နအဖ ရွေးကောက်ပွဲဆန့်ကျင်ရေး ကမ္ဘာလုံးဆိုင်ရာ လှုပ်ရှားမှုအခမ်းအနား ပြုလုပ်

ရိုးမ ၃။ ၂၇၊ ၅၊ ၂၀၁၀

၉၀ ရွေးကောက်ပွဲ နှစ် (၂၀)ပြည့်နှင့် စစ်အစိုးရ၏ ၂၀၁၀ ရွေးကောက်ပွဲကို ဆန့်ကျင်သည့် ကမ္ဘာလုံးဆိုင်ရာလှုပ်ရှားမှုနေ့ ဖွင့်ပွဲအခမ်းအနားကို ယနေ့နံနက်ပိုင်းက ထိုင်း-မြန်မာနယ်စပ်တွင် ပြုလုပ်ခဲ့သည်။

အခမ်းအနားကျင်းပရခြင်းနှင့်ပတ်သက်၍ “ဒီနေ့လုပ်တဲ့ ကမ္ဘာလုံးဆိုင်ရာလှုပ်ရှားမှုဆိုတာက ၂၀၁၀ ရွေးကောက်ပွဲ ဆန့်ကျင်ရေး ပင်မလှုပ်ရှားမှုရဲ့ လုပ်ငန်းစဉ် ဖြစ်တယ်၊ ကျနော်တို့က ရွေးကောက်ပွဲကို မလိုလားတာ မဟုတ်ဘူး၊ စစ်အုပ်စုပြုလုပ်မဲ့ ရွေးကောက်ပွဲဟာ မြန်မာပြည်မှာ ဖြစ်နေတဲ့ နိုင်ငံရေးပြဿနာတွေကို ဖြေရှင်းနိုင်ခြင်း မရှိဘူး၊ အဲဒါကြောင့် ကျနော်တို့ ဆန္ဒပြကန့်ကွက်တာ ဖြစ်တယ်၊ လူထုက လိုအပ်တဲ့ ရွေးကောက်ပွဲမျိုးသာလုပ်ပေးဖို့ တောင်းဆိုတဲ့အနေနဲ့ ဒီပွဲကို ပြုလုပ်တာ ဖြစ်တယ်” ဟု တပ်ပေါင်းစု (၁၀)ခု နိုင်ငံခြားရေးရာ ပူးပေါင်းဆောင်ရွက်မှုအဖွဲ့ (FACT) တာဝန်ခံ ကိုသွင်လင်းအောင်က ပြောသည်။

ရွေးကောက်ပွဲသည် ဒီမိုကရေစီစနစ်၏ အခြေခံအဆင့်တခုဖြစ်သော်လည်း ၂၀၀၈ ခုနှစ် ဖွဲ့စည်းပုံအခြေခံဥပဒေသည် ပြည်သူလူထုအား ဖိနှိပ်ထားပြီး စစ်အာဏာရှင်စနစ်ကို သက်ဆိုးရှည်အောင် ပြုလုပ်ထားခြင်းဖြစ်သည်ကို နိုင်ငံတကာ ပြည်သူလုထုက သိရှိပြီး သက်ဆိုင်ရာ အစိုးရများကို တွန်းအားပေးကာ စစ်အစိုးရအား ဖိအားပေးနိုင်အောင် လုပ်ဆောင်ခြင်း ဖြစ်ကြောင်း ကိုသွင်လင်းအောင်က ဆက်ပြောသည်။

“အဲလိုတပြိုင်နက်တည်း ပြည်တွင်းမှာ စစ်အစိုးရရဲ့ ဖိနှိပ်မှုတွေ၊ လူထုရဲ့ အံတုမှုတွေကို နိုင်ငံတကာလူထုတွေကို သိအောင်လုပ်ဖို့ ရည်ရွယ်ထားတယ်၊ ပြည်တွင်းမှာဆိုရင် တိုင်းရင်းသားအင်အားစုတွေ၊ NLD အဖွဲ့တွေက ၂၀၁၀ ရွေးကောက်ပွဲကို ဆန့်ကျင်နေကြပြီ အဲဒါကို ကျနော်တို့ အပြင်မှာ ရှိနေတဲ့လူထုအနေနဲ့ သူတို့နဲ့ တသားတည်း ရှိတယ်ဆိုတာကို ပြသတဲ့အနေနဲ့ လုပ်ဆောင်သွားခြင်း ဖြစ်ပါတယ်” ဟု ပြောသည်။

ထို့အပြင် စစ်အစိုးရ ပြုလုပ်မည့် ရွေးကောက်ပွဲသည် ပြည်သူလူထု တကယ်ကြုံတွေ့နေရသည့် စားဝတ်နေရေး အခက်အခဲ၊ ပြည်သူလူထု၏ အခြေခံလူ့အခွင့်အရေးများ ရမည်မဟုတ်ကြောင်းနှင့် လက်ရှိလက်နက်ကိုင် တိုက်ပွဲဝင်နေသည့် တိုင်းရင်းသား၏ တိုင်းရင်းသားတန်းတူရေး အခွင့်အရေးများ၊ ကိုယ်ပိုင်ပြဌာန်းခွင့်များ ရရှိမည်မဟုတ်ကြောင်း အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) ဥက္ကဌ ဦးဘိုသောင်းက ပြောသည်။

