ဖတ်မိမှတ်မိသမျှ ဥပဒေအပိုင်းအစများ (၈)

စောကျော်ကျော်မင်း

ကိုဖိုးဖြူအား အမှုအခြေအနေနှင့် ခုခံရေးလမ်းကြောင်းအပိုင်းကို အသေးစိတ် ရှင်းပြလိုက်သည်။ ထိုနေ့ ရုံးချိန်းတွင် ကိုဖိုးဖြူ ပြန်လှန်စစ်မေးလေသည်။

တရားရုံးစလျှင်စချင်း ကိုဖိုးဖြူသည် ရဲလက်စွဲဥပဒေအပိုဒ် (၁၃၈၂)အပိုဒ်ခွဲ (၂)နှင့် အပိုဒ်ခွဲ (၅)တို့ကို ကိုးကားလျက် ရုံးရှေ့ စွပ်စွဲခံရသူများကို လက်ထိပ်ခတ်ထားသည့်အတွက် လက်ထိပ်ဖြုတ်ပေးရန် တရားရုံးတော်ကို တင်ပြလျှောက်ထားလေတော့သည်။

ရဲလက်စွဲဥပဒေ အပိုဒ် (၁၃၈၂)အပိုဒ်ခွဲ (၂)တွင် အာမခံပေးခွင့်မရသော ပြစ်မှုကို ကျူးလွန်၍ ဖမ်းဆီးခံရသောသူ၏ နောက်ကြောင်းရာဇ၀င် ဂုဏ်သိက္ခာနှင့် အလုပ်အကိုင်တို့ကို ထောက်ထား၍ လွတ်မြောက်ထွက်ပြေးရန် သို့မဟုတ် ကြမ်းတမ်းစွာ ခုခံရန်အားထုတ်မည့် လက္ခဏာမရှိလျှင် လက်ထိပ်မခတ်ရဟု ဖေါ်ပြထားပြီး၊

အပိုဒ်ခွဲ(၅)တွင် တရားရုံးသို့ ထုတ်ယူသော အမှုစစ်ဆေးဆဲရှိနေသည့် တရားခံများသည် ကြမ်းတမ်းစွာ ပြုမူလိမ့်မည်။ သို့မဟုတ် ထွက်ပြေးရန် အားထုတ်လိမ့်မည်။ သို့မဟုတ် ၎င်းတို့အား လွတ်မြောက်ထွက်ပြေးရန် ပြုလုပ်လိမ့်မည်ဟု ယုံကြည်ရန် လုံလောက်သော အကြောင်းမရှိ်လျှင် ၎င်းတို့အား ရုံးသွားရုံးပြန် လက်ထိပ်မခတ်ရဟု ဖေါ်ပြထားပေသည်။

အထက်ဖေါ်ပြချက်အရ ကိုဖိုးဖြူသည် “ရုံးရှေ့စွပ်စွဲခံရသူများ၏ နောက်ကြောင်းရာဇ၀င်နှင့် ဂုဏ်သိက္ခာတို့ကို ကြည့်ပါက အမျိုးသားဒီမိုကရေစီအဖွဲ့ချုပ်ဝင် နိုင်ငံရေးသမားများဖြစ်ကြောင်း၊ နိုင်ငံရေးသမားများသည် မိမိတို့ယုံကြည်ချက်အတွက် စွန့်လွှတ်အနစ်နာခံနေကြသူများ ဖြစ်ကြောင်း၊ ထိုသူတို့၏ ဂုဏ်သိက္ခာသည် သံသယဖြစ်ဖွယ် လုံးဝ မရှိပါကြောင်း၊ ထို့အပြင် တရားရုံးတော်ရှေ့တွင် အမှုရင်ဆိုင်နေကြသူများဖြစ်ကာ ရုံးထဲတွင်လည်း လုံခြုံရေးအစောင့်အရှောက်များ ရှိနေပါသောကြောင့် လွတ်မြောက်ထွက်ပြေးရန်သော်လည်းကောင်း၊ ကြမ်းတမ်းစွာ ခုခံရန်သော်လည်းကောင်း မဖြစ်နိုင်သည့် အခြေအနေများ ရှိနေပါသဖြင့် တရားစစ်ဆေးနေသည့်အချိန်တွင် လက်ထိပ်ဖြုတ်ပေးပါရန်” တင်ပြလျှောက်ထားသည်။

ကိုဖိုးဖြူသည် လက်ထိပ်ဖြုတ်ပေးရန်တစ်ခုတည်းကိုပင် တင်ပြလျှောက်ထားရာ လျှောက်ထားချိန် နာရီဝက်မျှ ကြာမြင့်လေသည်။

ကိုဖိုးဖြူ ထိုသို့ လက်ထိပ်ဖြုတ်ပေးရန် လျှောက်ထားနေသောအချိန်တွင် ကျွန်တော်သည် အလုပ်သင် ရှေ့နေဖြစ်ခါစ၊ ညောင်တုန်းမြို့နယ်မှ ကိုသန်းထွန်းနှင့် ကိုတင်ဌေးတို့အမှုမှ ဖြစ်ရပ်ကလေးတစ်ခုကို အမှတ်မထင် သတိရမိလိုက်သည်။ ၂၀၀၇ ခုနှစ်အတွင်းက ဖြစ်သည်။ ရဲအုပ် ကျော်မြသန်းနှင့် ကိုသန်းထွန်း၊ ကိုတင်ဌေးတို့ အမှုဖြစ်သည်။ ဆရာဦးခင်မောင်ရှိန်က ကိုတင်ဌေးအတွက် လိုက်ပါဆောင်ရွက်ပေးခြင်းဖြစ်ပြီး၊ ကိုသန်းထွန်းအတွက် ဦးမျိုးတင့်ဆိုသည့် ဗဟိုတရားရုံးချုပ်ရှေ့နေတစ်ဦးက လိုက်ပါဆောင်ရွက်ပေးခြင်း ဖြစ်လေသည်။

“စိန်စီသောည” အခွေ သိမ်းဆည်းရမိသောအမှု ဖြစ်သည်။ ကိုသန်းထွန်းကို ပြစ်မှုဥပဒေပုဒ်မ (၅၀၅)(ခ)နှင့် ဗီဒီယိုအက်ဥပဒေ ပုဒ်မ (၃၂)၊ ပုဒ်မ (၃၆)တို့ဖြင့် တရားစွဲဆိုခြင်းဖြစ်ကာ ကိုတင်ဌေးကို ပြစ်မှုဥပဒေပုဒ်မ (၅၀၅)(ခ)ဖြင့် တရားစွဲဆိုသော အမှုဖြစ်သည်။

အမှုစတင်စစ်ဆေးသောနေ့တွင် တာဝန်ကျရဲသားများက ကိုသန်းထွန်းနှင့် ကိုတင်ဌေးကို တရားရုံးသို့ လက်ထိပ်တန်းလန်းဖြင့် ခေါ်ဆောင်လာသည့် အချိန်တွင်ဖြစ်သည်။ မြို့နယ်တရားသူကြီး ဒေါ်စောနွဲ့နွဲ့ဝင်းမှ လက်ထိပ်ဖြုတ်ပေးစေရန် ချက်ချင်းညွှန်ကြားလိုက်သည်ကို ကျွန်တော်အမှတ်မထင် မှတ်မိနေခဲ့သည်။

