြီးပြည့်စုံခြင်းဆီသို့

ဆန့်တန်းလျက် ရှိသောနေရာ။

ဆင်ခြင်တုံတရား တည်းဟူသော

ကြည်လင်သည့် စမ်းရေအလျင်သည်

သေခြင်းတရား၏ စိုးမိုးရာ

ခြောက်သွေ့သော ကန္တာသဲပြင်အတွင်း

လမ်းပျောက်သွားခြင်း မရှိသောနေရာ။

အရှင့် ရှေ့ဆောင်မှုဖြင့် စိတ်အလျင်သည်

အမြဲတစေ ချဲ့ထွင်လျက်ရှိသော

အတွေးအခေါ်နှင့် လုပ်ဆောင်မှုနယ်ပယ်ဆီသို့

ဦးတည် သွားနေသော နေရာ။

ထိုလွတ်လပ်သော နိဗ္ဗာန်ဘုံထဲ၌

တပည့်တော်၏တိုင်းပြည် နိုးကြားနေရပါလို၏

အရှင်ဘုရား…..။ ။

                                   ရာဘင်ဒြာ နသ် တဂိုး

ဘာသာပြန်ဆိုသူ မောင်သန့်စင်

(ရာဘင်ဒြာ နသ် တဂိုးနှင့် သူ၏ ကဗျာများ စာအုပ်မှ)

ကန္တာရ ဆူးခြုံ

အရေးတကြီး တယ်လီဖုံး လာနေတယ်

ဘယ်ကလဲ? ဘယ်ကလဲ?

အော်…မိုးခေါင်ရေရှားကန္တာရထဲက

ဆူးခြုံပင်ပု ဆီက ဖုံးပါ။

သူ မသက်မသာ အော်ပြောတယ်

“ဟဲလို ဟဲလို ဟဲလို

ကျနော် မနက်ကတည်းက

ထမင်း မစားရသေးဘူး

ဆာလှပြီ…↔

သူ့ အော်သံကြောင့်

အိမ်မှာမွေးထားတဲ့ ကြောင်က

ဆာလှပြီ…ဆာလှပြီ..လိုက်အော်တယ်။

တိုင်ကပ်နာရီအိုဟာ

တဒင်ဒင် ညည်းငြူပြီး

အဝေးပြေးကားတွေက

တဝေါဝေါ မိုင်ကုန် ထွက်ခွါသွားပေါ့။

မိုးခေါင်ရေရှားဒေသ

ကန္တာရထဲက အသံ

“အစာ မစားရတာ ကြာပြီ

ဆာလှပြီ…↔

ဖုံးထဲက အော်သံပေါ့။ ။

ထွန်းဝေမြင့်

(သစ္စာနီရဲ့ အနှစ်စိမ်း ဆောင်းပါးပေါင်းချုပ် စာအုပ်မှ)

လူသတ်ပွဲ

ဒါဟာဖြင့်

မေလရဲ့တနေ့မှာ ဖြစ်ခဲ့တာပါ။

ဒါဟာဖြင့်

၁၉၈၀ မေလရဲ့တနေ့မှာ ဖြစ်ခဲ့တာပါ။

ဒါဟာဖြင့်

၁၉၈၀ မေလရဲ့တနေ့ ညနေခင်းအချိန် “ကွမ်ဂျူးမြို့” မှာ ဖြစ်ခဲ့တာပါ။

Read more »