“၉၀ တုန်းက အနိုင်ရခဲ့တဲ့ အမတ်အချို့က အခုရွေးကောက်ပွဲဝင်မယ်ဆိုရင် အဲဒီလူတွေက (၉၀) ခုနှစ်တုန်းက ပြည်သူလုထုကို ဘယ်လိုကတိပေးပြီး ဝင်ခဲ့သလဲ၊ အဲဒီကတိတွေကို သူတို့ဖျက်ကြမှာလား၊ ဒီလိုနည်းနဲ့ ဒီမိုကရေစီ ပန်းတိုင်ရောက်မှာ မဟုတ်ဘူး၊ ကနေ့ အခြေအနေအောက်မှာ သူတို့ကိုယ်တိုင် ကြုံတွေ့နေရပြီး၊ မှတ်ပုံတင်တဲ့ ကိစ္စ၊ လွယ်လွယ်ကူကူ ရသလား၊ ပါတီမှတ်ပုံတင်တာ အခုထိ မကျသေးတဲ့ အဖွဲ့ရှိတယ်၊ ရွေးကောက်ပွဲ ဝင်တော့ရော အနိုင်ရမှာလား၊ ဘာဘဲဖြစ်ဖြစ် သူတို့နောင်တများများရကြပါလိမ့်မယ်၊ ပြည်သူလူထုရဲ့ အထင်အမြင်လွဲခြင်းကို အများကြီးခံရနိုင်ပါတယ်” ဟု ဦးဘိုသောင်းက ဆက်ပြောသည်။

အဆိုပါ ကမ္ဘာလုံးဆိုင်ရာလှုပ်ရှားမှု အခမ်းအနားအတွင် ပြည်သူလွှတ်တော်ကိုယ်စားများအဖွဲ့ ဒုဥက္ကဌ ဆိပ်ကမ်းမြို့နယ် အမတ် ဒေါ်စန်းစန်းက “ ၉၀ ရွေးကောက်ပွဲတုန်းက အနိုင်ရပြီး အခု ထပ်ပြီးအရွေးခံဦးမယ်ဆိုတဲ့ ပြည်သူ့လွှတ်တော် ကိုယ်စားလှယ်တွေဟာ ဦးဝင်းတင် ပြောသလိုဆိုရင် သစ္စာဖောက်လို့ဘဲ သတ်မှတ်ရမှာပါ၊ ကျမတို့အနေနဲ့လည်း ပြည်သူတွေအပေါ်မှာ လုပ်ပေးဖို့ အများကြီး ကျန်ပါတယ်၊ ဒီမိုကရေစီကို မဖော်ဆောင်နိုင်ခဲ့ဖူး၊ စစ်အာဏာရှင်စနစ်ကို အပြီးသတ် မချေမှုန်းနိုင်ခဲ့ဘူး၊ ဖက်ဒရယ် အစိုးရတရပ်ကို ပေါ်ထွန်းအောင် မလုပ်ဆောင်နိုင်ခဲ့ဘူး၊ ကျမတို့ မလုပ်နိုင်ခဲ့တဲ့ အတွက် မဲဆန္ဒရှင် ပြည်သူတွေကိုလည်း တောင်းပန်ချင်ပါတယ်၊ ကျမတို့ တက်နိုင်သမျှ အိုးပစ်အိမ်ပြစ်၊ မိသားစုဘဝတွေကိုပြစ်ပြီး တော်လှန်ရေးနယ်မြေမှာ ဆက်လက်တိုက်ပွဲဝင်နေပါတယ်၊ နောက်လည်း ဆက်လုပ်နေဦးမှာပါဆိုတာ ပြောချင်ပါတယ်” ဟု ပြောသည်။

ယနေ့ပြုလုပ်သည့် ၂၀၁၀ ရွေးကောက်ပွဲဆန့်ကျင်ရေး Global Campaigning ကမ္ဘာလုံးဆိုင်ရာလှုပ်ရှားမှုကို တပ်ပေါင်းစု ၁၀ ခုက ဦးဆောင်၍ အမေရိကန်၊ ဂျပန်၊ သြစတြေးလျ၊ ထိုင်း၊ ဖိလစ်ပိုင်၊ အင်ဒိုနီးရှား အစရှိသည့် နိုင်ငံပေါင်း (၁၅) နိုင်ငံတွင် ပြည်သူများလက်မှတ်ရေးထိုးသည့် မဲပြားများကို စုပေါင်း၍ သက်ဆိုင်ရာ အစိုးရများထံ ပေးပို့ရန် လုပ်ဆောင်သွားမည်ဟု သိရသည်။