သို့သော် ယခု ကိုတင်ဝင်းနှင့် ကိုညီညီမင်းတို့အား စစ်ဆေးလျက်ရှိသော တရားရုံးတွင်မူ ကိုဖိုးဖြူမှ လက်ထိပ်ဖြုတ်၍ အမှုသည်များ သက်တောင့်သက်သာဖြင့် တရားစစ်ဆေးစီရင်သည်ကို ခံယူနိုင်ရန် တင်ပြလျှောက်ထားပါသော်လည်း တရားရုံးတော်က လက်ထိပ်ဖြုတ်ခွင့်မပြုကြောင်း အမိန့်ချမှတ်လိုက်သည်။

လက်ထိပ်ဖြုတ်၍ တရားစစ်ဆေးစီရင်သည်ကို ခံယူရန်ဆိုသည်မှာ သာမန်အားဖြင့်ကြည့်လျှင် မည်သို့မျှ အရေးမကြီးသော ကိစ္စတစ်ရပ်ကဲ့သို့ ဖြစ်နေသည်။ သို့ရာတွင် လူ့ဂုဏ်သိက္ခာနှင့် လျှော်ညီစွာ ရပ်တည်နေထိုင်လျက်ရှိသော လူသားတစ်ဦးအနေဖြင့်ဆိုလျှင် ဥပဒေတစ်ရပ်ရပ်ကို ကျူးလွန်ပါသည်ဟု စွပ်စွဲလျက် တရားရုံးတင် စစ်ဆေးလျှက်ရှိသော အချိန်တွင် လက်ထိပ်တန်းလန်းဖြင့် အများပြည်သူ၏ မြင်ကွင်းထဲတွင် လက်ထိပ်ခတ်ခံရခြင်းသည် ကြီးစွာသော စိတ်အားညှိုးငယ်ခြင်းကို ဖြစ်ပေါ်စေမည်မှာ အမှန်ပင်ဖြစ်သည်။ လက်ထိပ်ခတ်ခြင်းခံထားရသည်ကို မြင်ရသူအပေါင်းအနေဖြင့်လည်း အထင်သေး အမြင်သေးသော မျက်လုံးများဖြင့် ကြည့်ရှုကြမည်မှာ အမှန်ပင်ဖြစ်သည်။ ကဲ့ရဲ့ကြမည်မှာ အမှန်ပင်ဖြစ်သည်။

လူသားဖြစ်စဉ်ထဲ၌ လူတိုင်းလူတိုင်းအား လူသားဖြစ်တည်မှု၏ ဂုဏ်သိက္ခာကို အသိအမှတ်ပြုလေးစား၊ တန်ဖိုးထားကြရမည်မှာ ၂၁ ရာစု ယဉ်ကျေးသော လူ့အဖွဲ့အစည်းဝင်တိုင်း ကိုယ်ပိုင်အသိတရားဖြင့် သိသင့်၊ သိထိုက်၊ သိအပ်လှသည့် ပြဌာန်းစရာမလိုသော ဝတ္တရားပင်ဖြစ်သည်။

ရဲလက်စွဲဥပဒေအား ပြုစုပြဌာန်းခဲ့ကြသော ဥပဒေပညာရှင်များသည် ယင်းအချက်ကို ကောင်းစွာသတိပြုလျှက် ရဲများအနေဖြင့် လက်ထိပ်များကို အမှန်တကယ်လိုအပ်မှသာ အသုံးပြုစေရန်အတွက် ရဲလက်စွဲဥပဒေထဲတွင် လက်ထိပ်ခတ်ခြင်းဆိုသည့် ခေါင်းစဉ်ဖြင့် သီးသန့် ထည့်သွင်းပြဌာန်းပေးထားခြင်းဖြစ်ပေသည်။

သို့သော် ရဲများ၏ လုပ်ထုံးလုပ်နည်းနှင့် ညီညွတ်မှုမရှိသော ဆောင်ရွက်ချက်များသည်လည်းကောင်း၊ ဥပဒေပြဌာန်းချက်များနှင့် ကိုက်ညီခြင်းမရှိသော လုပ်ဆောင်ချက်များသည်လည်းကောင်း၊ အမှုစွဲတင် စစ်ဆေးလိုက်သောအချိန်တွင် သက်ဆိုင်ရာ တရားရုံးတွင် ထင်ထင်ရှားရှား ပေါ်ပေါက်လျက်ရှိကြသော်လည်း၊ သက်ဆိုင်ရာ တရားရုံးများက အလေးအနက်ထား ဖြေရှင်းခြင်း မရှိကြတော့ပေ။ တချို့တရားရုံးများသည်ပင်လျှင် ရဲလုပ်ထုံးလုပ်နည်းများ မှားယွင်းစွာ လုပ်ဆောင်ထားကြသည်များကို ရဲများဘက်မှနေ၍ ကာကွယ်ဖြေရှင်းပေးတတ်ကြသည်။ ထို့ကြောင့် ရဲများအနေဖြင့်လည်း ၎င်းတို့ကိုယ်တိုင် လိုက်နာကြရမည့် ရဲဥပဒေများ၊ လုပ်ထုံးလုပ်နည်းများကို အလေးအနက်ထား လိုက်နာကြတော့ခြင်းမရှိဘဲ ၎င်းတို့စိတ်ထင်သည့်အတိုင်း လုပ်ကိုင်ဆောင်ရွက်ကြသဖြင့် မြန်မာနိုင်ငံရဲတပ်ဖွဲ့၏ ဂုဏ်သိက္ခာသည်လည်း တစ်စထက်တစ်စ ကျဆင်းလာခဲ့ရာ ယနေ့အချိန်အခါတွင်မူ ကုန်းကောက်စရာ မရှိအောင်ပင် ဖြစ်နေပေတော့သည်။


× × × × ×
ဆက်လက်ရေးသားပါအုံးမည်။

စာဖတ်သူများကိုအစဉ်လေးစားလျက်
စောကျော်ကျော်မင်း
၁၄.၉.၂၀၀၉

ဖတ်မိမှတ်မိသမျှ ဥပဒေအပိုင်းအစများ (၇)

စောကျော်ကျော်မင်း

ကိုတင်ဝင်း၊ ကိုညီညီမင်းတို့အား တရားစွဲဆိုထားသော အမှုတွင် တရားရုံးတော်ရှေ့တွင် ပေါ်ပေါက်လျက်ရှိသော ဥပဒေပြဿနာများမှာ တရားရုံးတော်မှ ဖမ်းဝရမ်း (သို့မဟုတ်) သမ္မန်စာ ထုတ်ဆင့်ပေးသည့်အခါမှသာ တရားရုံးတော်သို့ လာရောက်အမှုရင်ဆိုင်စေခြင်း သို့မဟုတ် ဖမ်းဆီးခေါ်ဆောင် အမှုရင်ဆိုင်စေခြင်း ဟုတ်သည်/မဟုတ်သည်၊ ကဗျာစာသားများကို ရေးသားပြီး ဖြန့်ချီဝေငှခြင်းမရှိဘဲ သိမ်းဆည်းထားသည်မှာ ပြစ်မှုဥပဒေပုဒ်မ ၅၀၅(ခ) ကို ကျူးလွန်ခြင်း ဟုတ်သည်/မဟုတ်သည် စသည်တို့မှာ ဥပဒေပြဿနာများအဖြစ် သက်ဆိုင်ရာ တရားရုံးတော်တွင် ပေါ်ပေါက်လျက်ရှိပေသည်။