မိသားစု

အဆင်မပြေမှုက ဝင်ရိုးစွန်းချင်းတူကြတယ်

လက်တွေ့ ဘဝမှာ ဟာသမရှိဘူး

ထမင်းကိုစားရတာ

ဟာမိုနီမဖြစ်တဲ့ သီချင်းလို လည်ပင်းမှာ တစ်̗ လို့ 

နေ့လည်စာ ပြီးပေမယ့်

ညစာဆိုတာ မမျှော်လင့်ရဲတဲ့ အိပ်မက်ပေါ့

လူမှုဆက်ဆံရေးတွေမှာ

အိပ်ကပ်လေး ကျန်းမာရေးချို့တဲ့နေခဲ့တာ ကြာပြီ

ကျွန်တော်တို့မှာ အပမ်းဖြေဖို့ ရုပ်ရှင်ရုံမရှိဘူး

အပျင်းပြေလျှောက်လည်ဖို့ ခေတ်မီပန်းခြံ မရှိဘူး

နေထိုင်မကောင်းဖြစ်ဖို့ အားလပ်ချိန်မရှိဘူး

မိသားစုဆိုတာ

အကုန်တက် အကုန်ဆင်း

ကစားနေရတဲ့ ဘောလုံး အသင်းတစ်သင်း။ ။

ညီခ(လမ်းမတော်)

ရနံ့သစ်မဂ္ဂဇင်း၊ ၂၀၀၆၊ ဧပြီ

၂၀၁၀ နွေခွေး

မမခင်

နွေခေါင်ခေါင်

ပူလောင်လောင်

ဟောင်တဲ့ခွေး

ရွေးကောက်ပွဲဝင်ေ၇း။


မမခင်
(8.5.10)

ရိုးမပေါ်မှာ အိပ်ပါစေ

မောင်လွမ်းဏီ

ကောဇာသက္ကရာဇ် ခွန်နှစ်ဆယ့်နှစ်
ခရစ်သက္ကရာဇ် နှစ်ထောင့်တဆယ်
ရိုးမဆွယ်မှာ နေကွယ်ခဲ့တဲ့ အချိန်လား။

လဇူလိုင်ကို
မင်း မပိုင်တော့ဘူးလို့ 
ငါ မပြောနိုင်ဘူး
မင်းက ရဲဝံ့သူကြီး တယောက်ပါ။

ငုယင်ဗန်ထရွိုင်း
သမိုင်းပုံရိပ်၊ အိပ်မက်ရှည်လျား
တံတားအောက်မှာ မင်းရပ်စောင့်တယ်။

ငှက်ဖျားအဆိပ်၊ ကြိတ်မှိတ်အာခံ
တိတ်ဆိတ်ညယံ၊ နွေမီးလျှံ၌
မောင်းပြန်တိုက်ချွတ်နေဆဲလား။

ဒေါင်းအိုးဝေ မီးကျည်
ရိုးမပေါ်က ကြယ်နီ
ဒီလှိုင်းတွေ မြင့်သစ်တဲ့ ရာသီ
ငါ့ဆီလာခဲ့အုန်းလေကွာ။

ကွမ်းတယာညက်၊ အရက်တလုံး
ပြည်ဖုံးကားချ၊ သေတမ်းကဗျာ
ဖွေရှာထုဆစ်နေစဉ်မှာ၊

သင့်ရဲဘော်တို့ ၊ ကဗျာအလံ
တဝက်ထူလွှင့်နေပြီကော။     ။

× × × × ×

(ရဲဘော်ရေးဖော် ငြိမ်းလူသို့  …)
မောင်လွမ်းဏီ
၂၉ - ၄- ၂၀၁၀

အမှတ်ရတဲ့ စာမျက်နှာ

ငြိမ်းလူ

အကွေ့

အပျော်စီးသင်္ဘောပေါ်က

လူတွေကို သရော်တာလား

Read more »

၂၀၁၀ အချစ်

အပြောင်းအလဲတဲ့

ချစ်သူရေ

မင်းနဲ့ငါ

သက်ဆုံးတိုင်မပြောင်းလဲကြေးနော် ...........

ကမ္ဘာပူနွေး

ရေခဲပျော်ရ

သစ်ခြောက်ကျိုးကျ

ဗျိုင်းအုပ်လန့်ပျံ

စသည် .. စသည်ဖြင့် ...

ညီလာခံ။

မီးဖိုပေါ်

ဒယ်တင်ပြီးမှ

ဆီရှာမရတဲ့

တို့ ... လူတွေဘ၀နဲ့များ.. ကွာပါ့..။

ဆရာ-နေဇော်နိုင်ရဲ့

သံလမ်းမဲ့ရထားမဟုတ်

လက်မှတ်ကုန်သွား

လမ်းကြောင်းပြောင်းခဲ့

ရထားထွက်မဲ့

ခရီးမှာ

စီးနင်းသူများလို့တဲ့ ........

ကဆုန်မှာ အတာကူးမှာမို့

ပြောင်းလဲဖုိ့ရှိသတဲ့ ...

သိကြားမင်းက

ကျွဲစီးဆင်းမှာနော်

တို့ .. တိုင်းပြည်လုပ်

သင်္ကြန်စာရောင်းသူ့အော်သံ ..။

တရုတ်တွေ ဒီတခါညံ့တယ်

ကျားနှစ်မဟုတ်

မျက်မမြင်ပုဏ္ဏားတွေ

ဆင်စမ်းမဲ့ .. ဆင်နှစ်

ဟိုမှာကြည့်စမ်း

ဓမ္မနဲ့လုပ်အား

ပေါင်းစပ်ထား .. စိမ်းစိုနေပါရော့လား

ဟော ... ဟိုမှာတော့

၂၀၁၀ ....

အပြောင်းအလဲကို

အမြီးမှာချည်ထားတဲ့

မြွေတကောင်

ပတ်ကြားအက်ထဲဝင်သွားလို့

ရှာဖို့ကြိုးစားနေသူတွေနဲ့

စည်ကားလို့နော်

ပြီးတော့ .. သူတို့က ..

မဲပြာအိုးထဲ

ကျသွားတဲ့

မြေခွေးတွေအဖော်ပြုလို့

ချစ်သူရေ

မင်းနဲ့ငါတော့

မပြောင်းလဲကြေးနော် ...

၂၀၁၀ ပဲဖြစ်ဖြစ်

လွန်သွားတာပဲဖြစ်ဖြစ်ပေါ့ ... ။ ။

× × ×

ငြိမ်းလူ

အနီ အစိမ်း
ထူပိန်းရိုးမ
အလှဗေဒ
လောကအလှ ဆင်ပါလေ။ ။

မောင်လွမ်းဏီ
(ရိုးမ ၃ တည်ထောင်ခြင်း (၁၂) နှစ်မြောက် နှစ်ပတ်လည်အခမ်းအနားတွင် ရွတ်ဆိုသော ကဗျာဖြစ်သည်)

ကျန်စစ်သား … ငါ့ကို ခိုးပြီ

ရဲရင့်သက်ဇွဲ

၁။
နေ့တွေ ညတွေ
နေတွေ လတွေ
တရွေ့ရွေ့တိုက်စား
လှိုက်စားလာတဲ့ ဝေဒနာမှာ
ဘာကို ယုံလို့ 
ဘာတွေ ပုံအပ်ရမှာတဲ့လဲ ။


၂။
ဘယ်လိုခေတ်ဆိုးကြီးပါလိမ့်
ဟောဒီ အမှောင်ထုထဲမှာပဲ
အကြောက်တရားနဲ့ ချောက်ချားနေကြတော့မှာလား
အကြောက်တရားနဲ့  ဖောက်ပြားသွားတော့မှာလား။
ဇာတ်တူသားစားတဲ့ လူတန်းစားတရပ်
အမြစ်ဖြတ်ဖို့ လိုပြီ ။

မာယာများတဲ့ ကစားပွဲထဲ
ကံစမ်းမဲများ ပါလေမလား
အရောင်ပြောင်းလွယ်တဲ့
ဦးဆွေးဆံမြေ့ အမှုထမ်းလိုသူများရဲ့
အလိုရမ္မက်ဟာ
ပြိုကွဲပျက်စီးခြင်းနဲ့  အဆုံးသတ်ရလိမ့်မယ်။