အကြောင်းချင်းရာပြဿနာများအဖြစ် ကိုညီညီမင်း၏ နေအိမ်တွင်လည်းကောင်း၊ ကိုတင်ဝင်း၏ နေအိမ်တွင်လည်းကောင်း ကဗျာစာရွက်နှစ်ရွက်နှင့် မူရင်းကဗျာစာအုပ်တစ်အုပ် စသည်တို့ကိုလည်းကောင်း သိမ်းဆည်းရမိပြီး ကိုညီညီမင်း၊ ကိုတင်ဝင်းတို့ကို ဖမ်းဆီးသည့်အခါတွင်မူ ထိုကဗျာစာရွက်များကို ဖြန့်ဝေနေသည့်အချိန်တွင် ဖမ်းဆီးရမိခြင်းမဟုတ်သောကြောင့် ပြစ်မှုဥပဒေပုဒ်မ ၅၀၅(ခ) ပြဌာန်းချက်ပါ ပြစ်မှုမြောက်စေသည့် အင်္ဂါရပ်များနှင့် ကိုက်ညီမှု ရှိ/မရှိ စသည့်အကြောင်းချင်းရာပြဿနာများသည် တရားရုံးတော်မှ ဖြေရှင်းဆုံးဖြတ်ပေးရမည့် ပြဿနာများအဖြစ် ပေါ်ပေါက်လျက်ရှိနေပေသည်။


ထို့အပြင် တရားလို ဒုရဲမှူး တင်မောင်အေးသည် ကိုတင်ဝင်းနှင့် ကိုညီညီမင်းတို့သည် အမျိုးသားဒီမိုကရေစီအဖွဲ့ချုပ် အဖွဲ့ဝင်များဖြစ်ကြောင်းနှင့် ၎င်းတို့အား ဖမ်းဆီးသောအချိန်တွင် နိုင်ငံတော်မှ ပြည်လုံးကျွတ် ဆန္ဒခံယူပွဲ ကျင်းပပြုလုပ်မည့် အချိန်ဖြစ်သည့်အပြင် ထိုအချိန်တွင် အမျိုးသားဒီမိုကရေစီအဖွဲ့ချုပ် အဖွဲ့ဝင်များသည် နိုင်ငံတော် တည်ငြိမ်ရေးပျက်ပြားအောင် လုပ်ဆောင်လျက်ရှိကြောင်း စသည်တို့ဖြင့် တရားရုံးတော်တွင် စွပ်စွဲထွက်ဆိုလေတော့သည်။

ထို့ကြောင့် အမျိုးသားဒီမိုကရေစီအဖွဲ့ချုပ်သည် နိုင်ငံရေးပါတီများ မှတ်ပုံတင်ခြင်းဥပဒေဖြင့် တရားဝင် မှတ်ပုံတင် ရပ်တည်လျက်ရှိသော နိုင်ငံရေးပါတီဖြစ်သည်ကို သိပါသလားဆိုသည့် ပြန်လှန်မေးခွန်းမျိုးဖြင့်လည်းကောင်း၊ အမျိုးသားဒီမိုကရေစီအဖွဲ့ချုပ်သည် ၁၉၉၀ ပါတီစုံဒီမိုကရေစီ အထွေထွေရွေးကောက်ပွဲတွင် ၈၂% ကျော်ဖြင့် အနိုင်ရရှိခဲ့သော အနိုင်ရ နိုင်ငံရေးပါတီကြီး ဖြစ်သည်ကို သိပါသလားဆိုသည့် ပြန်လှန်မေးခွန်းမျိုးဖြင့်လည်းကောင်း၊ ကိုတင်ဝင်း၊ ကိုညီညီမင်းတို့အား ဖမ်းဆီးလိုက်သည့် အချိန်တွင် နိုင်ငံတော် မငြိမ်မသက်ဖြစ်နေပါသည် ဆိုသော စွပ်စွဲချက်နှင့်ပတ်သတ်၍လည်း ထိုအချိန်က နိုင်ငံတော်အနှံအပြားတွင်လည်းကောင်း၊ သို့မဟုတ် မငြိမ်မသက်ဖြစ်ပါသည်ဆိုသည့် ကိုတင်ဝင်း၊ ကိုညီညီမင်းတို့ နေထိုင်ရာ ဒဂုံမြို့နယ်တွင်သော်လည်းကောင်း၊ နိုင်ငံတော်မှ အရေးပေါ်အခြေအနေ ကြေငြာထားခြင်းမျိုး ရှိပါသလားဆိုသည့် ပြန်လှန်မေးခွန်းမျိုးဖြင့်လည်းကောင်း၊ ထို့ပြင် သက်သေခံအဖြစ် တင်ပြထားသော အမျိုးသားပြန်လည်သင့်မြတ်ရေး တီရှပ်အင်္ကျီနှင့်စပ်လျဉ်း၍လည်း အမျိုးသားပြန်လည်သင့်မြတ်ရေးဆိုသည်မှာ နိုင်ငံတော်အစိုးရကိုယ်တိုင် တိုင်းရင်းသားစည်းလုံးညီညွတ်ရေး ဆောင်ပုဒ်ကို တာဝန်တစ်ရပ်အနေဖြင့် စွဲကိုင်လုပ်ဆောင်နေခြင်းဖြစ်သဖြင့် နိုင်ငံတော်၏ တာဝန်ကို တာဝန်သိပြည်သူများမှ ကူညီပံ့ပိုး လုပ်ဆောင်ခြင်းဖြစ်၍ ကောင်းမွန်သော ရည်ရွယ်ချက်သာဖြစ်သည်ဆိုလျှင် မှန်ပါသလား ဆိုသည့် ပြန်လှန်မေးခွန်းမျိုးဖြင့်လည်းကောင်း၊ FREE AUNG SAN SUU KYI အင်္ကျီနှင့်စပ်လျဉ်း၍လည်း ဒေါ်အောင်ဆန်းစုကြည်ဆိုသည်မှာ အမျိုးသားဒီမိုကရေစီအဖွဲ့ချုပ်၏ အထင်ကရ ခေါင်းဆောင်တစ်ဦးဖြစ်သည့်အပြင်၊ လူထုခေါင်းဆောင်တစ်ဦးလည်း ဖြစ်ခြင်းကြောင့် အမျိုးသားဒီမိုကရေစီအဖွဲ့ချုပ်ဝင်များအနေဖြင့် မိမိခေါင်းဆောင် လွတ်မြောက်စေရန် တောင်းဆိုခြင်းဖြစ်ကြောင်းနှင့် လူတိုင်းလူတိုင်းအနေဖြင့် လွတ်လွတ်လပ်လပ် တွေးခေါ်ခွင့်၊ ရေးသားတောင်းဆိုခွင့်၊ ဆန္ဒထုတ်ဖေါ်ခွင့်များ ရှိသည်မှာ လူတိုင်း၏ မွေးရာပါအခွင့်အရေးများဖြစ်သည်ကို သိပါသလားဆိုသည့် ပြန်လှန်မေးခွန်းမျိုးဖြင့်လည်းကောင်း ချေဖျက်မေးမြန်းရလေတော့သည်။