၃။
ကံကိုယုံပြီး ဆူးပုံမနင်းနဲ့ 
ဆူးစူးတာပဲ ခံရမယ်။
အသက်ကို ဉာဏ်စောင့်တယ်
အောင်ပွဲနဲ့ အနာဂတ်ကို အမှန်တရားစောင့်တယ်
အဲဒီကြားက မင်းစောလူးရဲ့
ကျန်စစ်သား ... ငါ့ကို ခိုးပြီ ဆိုစကား
မင်းတို့နှုတ်ဖျားက ထွက်ကျလာရင်
မင်းတို့ထိုက်နဲ့  မင်းတို့ကံ
ခွေးသေဝက်သေ ကျန်ခဲ့ပေတော့
အဖန်ဖန်အခါခါ ကျွန်ပြုခံကြပေတော့။

၎။
အယုတ် အလတ် အမြတ် မရွေး
သမိုင်းပေးတာဝန်အရေးကို
ကိုယ့်အရေးလိုတွေး
နှစ်ထောင့်ရှစ် ဖွဲ့စည်းပုံအခြေခံဥပဒေကို
ဖျက်သိမ်းပေး
နှစ်ထောင့်တဆယ် ရွေးကောက်ပွဲကို
ဖျက်သိမ်းပေး
ဖျက်သိမ်းပေး ဖျက်သိမ်းပေး အရာများစွာ
ရွှေဂုံတိုင် ကြေညာစာတမ်းသာ
တတိုင်းပြည်လုံးရဲ့ အသက်ဖြစ်တယ်။ ။

ရဲရင့်သက်ဇွဲ
၂၀၀၉ ဒီဇင်ဘာ ၁၄

အမေ လေးဆယ့်ခြောက်

လင်ကွန်းရဲ့အမေ
သခင်အောင်ဆန်းရဲ့အမေ
ထူးအိမ်သင်းရဲ့အမေ
နေဇာမျိုးဝင်းရဲ့အမေ
အမေတွေဆိုတာက ဘယ်လိုသားကိုမဆို
တိုင်းပြည်ဖျက်ဖို့ မွေးခဲ့တာမဟုတ်
တိုင်းပြည်ကောင်းဖို့ မွေးခဲ့ကြတာပဲဖြစ်တယ်။

အရပ်သားရဲ့အမေ
ဘုရားသားရဲ့အမေ
တိုင်းရင်းသားရဲ့အမေ
ကျောင်းသားရဲ့အမေ
ရဲသားရဲ့အမေ
သံလမ်းလုပ်သားရဲ့အမေ
လယ်သမားရဲ့အမေ
စစ်သားရဲ့အမေ
သားအားလုံးရဲ့အမေ
အမေတိုင်းက သားအတွက်ဆို
ရင်ဘတ်တခြမ်း အပုတ်ခံမယ်
ကောင်းကင်က ကြယ်တစ်လုံးကို သားနံမည်ထိုးဖို့
ခေါင်းထဲက ဦးနှောက်ကိုထုတ်ပြီး အသုံးချမယ်
သားအတွက်ဆို အမေဟာ
အရဲရင့်ဆုံးနဲ့ အကြောက်တတ်ဆုံး “သူရဲကောင်းဖြစ်တယ်”။

ဒါပေမဲ့ အမေရယ်
တစ်ခုတော့ အကြံပေးချင်တယ်
သားတွေကို “ဆရာကောင်း” ရွေးပေးစေချင်တယ်
ဆရာမကောင်းရင်
တိုင်းပြည်မှာ အမျိုး၊ ဘာသာ၊ သာသနာ၊ ပညာ၊ ဥစ္စာ ညောင်းရမယ်
အမေ့မျက်စိရှေ့မှာ မြင်နေတယ်၊ မြင်တယ်၊ မြင်ရမယ်
အမေနဲ့သား ရင်တစ်ခွင်မှာ အောင်မြင်သွားပါစေ
မေတ္တာတွေပွား လွတ်လပ်ခြင်းတရားနဲ့ ပေါင်းဆုံကြပါစေ။ ။

× × ×


ဒေါ်လှလှဝင်း (ခ) ဒေါ်ယမင်း မွေးနေ့သို့ …
စောဝေ
(ရမည်းသင်းထောင်သား)
(20-Aug-2009)

ခေတ်တခေတ်ကို ထုဆစ်သူများ

ရဲရင့်သက်ဇွဲ

ဟောဒီ ဘဒ္ဒကမ္ဘာမှာ
အပြောင်းလဲတွေက
မြန်ဆန်လွန်းတယ်
တဖက်သက်ရေးဆွဲခဲ့တဲ့ အခြေခံဥပဒေထဲက
အခွင့်အရေးကို ချောင်းနေတဲ့
သတ္တဝါတို့ရဲ့ စိတ်အပြောင်းအလဲက
ပိုမြန်လွန်းတယ်
ပိုပြီး ရွံ့စရာကောင်းတယ်…….။


တောမီးလောင်တာ
ကြာခဲ့ပါပြီ
တောကြောင်တွေမှာတော့
မြင်မြင်သမျှဖြတ်ဆီးဖို့
ယောက်ယက်ခတ်နေပုံများ
အသိခေါက်ခက်အဝင်နက်နေရှာတဲ့
သူတို့ကိုယ် သူတို့
ဖျက်ဆီးမဲ့ဘေးဟာ
နှစ်ထောင့်တဆယ်နဲ့အတူရောက်လာမယ်ဆိုတာ
မသိရှာကြဘူး……..။

ကမ္ဘာလုံးဆိုင်ရာ
ပြုပြင်ပြောင်းလဲမှုတွေထဲ
မျောပါမနေချင်
ငါတို့ရဲ့လိုအင်ဆန္ဒ
ငါတို့တိုင်းပြည်စစ်ကျွန်ဘဝ
လွတ်မြောက်ရေးသာ ပထမ၊ ဒုတိယ၊ တတိယ ……။

သေခြင်းတရားရဲ့
အငွေ့အသက်တွေလွှမ်းခြုံနေတဲ့
အခန်းငယ်တွေထဲက
ငါတို့ရဲ့သူရဲကောင်းများ
ခေတ်တခေတ်ကို
ထုဆစ်သူများဖြစ်တယ် ……။

တပ်ဦးက ငါတို့ သူရဲကောင်း ရဲဘော်များ
ခေတ်တခေတ်ကို
ထုဆစ်သူများဖြစ်တယ်။
တော်လှန်ရေးတရပ်ရဲ့
စုတ်ချက် ကြမ်းကြမ်းထဲမှာ
ကမ္ဘာမကြေတဲ့ တမ်းခြင်းတွေနဲ့
ကမ္ဘာမကြေတဲ့ လွမ်းခြင်းတွေနဲ့
ခေတ်တခေတ်ကို ထုဆစ်နေဦးမယ် … ။ ။

× × × × ×

ရဲရင့်သက်ဇွဲ
၁၁.၁၁.၂၀၀၉

မြို့ပြဝေဒနာ

ရဲရင့်သက်ဇွဲ

ကမ္ဘာဦးရဲ့ နေ့လိုပဲ
အရိုင်းဆန် အရိုးခံ ဖွဲ့တေးသီ
ဝေးကွာမှုရဲ့ အတွင်းဆီမှာ
တယောက်ရဲ့ဒဏ်ရာ
အပြစ်အနာအဆာများကို
တယောက်က
ချစ်ခြင်းနဲ့ လွှမ်းခြုံ
ဒီကမ္ဘာမှာ လုံခြုံမယ်ထင်ခဲ့ကြ ………။