ပထမရုံးချိန်းသည် တရားလို ဒုရဲမှူး တင်မောင်အေး စွပ်စွဲထားသော စွပ်စွဲချက်များကို ပြန်လှန်မေးခွန်းပေါင်းမြောက်များစွာဖြင့် ချေဖျက်မေးမြန်းရခြင်းဖြစ်သောကြောင့် ရုံးချိန်းတစ်ချိန်းနှင့်မလောက်ဘဲ နောက်တစ်ရက်သို့ ထပ်မံချိန်းဆိုလိုက်ရလေသည်။

ကျွန်တော့်အနေဖြင့်လည်း နောက်ရုံးချိန်းတွင် ပိုမိုထိရောက် ချေဖျက်နိုင်စွမ်းရှိသော မေးခွန်းများ မေးမြန်းနိုင်ရန်အတွက် ပိုမိုပြင်ဆင်ရလေတော့သည်။

နောက်ရုံးချိန်းတွင် ဥပဒေပြဿနာပိုင်းဆိုင်ရာများကို ပိုမိုထိရောက်စွာ မေးမြန်းနိုင်ရန်အတွက် လိုအပ်နေကြောင်း စိတ်တွင် အလိုလိုသိရှိနေပေသည်။ ကျွန်တော်သည် တရားခွင်စစ်ဆေးမှု အတွေ့အကြုံ လုံးဝမရှိသော သူတစ်ယောက်သာဖြစ်သည့်အပြင် တရားခွင်စစ်ဆေးနေသည့် အချိန်တွင်လည်း နဘေးမှ ထောက်ပြပြောဆို အကြံပေးမည့်သူ တစ်ဦးတစ်လေမျှ မရှိသောကြောင့် စိတ်တထင့်ထင့်ဖြင့်သာ စစ်ဆေးမေးမြန်းနေရခြင်းဖြစ်လေသည်။ သက်သေအနေဖြင့် အမှန်အတိုင်း ၀န်ခံထွက်ဆိုလာစေရန်လည်း ပြန်လှန်စစ်ဆေးခြင်း နည်းပညာများကို တတ်ကျွမ်းသိနားလည်မှုလည်း လုံးဝမရှိဟု မိမိကိုယ်ကို နားလည်လာမိသည်။ အထူးသဖြင့် ဥပဒေပြဿနာများကို မေးမြန်းရမည်ဆိုလျှင် မိမိ၌ရှိသော အရည်အချင်း၊ လေ့လာလိုက်စားမှုများနှင့် မလုံလောက်တော့ဟု အလိုလို နားလည်လာမိသည်။

ထို့ကြောင့်ဆရာ ဦးခင်မောင်ရှိန်အား ပြောဆိုတိုင်ပင်မိသည့်အားလျော်စွာ ဆရာမှလည်း မေးမြန်းရမည့် မေးခွန်းများကို အစွမ်းကုန် ကြိုးစားပြင်ဆင်ပေးလေသည်။ မည်သည့်အချိန်တွင် မည်သည့်မေးခွန်းမျိုး၊ မည်သည့် အခြေအနေတွင် မည်သည့်မေးခွန်းမျိုးကို မေးမြန်းသင့်ကြောင်းကို သင်ပြပေးလေသည်။ သို့သော် ဆရာ့အနေဖြင့် ထိုအမှုကို သူကိုယ်တိုင် လိုက်ပါစစ်ဆေးပေးချင်ပါသော်လည်း ထောင်တွင်းတရားရုံးတွင် စစ်ဆေးလျက်ရှိသော အမှုများနှင့် ရုံးချိန်းချင်း တိုက်ဆိုင်နေပါသောကြောင့် လိုက်ပါနိုင်ခြင်းမရှိ ဖြစ်နေလေသည်။

နောက်ရုံးချိန်းသို့ ရောက်သောအခါတွင် လုံးဝမျှော်လင့်မထားဘဲ လူငယ်ရှေ့နေ ကိုဖိုးဖြူ ရောက်ရှိလာလေသည်။ ကိုဖိုးဖြူနှင့်အတူ ကိုညီညီထွေးပါ ရောက်ရှိလာသောကြောင့် စွပ်စွဲခံရသူများဘက်မှ လိုက်ပါဆောင်ရွက်ကြမည့် ရှေ့နေအင်အားမှာ အလွန်တောင့်တင်းသွားလေတော့သည်။

× × × × ×
ဆက်လက်ရေးသားပါအုံးမည်

စာဖတ်သူများကို အစဉ်လေးစားလျက်-
စောကျော်ကျော်မင်း
(၈.၉.၂၀၀၉)

၈၈ မျိုးဆက် ကျောင်းသားများက စစ်အစိုးရကို တိုက်တွန်း

ဉာဏ်မောင်

စစ်အစိုးရ ခေါင်းဆောင်များအနေဖြင့် စီးပွားရေးပိတ်ဆို့မှုကိစ္စအပါအဝင် အမျိုးသားရေးပြဿနာများကို ဒေါ်အောင်ဆန်းစုကြည် ဦးဆောင်သည့် အင်န်အယ်ဒီနှင့် ပူးပေါင်းဖြေရှင်းရန် မေတ္တာ စေတနာထားကာ ဆောင်ရွက်စေချင်ကြောင်း ၈၈ မျိုးဆက် ကျောင်းသားများအဖွဲ့မှ ယမန်နေ့ စက်တင်ဘာလ ၂၈ ရက်နေ့ ရက်စွဲဖြင့် တိုက်တွန်းချက်တစောင် ထုတ်ပြန်လိုက်သည်။

နိုင်ငံတကာ စီးပွားရေးပိတ်ဆို့မှုများကို အမျိုးသားဒီမိုကရေစီအဖွဲ့ချုပ် (အင်န်အယ်လ်ဒီ) နှင့် ပူးပေါင်းဖြေရှင်း၍ အမျိုးသားရေးပြဿနာများကို တွေ့ဆုံဆွေးနွေး အဖြေရှာရေးအတွက် ယနေ့အချိန်အခါသည် အကောင်းဆုံးနှင့် အသင့်တော်ဆုံး ဖြစ်သည်ဟု ယုံကြည်ကြောင်း အဆိုပါကြေညာချက်တွင် ဖော်ပြထားသည်။

ဒေါ်အောင်ဆန်းစုကြည် ဦးဆောင်သော အင်န်အယ်လ်ဒီပါတီမှ စီးပွားရေးပိတ်ဆို့မှု ရုတ်သိမ်းရေးကိစ္စနှင့် ပတ်သက်၍ ပူးပေါင်းဆောင်ရွက် ဖြေရှင်းနိုင်ရန် စစ်အစိုးရခေါင်းဆောင်ထံသို့ မေတ္တာရပ်ခံလွှာ ပေးပို့ထားသည်ကို သိရှိရပြီး ထိုသို့ အဖြေရှာကြမှသာ အဆိုပါကိစ္စသည် အဆင်ပြေချောမွေ့ လာနိုင်ကြောင်းလည်း ဆက်လက်ဖော်ပြထားသည်။