တယ်လီဖုန်းခွက်ထဲက
လျှံထွက်လာတဲ့ အသံဟာ
ဗုံးတလုံးလို ဝုန်းကနဲပေါက်ကွဲ
စိမ်းကားသော မီးတောက်မီးလျှံများကြားထဲ
စိမ်းလန်းသောစကားများ လောင်ကျွမ်းပျက်သုဉ်း
ကြေကွဲခြင်းရာသီတွေရဲ့ အခင်းအကျင်းအဆုံးမှာ
တမ်းတခြင်းက အာသာငမ်းငမ်း ……။

အတိတ် ပစ္စုပ္ပန် အနာဂတ်
ဘယ်အရပ်မှာ ငါရပ်ရမလဲ
ကာလယန္တရားကြီးရဲ့  ဝါးမျိုမှုထဲ
ဘဝက တစ … တစ
ကျိုးပဲ့ ကြေမွ
ကံဇာတ်ဆရာအလိုကျတော့ မဟုတ်ခဲ့ဘူး …..။
တရွေ့ရွေ့ ဆုတ်ခွါသွားတဲ့
နွေနှောင်းရက်များရဲ့ နေရာမှာ
ဆောင်းမျှော်ရက်များ အစားထိုးဝင်လာကြပြီ
မြို့ပြရဲ့ ဆောင်းခိုငှက်တွေမှာတော့
အသိုက်အမြုံကို စွန့်ခွာခဲ့ကြပေါ့ …..။
× × × × ×

ရဲရင့်သက်ဇွဲ
(နိုဝင်ဘာ ၃ ၊ ၂၀၀၉)

အမှန်တရားတို့ မှောက်ကျသွားခဲ့ပြီးနောက်

ဒီလမ်း ဒီစခန်းမှာ
ဘယ်သူက သူရဲကောင်းလဲ
ဘယ်သူက ဗီလိန်လဲ
ဘယ်သူက ဘယ်သူ့ကို
ဘယ်သူက ဘယ်သူ့ကို
စွဲချက်တင်ရမှာတဲ့လဲ
ရိုက်ချက်ကပြင်းတယ်။


ဖွတ်ဖွတ်ညက်ညက်ကြေနေတဲ့
ဟောဒီမြေဟာ
တို့ပိုင်တဲ့မြေ
အဲဒီမြေမှာ
လူသားခြင်းစာနာမှု ဆိုတဲ့စကား
လိမ်လည်လှည့်ဖျားတတ်သူတို့ရဲ့ နှုတ်ဖျား
ဝေါဟာရအသစ်များလား
ငါတို့မှာ နာကျည်းကြေကွဲရပေါ့။

တကယ်တော့
သူတို့ သူမကို
အသေသတ်ခဲ့ကြတယ်
သူမကို တခါသတ်တိုင်း
သူတို့ နိုင်ငံတကာအလယ်မှာ အကြိမ်ကြိမ်အခါခါ သေရတယ်။
တရားမျှတမှုတို့ ပျက်သုဉ်းလာတဲ့အခါ
ကမ္ဘာမြေဟာ နာကျင် ဆွံ့အ
ဘုရားသခင်အလိုတော်ရတော့မဟုတ်ဘူး။

မျှော်လင့်ထားတဲ့အတိုင်း
ဇာတ်သိမ်းက ဇာတ်နာလွန်းလှတယ်
အားကြီးသူတို့ရဲ့ ကိုယ်ကျိုးကြည့်မှုမှာ
တရားစီရင်ရေးကို စောင့်ရှောက်တဲ့
နတ်သမီးခမျာ
အကြိမ်ကြိမ်အခါခါ ရေတိမ်နစ်ရရှာတယ်၊
ဆန္ဒပြ၊ အစည်းအဝေး၊ ဆင်ဖိုစီယမ်၊ ကွန်းဖရန့်စ်
လုပ်ထုံးလုပ်နည်းတွေကြားမှာ
အငြင်းပွားစရာတွေ များများလာတယ်။
တိုင်းပြည်ကတော့ ရင်ဘတ်စည်တီး
ခေတ်ကြီးကတော့
အမှန်တရားတို့ မှောက်ကျသွားတဲ့အခါ
ဝေသာလီပြည် ဘီလူးစီးသလိုပ။ ။

မျှော်တလင့်လင့်

တိတ်ဆိတ်မှု အရိပ်အောက်မှာ
ဆူညံတဲ့ ကြေကွဲမှုတွေရှိတယ်
ဝင်ကစွပ်ကောင်တို့ရဲ့ လှည့်စားမှုမှာ
ဆောင်းညများ မအိပ်နိုင် မစားနိုင်ရှာ
ဝဋ်နာ ကံနာ တခုလို
လရောင်အောက်မှာ ။

အုံနဲ့ကျင်းနဲ့ လက်ခံခဲ့ရတဲ့ ဝေဒနာ
နံရိုးအပြိုင်းပြိုင်းမှာ တူညီတဲ့
ယုံကြည်မှုတွေရှိတယ်
ဟေရာကလိုက်တပ်စ်ရဲ့အာဘော်
(မြစ်တမြစ်ထဲကို လူတယောက်နှစ်ခါမဆင်းနိုင်)
ငါ့ကို နဲနဲ အော်ခွင့်ပေးပါ ။

ရင်ဘတ်တွေနဲ့ စိုက်ပျိုးခဲ့ကြပြီး
ဘယ်လို ရှင်သန်ဖူးပွင့်ခဲ့ကြရတယ်ဆိုတာ
ပုခုံးပေါ်ကတာဝန်တွေကို ကြည့်လိုက်ရုံနဲ့
ခေတ်တခုလုံး ဆလိုက်ထိုးပြသလိုမျိုး
တကွက်ပြီး တကွက်
ငါ့မှာ ရင်သပ်ရှုမော။

ဆောင်းညများထဲမှာ
စွေးစွေးနီတဲ့သွေးများ
ရဲရဲရင့်ရင့် စီးဆင်းကြ
ရဲရဲရင့်ရင့် သမိုင်းမှတ်တိုင် စိုက်ထူကြ
စွန့်လွှတ်စွန့်စားသွားသူများရဲ့
နာနာကြည်းကြည်း ရေရွတ်သံများ
ပဲ့တင်လှိုင်းခတ် လှုပ်ရှား
ဒီဇင်ဘာရဲ့ ဆောင်းညများမှာ
ဘယ်သူရေ၊ ဘယ်ဝါရေ
ကယ်ပါ ကူပါ ငါ မပြောလိုတော့ပါ
ဇွန်ပန်းရုံအနီး လှည်းဘီးနစ်နေတာ
ရာစုတ၀က်တိုင်ခဲ့ပေါ့။ ။

ငါတို့ဟာ အရိုင်းအစိုင်းလား ...

အလိမ်အကောက်ပေါင်းများစွာ ...
နေရောင် လရောင်အောက် တလက်လက်
အယောင်ဆောင် ညင်သာ

နေ့များ ညများ ...
မီးလျှံအမုန်းတွေအောက် တနေရာ ...
ကြင်နာခြင်း ယုယခြင်းအောက် တနေရာ ...
ဘဝ ဘဝချင်းထပ် မလောင်းဖို့
ဆဲရေး ငြီးတွား ကောင်းချီးပေးသံများ
ခေါက်ရိုးကျိုး ဆူညံ ...
သမိုင်းတလျောက် ဖုံးကွယ်မှုအောက်က
ခက်ထန်မာကြော မျက်နှာပြင်ပေါ်
ငါတို့ရဲ့ သူရဲကောင်းများ စီးဆင်းခဲ့ရပေါ့ ...
မျက်စိတဆုံးရဲ့ မျက်ကွယ်ရာ နေရာ ...
မိုးကုတ်စက်ဝိုင်း သက်သေမပြုတော့တဲ့ နေရာ ...
ငါ့ရင်ကိုခွဲ အလေးပြုပါ၏ ...

မေမေ ရေ .............
ကျနော် ဆက်လက်စီးဆင်းပါရစေ ........


× × × × ×