ပြီးခဲ့သည့် ၂၀၀၇ ခုနှစ်၊ စက်တင်ဘာလအတွင်း ဖြစ်ပွားခဲ့သည့် ရွှေဝါရောင် သံဃာ့လှုပ်ရှားမှုအပြီး ၎င်းနှစ် အောက်တိုဘာလတွင် ဗိုလ်ချုပ်မှူးကြီး သန်းရွှေက ဒေါ်အောင်ဆန်းစုကြည်အနေဖြင့် နိုင်ငံတကာမှ စီးပွားရေးပိတ်ဆို့နေမှုများကို ရုတ်သိမ်းအောင် လုပ်ဆောင်ပေးမည်ဆိုလျှင် သူကိုယ်တိုင် အင်န်အယ်လ်ဒီနှင့် တွေ့ဆုံဆွေးနွေးမည်ဟု ထုတ်ပြန်ခဲ့ဖူးသည်။

အချက် (၇) ချက်ပါဝင်သည့် ၈၈ မျိုးဆက်ကျောင်းသားများ တိုက်တွန်းချက်တွင် မကြာသေးမီရက်ပိုင်းအတွင်းက အနေဖြင့် မြန်မာနိုင်ငံအပေါ် စီးပွားရေးပိတ်ဆို့မှုအပြင် နိုင်ငံချင်း တိုက်ရိုက်ထိတွေ့ဆက်ဆံသော နည်းလမ်းကိုလည်း ကျင့်သုံးမည့် မူဝါဒကို ဒေါ်အောင်ဆန်းစုကြည်မှ ထောက်ခံကြိုဆိုသကဲ့သို့ ၈၈ မျိုးဆက်ကျောင်းသားများအနေဖြင့်လည်း ကြိုဆိုပါကြောင်း ဖော်ပြထားသည်။

အရှင်ဆန္ဒဓိက ထောင်တွင်းဆေးရုံတွင် ဆေးကုသနေရ

ရိုးမ ၃

ရန်ကုန်တိုင်း၊ ရဲချုပ်ရုံး အချုပ်တွင် အာဏာပိုင်များရိုက်နှက်မှုကြောင့် အူကျသည့်ဝေဒနာကို ခံစားနေရသူ အရှင်ဆန္ဒာဓိက (ခ) ကိုညီညီစံ ထောင်ဆေးရုံတွင် ဆေးကုသမှု ခံနေရသည်။

အာဏာပိုင်များဘက်က အရှင်ဆန္ဒာဓိကကို နိုင်ငံရေးပုဒ်မ ဖြစ်နေသည့်အတွက် ထောင်ပြင်ထွက် ဆေးဝါးကုသခွင့်ကို မပေးဘဲထားခြင်းဖြစ်ကြောင်း မိသားစုဝင်တဦးက ပြောသည်။

“ခြေထောက်တွေ ပေါင်တွေမှာ ရိုက်ထားတဲ့ ဒဏ်ရာတွေ များတယ်။ ဝါးရင်းတုတ်နဲ့ ရိုက်ထားတဲ့ အရာတွေ တော်တော်များတယ်။ အပြင်ထွက်မရတော့ ထောင်ဆေးရုံမှာပဲ ကုနေရတယ်” ဟု ပြောသည်။

အာဏာပိုင်များဘက်က အရှင်ဆန္ဒာဓိကကို ဓါတ်ဆီလောင်း မီးရှို့ဆန္ဒပြရန် ကြံစည်ကြောင်း အတင်းအကြပ် ထွက်ဆိုခိုင်းကာ ရုံးတင်တရားစွဲဆိုမှုများ ပြုလုပ်ထားခြင်းဖြစ်သည်။

ယင်းကဲ့သို့ အမှုဖွင့်တရားစွဲဆိုထားသော်လည်း အမှုစတင်စွဲဆိုသည့် တကြိမ်သာ တရားလိုဘက်က လာရောက်ခဲ့ပြီး ရုံးချိန်း လေးကြိမ် ပျက်ကွက်နေကြောင်း မိသားစုဝင်က ဆက်ပြောသည်။

“တရားလိုလုပ်တာက ဒုရဲအုပ် ဇော်ဖုန်းဝင်း၊ တခါပဲ တရားရုံးကို လာတယ်၊ နောက်ထပ် ရုံးချိန်းတွေ သူတို့ဘက်က သက်သေခံဖို့ တခေါက်မှမလာတော့ဘူး။ သူတို့ ပျက်ကွက်တာများပြီ” ဟု ဆက်လက်ပြောသည်။

အရှင်ဆန္ဒာဓိကသည် ဒေါ်အောင်ဆန်းစုကြည်ကို အမိန့်ချသည့်နေ့က တရားရုံးသို့ သွားရောက်ကြားနာပြီး အပြန်တွင် အာဏာပိုင်များက ဖမ်းဆီးခဲ့ကာ အင်းစိန်ထောင်တွင် ချုပ်နှောင်ထား၍ ယနေ့ရုံးချိန်း ထပ်မံချိန်းဆိုထားသည်။

နှောင်ကြိုးမဲ့ လွတ်ငြိမ်းချမ်းသာခွင့် ပေးလိုက်ခြင်းမဟုတ်ကြောင်း လွတ်မြောက်လာသူတဦး ပြောဆို

ဖြိုးကြီး

အကျဉ်းသားများ လွှတ်ပေးရာတွင် နှောင်ကြိုးမဲ့ လွတ်ငြိမ်းချမ်းသာခွင့် ပေးလိုက်ခြင်းမဟုတ်ကြောင်း သရက်အကျဉ်းထောင်မှ လွတ်လာမြောက်ပြီး ထိုင်း-မြန်မာနယ်စပ်သို့ ရောက်လာသည့် နိုင်ငံရေးအကျဉ်းသားတဦးဖြစ်သူ ကျောင်းသားတပ်မတော် ရဲဘော်ဟောင်း ကိုရန်အောင်ရွှေက ပြောသည်။

ယခုကဲ့သို့ လွှတ်ပေးလိုက်သည့် အကျဉ်းသားများမှာ အာဏာပိုင်များအား အနှောင့်အယှက်မပေးနိုင်သူများနှင့် လွတ်ရက်စေ့ခါနီးသူများဖြစ်ပြီး ထောင်ထွက်ဝရမ်းတွင်လည်း နောက်တကြိမ် ပြစ်မှုကျူးလွန်လျှင် ယခင်ပြစ်ဒဏ်ပါ ပြန်ခံရမည်ဟု ပါရှိကြောင်း ၎င်းက ပြောသည်။

“အခု ကျနော်တို့ကို လွှတ်တယ်ဆိုတာ တကယ် အနှောင်အဖွဲ့ကင်းကင်းနဲ့ လွှတ်လိုက်တာမဟုတ်ပါဘူး။ ကျနော်တို့ဆိုရင် နိုင်ငံရေးနောက်ခံ မရှိတော့တဲ့ အချိန်မျိုးဖြစ်နေပြီး လွတ်ခါနီးဖြစ်နေတာလည်းပါလို့ လွှတ်လိုက်တဲ့ သဘောပါပဲ” ဟု ပြောသည်။

၎င်းပြန်လွတ်လာစဉ် အာဏာပိုင်များဘက်မှ တစုံတရာ ဖိအားပေး လက်မှတ်ထိုးခိုင်းခြင်းများ မရှိသော်လည်း ထောင်အာဏာပိုင်များက အခမ်းအနားနှင့် လွှတ်ပေးခြင်းဖြစ်ကာ ထောက်ထွက်ဝရမ်းတစောင်နှင့် ငွေ ၁,၀၀၀ ကျပ်ပေးပြီး ပြန်လွှတ်ပေးခြင်းဖြစ်ကြောင်း ကိုရန်အောင်ရွှေက ဆက်လက်ပြောသည်။

“ဒီတကြိမ်မှာ ကျနော်တို့တိုက်က ဘမျိုးသိန်းနဲ့ ကျနော် နှစ်ယောက်ပါတယ်။ ဘမျိုးသိန်းက ပထမတခါလိုပဲ (၄၀၁) ကို ထိုးရမယ်ဆိုရင် မထိုးဘူးဆိုပြီး ပြောတယ်။ အဲဒါနဲ့ ထောင်ပိုင်က ခေါ်တွေ့ပြီး (၄၀၁) မှာတော့ လက်မှတ်မထိုးပါနဲ့၊ တခြား မိသားစုကိစ္စ ပုံစံမျိုးမှာ ပြန်ထိုးခိုင်းတယ်။ အဲဒါကို ဘမျိုးသိန်းက ထိုးပါမယ်ဆိုပြီး ပြောတယ်။ နောက်တော့ (၈) နာရီမှာ ထောင်ပိုင်တွေက အခမ်းအနားနဲ့ လွှတ်တယ်။ ဘမျိုးသိန်းကိုတော့ ခေါ်ထားလိုက်တယ်” ဟု ပြောသည်။

ကိုရန်အောင်ရွှေသည် ယခင်က ကျောင်းသားတပ်မတော် (ABSDF) တပ်ရင်း (၉၀၉)မှ ရဲဘော်တဦးဖြစ်ပြီး ၁၉၉၅ ခုနှစ်တွင် တပ်မှထွက်ကာ သာရေးနာရေးအဖွဲ့ဝင်အဖြစ် တာဝန်ထမ်းဆောင်နေရင်း ပြည်တွင်းသို့ ပြန်ဝင်စဉ် ဖမ်းဆီးခဲ့ရခြင်းဖြစ်ကာ ထောင်ဒဏ် ၁၅ နှစ် ချမှတ်ခြင်းခံခဲ့ရသူဖြစ်သည်။

“ကျနော် ထောင်ကျတာက ၁၅ နှစ်ပါ။ ၁၇(၁) တရားမဝင်အဖွဲ့အစည်းများနဲ့ ဆက်သွယ်မှုနဲ့က ၃ နှစ်၊ နောက်တမှုက လက်နက်ပါတယ်ဆိုပြီး ဘာလက်နက်မှမမိဘဲနဲ့ ၇ နှစ် ချလိုက်တယ်။ (လဝက)အမှုနဲ့က ၅ နှစ် ချလိုက်ပါတာပါ” ဟု ကိုရန်အောင်ရွှေက ရှင်းပြသည်။

ထောင်မှ ထွက်လာပြီးနောက် မိသားစုအခြေအနေမှာ ယိုင်လဲနေပြီး အာဏာပိုင်များဘက်မှလည်း ဖိအားပေးမှုများ ရှိလာနိုင်သည့် အခြေအနေများကြောင့် ပြည်တွင်းတွင် ဆက်လက်နေထိုင်ရန် အခက်အခဲများရှိကြောင်း ၎င်းက ပြောသည်။

“ထောင်ထွက်လက်မှတ်က ဂိတ်တဂိတ်ကို တခါဝင်တိုင်း ပြရတယ်။ အဲဒီမှာ စစ်ဆေးမေးမြန်းတာတွေက တော်တော်များများ လုပ်တယ်။ ဒီလိုသာ စစ်ဆေးမေးမြန်းနေမယ်ဆိုရင် ရေရှည်မှာ ကျနော်တို့ နေရထိုင်ရတာ အခက်အခဲရှိတယ်။ ကျနော်တို့ဘဝအခြေအနေက ဘယ်လိုမှ မလုံခြုံတော့ဘူး။ အဲဒါကြောင့် ဒီကိုထွက်လာတာ” ဟု ပြောသည်။

သရက်အကျဉ်းထောင်မှ နိုင်ငံရေးအကျဉ်းသား ၈ ဦး လွှတ်ပေးရာတွင် အာဏာပိုင်များက ကိုဘမျိုးသိန်းကို ပြန်လွှတ်ပေးခြင်းမရှိဘဲ ဆက်လက်ထိန်းသိမ်းထားခဲ့ပြီး စစ်အစိုးရအနေဖြင့် အကျဉ်းသား ၇,၀၀၀ ကျော်ကို လွတ်ငြိမ်းချမ်းသာခွင့်ပေး၍ လွှတ်ပေးလိုက်သည်ဆိုသော်လည်း နိုင်ငံရေးအကျဉ်းသား ၁၂၈ ဦးသာ ပါဝင်ခဲ့သည်။

အယောင်ပြအချိန်ဆွဲ နိုင်ငံရေးကစားကွက်အဖြစ် အသုံးချခြင်းဖြင့် နိုင်ငံရေးပြဿနာများမှာ ပြေလည်သွားမည်မဟုတ်ကြောင်း သဘောထားထုတ်ပြန်

ဉာဏ်မောင်

နိုင်ငံရေးအကျဉ်းသားများလွှတ်ရေးကို စေတနာမပါဘဲ အယောင်ပြအချိန်ဆွဲ နိုင်ငံရေးကစားကွက်အဖြစ် အသုံးချခြင်းဖြင့် မြန်မာ့နိုင်ငံရေးပြဿနာများမှာ ပြေလည်သွားမည်မဟုတ်ကြောင်း မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီး၊ ၈၈ မျိုးဆက် ကျောင်းသားများအဖွဲ့၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်တို့က ပူးတွဲ သဘောထားထုတ်ပြန်ကြေညာခဲ့သည်။

ယနေ့ နေ့စွဲဖြင့် ထုတ်ပြန်ခဲ့သည့် အဆိုပါထုတ်ပြန်ချက်တွင် နိုင်ငံရေးအကျဉ်းသားမှမဟုတ် မည်သည့်အကျဉ်းသားမဆို လူသားတယောက်အနေဖြင့် အချုပ်နှောင်မှ လွှတ်မြောက်လာသည့်အတွက် ဝမ်းသာမိသော်လည်း စစ်အစိုးရအနေဖြင့် နိုင်ငံသားအကျဉ်းသားများအား လွတ်ငြိမ်းချမ်းသာခွင့်ပြုလိုက်သည် ဆိုသည့် စကားသည် မျက်လှည့်ပြခြင်းတခုသာ ဖြစ်ကြောင်း ဆက်လက်ဖော်ပြထားသည်။

စစ်အစိုးရအနေဖြင့် ဒေါ်အောင်ဆန်းစုကြည်နှင့် တိုင်းရင်းသားခေါင်းဆောင် ဦးခွန်ထွန်ဦးအပါအဝင် အကျဉ်းထောင်အသီးသီးမှ ထောင်ဒဏ်ချခံထားရသော နိုင်ငံရေးအကျဉ်းသား နှစ်ထောင်ကျော်ကို ချွင်းချက်မရှိ ပြန်လွှတ်ပေးမှသာလျှင် တိုင်းပြည်နှင့် လူထုအပေါ် စိတ်စေတနာကောင်းထားရှိရာ ရောက်မည်ဖြစ်ကြောင်း ထုတ်ပြန်ချက်တွင် ဆက်လက်ဖော်ပြထားသည်။

နအဖစစ်အစိုးရက ပြီးခဲ့သည့် စက်တင်ဘာလ (၁၇) ရက်နေ့တွင် အကျဉ်းသား (၇၁၁၄) ဦးတို့အား လွတ်ငြိမ်းချမ်းသာခွင့် ပေးလိုက်သည်ဆိုသော်လည်း ယုံကြည်ချက်ကြောင့် အကျဉ်းကျခံနေရသူ နိုင်ငံရေးအကျဉ်းသား ၁၂၈ ဦးသာ ပါဝင်ခဲ့သည်။

ယခုကဲ့သို့ အကျဉ်းသားများကို လွတ်ငြိမ်းချမ်းသာခွင့်ပေးနေသည့် တပြိုင်နက်တည်းမှာပင် စစ်အစိုးရက နိုင်ငံရေး လှုပ်ရှားတက်ကြွသူများကို ဆက်လက်ဖမ်းဆီးမှုများ ပြုလုပ်နေသည့်အပြင် ရွှေဝါရောင်တော်လှန်ရေး နှစ်ပတ်လည် နီးလာချိန်တွင် သံဃာတော်များကို ဖိအားပေးခြင်း ကန့်သတ်ခြင်းများ၊ ဖမ်းဆီးခြင်းများကို ဆက်လက်လုပ်ဆောင်နေလျက်ရှိသည်။

ကမ္ဘာ့ငြိမ်းချမ်းရေးနေ့ လမ်းလျှောက်ချီတက်ပွဲ ပြုလုပ်

ဖြိုးကြီး

ကမ္ဘာ့ငြိမ်းချမ်းရေးနေ့အထိန်းအမှတ် လမ်းလျှောက်ချီတက်ပွဲကို ထိုင်း-မြန်မာနယ်စပ်တွင် ယနေ့ ကျင်းပပြုလုပ်ခဲ့ပြီး အင်အား ၁၀၀ ကျော် ပါဝင်ခဲ့သည်။
ယင်းကဲ့သို့ ချီတက်လမ်းလျှောက်ရခြင်းနှင့်ပတ်သက်၍ ဦးဆောင်ဆရာတော်တပါးဖြစ်သူ အရှင်သောပါက က “ဒီနေ့ကတော့ ကမ္ဘာငြိမ်းချမ်းရေးနေ့ ဖြစ်တဲ့အခါကြတော့ အားလုံး ငြိမ်းချမ်းဖို့ပါပဲ။ မငြိမ်းချမ်းသေးတဲ့ နိုင်ငံတွေ ငြိမ်းချမ်းဖို့နဲ့ အထူးသဖြင့် ဦးဇင်းတို့ မြန်မာနိုင်ငံမှာ ငြိမ်းချမ်းရေးတွေ ရဖို့အတွက် လုပ်တာ” ဟု မိန့်ကြားသည်။

ထို့အပြင် ပြည်တွင်းပြည်ပတွင်ရှိသည့် သံဃာတော်များအနေဖြင့်လည်း ကမ္ဘာ့ငြိမ်းချမ်းရေးနှင့် မြန်မာပြည်ငြိမ်းချမ်းရေးအတွက် ဝိုင်းဝန်းညီညွတ်စွာ လုပ်ဆောင်သွားရန် လျှောက်ထားလိုကြောင်း အရှင်သောပါက က ဆက်လက်မိန့်သည်။

မြန်မာပြည် ငြိမ်းချမ်းရေးအခြေအနေနှင့်ပတ်သက်၍ “ဦးဇင်းတို့ မြန်မာပြည်မှာက နျူကလီးယားလက်နက်တွေ ဘာတွေ တည်ဆောက်နေတယ်ကြားရတော့ ဦးဇင်းတို့အနေနဲ့ အတော် စိတ်မကောင်းဖြစ်တယ်။ တကယ်တမ်း မြန်မာပြည်မှာက လိုချင်နေတာ လက်နက်မဟုတ်ဘူး။ အစားအသောက်နဲ့ ငြိမ်းချမ်းရေးဖြစ်တယ်” ဟု ၎င်းက မိန့်သည်။

အဆိုပါ လမ်းလျှောက်ချီတက်ပွဲကို မဲဆောက်မြို့ ပန်းခြံမှ ထိုင်း-မြန်မာနယ်စပ် ချစ်ကြည်ရေးတံတားထိပ်အထိ ချီတက်သွားမည်ဖြစ်ကာ ဝတ်ပြုဆုတောင်းပွဲကိုလည်း ဆက်လက်လုပ်ဆောင်သွားမည်ဖြစ်ကြောင်း ၎င်းက ဆက်လက်မိန့်သည်။

ငြိမ်းချမ်းရေးနေ့အထိမ်းအမှတ်ချီတက်ပွဲကို ထိုင်း-မြန်မာလှုပ်ရှားမှုကော်မတီ (TACTB)၊ နိုင်ငံတကာ ဗုဒ္ဓဘာသာအဖွဲ့၊ အမျိုးသမီးအဖွဲ့ချုပ်၊ မြန်မာရဟန်းတော်များအဖွဲ့နှင့် မြန်မာ့မိတ်ဆွေများအဖွဲ့ (Burma Partnership) အဖွဲ့တို့က ပူးပေါင်းကာ လုပ်ဆောင်ခဲ့ခြင်းဖြစ်သည်။

မကြာသေးခင် ရက်ပိုင်းအတွင်း သံဃာ့အဖွဲ့ချုပ် (မြန်မာနိုင်ငံ) က အောက်တိုဘာ (၃) ရက်နေ့မှ စတင်ကာ တတိယအကြိမ်မြောက် ပတ္တနိက္ကုဇ္ဇန ကံဆောင်သပိတ်မှောက်ရန် တိုက်တွန်းကြေညာချက်များ ထွက်ပေါ်ပြီးနောက် ယခုကဲ့သို့ သံဃာများဦးဆောင်ပါဝင်သည့် လှုပ်ရှားမှုများ စတင်လာခြင်းဖြစ်သည်။

နိုင်ငံရေးဆက်မလုပ်ရန် လက်မှတ်မထိုးသူကို အာဏာပိုင်များက ဆက်လက်ချုပ်နှောင်ထား

ရိုးမ ၃

စစ်အစိုးရ အာဏာပိုင်များက အကျဉ်းသားများ လွတ်ငြိမ်းချမ်းသာခွင့်ပေးရာတွင် နိုင်ငံရေးမလုပ်ရန် လက်မှတ် မထိုးသူ နိုင်ငံရေးအကျဉ်းသား ကိုဘမျိုးသိန်းကို အကျဉ်းထောင်ထဲတွင် ဆက်လက်ချုပ်နှောင်ထားလျှက်ရှိသည်။

စစ်အစိုးရ အာဏာပိုင်များက သရက်အကျဉ်းထောင်မှ ကိုဘမျိုးသိန်းအား ပုဒ်မ (၄၀၁) အရ အပြင်ရောက်လျှင် နိုင်ငံရေးမလုပ်တော့ကြောင်းနှင့် အကယ်၍ အလားတူပြစ်ဒဏ်မျိုးအပြင်တွင် ကျူးလွန်ဖောက်ဖျက်ပါက ကျန်ရှိနေသော ပြစ်ဒဏ်ကျရက်များကို ထပ်လောင်း၍ ခံရမည်ကို သိရှိကြောင်း လက်မှတ်ရေးထိုးခိုင်းခြင်းကို ငြင်းဆန်သဖြင့် ဆက်လက်ချုပ်နှောင်ထားခြင်း ဖြစ်သည်။

သရက်အကျဉ်းထောင်မှ ကိုဘမျိုးသိန်းအပါအဝင် လွှတ်ပေးမည့် နိုင်ငံရေးအကျဉ်းသား ၈ ဦးကို ယခုလ (၁၈) ရက်နေ့ညတွင် လက်မှတ်ရေးထိုးလျှင် လွှတ်ပေးမည်ဟု လာရောက်အကြောင်းကြားပြီး အကျဉ်းထောင်ရိပ်သာတွင် တညအိပ်စေကာ လက်မှတ်ထိုးရန်ငြင်းဆန်ခဲ့သည့် ကိုဘမျိုးသိန်းကို လွှတ်မပေးနိုင်ကြောင်း ပြောဆိုတာ (၁၉) ရက်နေ့ နံနက်တွင် ထောင်ထဲသို့ ပြန်သွင်းခဲ့ကြောင်း ၎င်း၏ ညီဖြစ်သူက ပြောသည်။

ယင်းကဲ့သို့ ထောင်ထဲသို့ ပြန်မသွင်းမှီ အာဏာပိုင်များဘက်မှ မိသားစုများနှင့် ဆက်သွယ်ခွင့်ပေးသည့်အချိန်တွင် ပြည်မြို့တွင် နေထိုင်သည့် ညီဖြစ်သူအား ကိုဘမျိုးသိန်းက ဆက်သွယ်အကြောင်းကြားခဲ့ခြင်းဖြစ်ကြောင်း ၎င်းကဆက်ပြောသည်။

ကိုဘမျိုးသိန်းသည် ၁၉၉၀ ခုနှစ် အောက်တိုဘာလတွင် ထိုင်း-မြန်မာနယ်စပ်ရှိ ဗိုလ်မှူးကြီးဟောင်း ဦးစိန်မြ ဦးဆောင်သော ပြည်သူ့ကာကွယ်ရေးတပ် (PDF) အဖွဲ့နှင့်ဆက်သွယ်ကာ ၁၉၉၀ ခုရွေးချယ်ခံ အမတ်များအား ပြည်ပသို့ ပို့ဆောင်ပေးခဲ့သဖြင့် အဖမ်းခံရပြီး ပုဒ်မ ၅(ည)၊ ၁၇(၁) တို့ဖြင့် စွဲချက်တင်ကာ အင်းစိန်ထောင် စစ်ခုံရုံးမှ ၁၉၉၁ ခုနှစ် ဇန္နဝါရီလ (၅) ရက်နေ့တွင် ထောင်ဒဏ် ၇ နှစ်ချမှတ်ခံခဲ့ရသူဖြစ်သည်။

ထို့အပြင် အင်းစိန်ထောင်တိုက်ဝင်းအတွင်း၌ လျှို့ဝှက်စွာဖွဲ့စည်းထားသော အကျဉ်းသားအခွင့်အရေး ကာကွယ်ရေးအဖွဲ့၏ ဦးစီးအဖွဲ့တွင် NLD ပါတီမှ ဗဟိုအလုပ်အမှုဆောင်ကော်မတီဝင်ဟောင်း ဟံသာဝတီ ဦးဝင်းတင်နှင့်အတူ ကုလသမဂ္ဂညီလာခံသို့ အင်းစိန်ထောင်တွင်း လူ့အခွင့်အရေးချိုးဖေါက်မှု မှတ်တမ်းများကို စာရေးသားပေးပို့ခဲ့သဖြင့် ၁၉၉၆ ခု မတ်လတွင် ထောင်တွင်း နောက်ထပ်ပြစ်ဒဏ် ၁၂ နှစ် ချမှတ်ခံရပြီး သရက်ထောင်သို့ ရွှေ့ပြောင်းခံခဲ့ရကာ စုစုပေါင်းပြစ်ဒဏ် ၁၉ နှစ်တွင် ၁၈ နှစ်နှင့် ၉ လကျော် ပြစ်ဒဏ်ကျခံပြီးဖြစ်ပါသည်။

အလားတူ ၂၀၀၃ ခုနှစ်က ကိုဘမျိုးသိန်းအား ပုဒ်မ ၄၀၁(၁)ကို လက်မှတ်ရေးထိုးခိုင်းသော်လည်း ငြင်းဆန်ခဲ့သဖြင့် ၎င်းက လွှတ်မပေးခဲ့ခြင်း ဖြစ်သည်။

ကိုဘမျိုးသိန်းသည် မွေးချင်းညီအကို ၅ ယောက်အနက် အကြီးဆုံးဖြစ်ပြီး ညီဖြစ်သူ ကိုဘစိုးသိန်းမှ ထောင်ဝင်စာသွားတွေ့နေပြီး အဖမ်းမခံရမှီက လယ်ယာစိုက်ပျိုးရေး ကော်ပိုရေးရှင်း (ရုံးချုပ်) ဆီထွက်သီးနှံနှင့် အစေ့ထုတ်ပြောင်းဌာနတွင် ကျေးရွာအုပ်စုမန်နေဂျာ တာဝန်ကို ထမ်းဆောင်နေသူဖြစ်သည်။

မြန်မာနိုင်ငံတွင်းရှိ နိုင်ငံရေးအကျဉ်းသားများသည် အကျဉ်းထောင်လက်စွဲဥပဒေအရ အခြားအကျဉ်းသားများနည်းတူ ဆုမှတ်ရက်များကို ခံစားခွင့်မရှိသည့်အပြင် လွှတ်ရက်နီးပြီး ၃ လသာ ကျန်တော့သည့် ကိုဘမျိုးသိန်းကဲ့သို့ ၁၈ နှစ်ကျော် နှစ်ရှည်အကျဉ်းကျခံပြီးသည့်သူများအား ၄၀၁(၁) တွင် အကြပ်ကိုင် လက်မှတ်ရေးထိုးခိုင်းပြီး လွှတ်ပေးနေခြင်းသည် စိတ်ပိုင်းဆိုင်ရာညှင်းပန်းနှိပ်စက်ကာ လူ့အခွင့်အရေးချိုးဖေါက်ခံနေရခြင်းပင်ဖြစ်သည်။

အပိုင်း (၁)

အပိုင်း (၂)