အကျိုးစီးပွားရှာဖွေကြသူများ … ဤသို့ကွဲပြား၏

ကိုမော်။ ဇန်နဝါရီ ၅၊ ၂၀၀၉

လောက၌ မည်သည့် သတ္တဝါမဆို ချမ်းသာလိုကြသည်ချည်းဖြစ်လေရာ လူသည်လည်း သတ္တဝါအစုတွင် ပါဝင်သဖြင့် ချမ်းသာလိုကြသည်ပင် ဖြစ်၏။ ထိုကြောင့် လူသည် မိမိဘဝ ချမ်းသာဖို့အတွက် မလွဲမသွေ ရှာဖွေအားထုတ်ရမည်ဖြစ်သည်။

ထိုသို့ ဘဝ၏ချမ်းသာခြင်းကို ရှာဖွေအားထုတ်ရာတွင် လောဘအပေါ် အခြေတည်၍ အားထုတ်သည်လည်း ရှိသလို အလောဘအပေါ် အခြေတည်၍ အားထုတ်သည်လည်း ရှိကြ၏။ မည်သို့သော နည်းလမ်းဖြင့် ရှာဖွေအားထုတ်သည် ဖြစ်စေကာမူ ရည်မှန်းချက်ပန်းတိုင်သည်ကား မိမိတို့ဘဝချမ်းသာမှု (ဝါ) ဖွံ့ဖြိုးတိုးတက်မှုကို ရရှိအောင် တည်ဆောက်လိုခြင်းပင် ဖြစ်သည်။ ဘဝဖွံ့ဖြိုးတိုးတက်ခြင်းဟူသည် အကျိုးစီးပွား များပြားမှု အပေါ်တွင် အခြေတည်၏။ ထို့ကြောင့် မိမိတို့ဘဝ ဖွံဖြိုးတိုးတက်ဖို့အတွက် အကျိုးစီးပွား တိုးများအောင် ကြိုးစားအားထုတ်ကြခြင်းဖြစ်၏။ သို့ဖြစ်၍ အကျိုးစီးပွားတည်းဟူသော ဘုံရည်မှန်းချက် ပန်းတိုင်ချင်း တူညီကြသည်ဟု ဆိုဖွယ်ရာရှိ၏။

ထိုသို့ ဘုံရည်မှန်းချက်တူ အကျိုးစီးပွားကို ရှာဖွေရာတွင် ငါ့အတွက်၊ ငါ့မိသားစုအတွက် စသဖြင့် ငါကောင်းစားဖို့တည်းဟူသော ရည်ရွယ်ချက်များဖြင့် ရှာဖွေခြင်း ဖြစ်ပါက ထိုရှာနည်းသည် မိမိ၏ (အတ္တ)လောဘကို အခြေခံသည်။ လောဘကို အခြေခံသည်ဖြစ်၍ အကုသိုလ် အရင်းပြု၏။ အကုသိုလ်အရင်းပြု၍့ရသော ကိုယ်ကျိုးစီးပွားသည်လည်း အကုသိုလ်ဝန်းရံနေပေလိမ့်မည်။ အကုသိုလ်ဝန်းရံနေသည် ဖြစ်သဖြင့် တရားမျှတစွာ ရှာဖွေ၍ရရှိသော အကျိုးစီးပွား ဖြစ်ဖို့ရန် အခွင့်အလမ်းနည်း၏။ သို့ဖြစ်၍ စစ်မှန်သော ချမ်းသာဟု ဆိုနိုင်မည်မဟုတ်။

အလောဘကို အခြေခံ၍ အကျိုးစီးပွားကို ရှာရာ၌ကား တမျိုးဖြစ်၏၊ အစကတည်းကပင် သူသည် နဖူးမှချွေး ခြေမထိကျအောင် အပင်ပန်းခံကာ ရှာဖွေပါသော်လည်း သူ၏ ကိုယ်ကျိုးစီးပွားအတွက် မရည်ရွယ်ဘဲ အများသူငှာ အကျိုးစီးပွားအတွက် ရည်ရွယ်ချက်အရင်းခံရှိ၏။ ထိုသို့ ရည်ရွယ်ချက်အရင်းခံသည်လည်း ကိုယ်ကျိုးမဲ့မဟုတ်၊ အများတည်းဟူသော အကျိုးစီးပွားအတွင်း၌ မိမိအကျိုးစီးပွားသည်လည်း ပါဝင်နေကြောင်း ကောင်းကောင်းနား လည်ထားကြပြီးဖြစ်သည်။ ထိုသို့ နားလည်ကြသည်ဖြစ်၍ ငါတည်းဟူသော အတ္တ(ဝါ) တဏှာလောဘကို တတ်နိုင်သလောက် ပယ်သတ်ပြီးဖြစ်၏။ တဏှာလောဘကို ပယ်သတ်နိုင် သည်နှင့်အမျှ သောကငြိမ်း၏၊ သောကငြိမ်းသည်နှင့်အမျှ စိတ်ပေါ့ပါးချမ်းသာ၏။ စိတ်ပေါ့ပါး ချမ်းသာသည်နှင့်အမျှ “စိတ်ပျိုတော့ ကိုယ်နု” ဆိုသည့် စကားရပ်အရ ဆိုလျှင် ရုပ်လည်း ချမ်းသာမည်ဖြစ်သည်၊ သို့ဖြစ်ရကား စစ်မှန်သော ဘဝချမ်းသာကို ရှာဖွေနေကြ သည်ဟု အမည်ပြုအပ်၏။

လောက၌ အသက်ရှင်နေသရွေ့ကာလပတ်လုံး လူသည် မိမိဘဝချမ်းသာရေးအတွက် မဖြစ်မနေ လုပ်ဆောင်ရမည်ဖြစ်သည်။ ထိုသို့လုပ်ဆောင်ရာ၌ ကိုယ်အားဖြင့် လုပ်ရသည်လည်း ရှိ၏၊ စိတ်အားဖြင့် လုပ်ရသည်လည်း ရှိနိုင်၏၊ နှုတ်အားဖြင့်လုပ်ရသည်လည်း ရှိနိုင်၏၊ မည်သို့ပင်ရှိရှိ အလုပ်ကို တမျိုးမဟုတ် တမျိုးတော့ မလျော့သောဇွဲလုံ့လဖြင့် လုပ်ရမည်သာဖြစ်သည်၊ ထိုသို့လုပ်ရာတွင် တကယ်တမ်း စစ်မှန်သော ဘဝချမ်းသာကို ရချင်ရိုးမှန်ပါလျှင် ငါကောင်းစားရေးအတွက် လောကကို အသုံးမချဘဲ လောက ကောင်းစားရေးအတွက် ငါကိုအသုံးချဖို့လို၏။ လောကကောင်းစားရေးအတွက် ငါကိုအသုံးချခြင်းသည် မြတ်ဗုဒ္ဓ၏ ကျင့်စဉ်နှင့် ထပ်တူကျသည့် အဆုံးအမပင်တည်း။

လက်တွေ့အားဖြင့် အမိမြန်မာပြည်ကိုကြည့်လျှင်မူ အကျိုးစီးပွားကို ရှာဖွေနေကြသည့် လူသတ္တဝါချင်း တူပါသော်လည်း ရှာဖွေပုံရှာဖွေနည်းနာအရ ကွဲပြားမှုတွေ များစွာရှိနေကြ၏။ ၄င်းတို့အထဲမှ အထင်ကရအားဖြင့် အုပ်ချုပ်သူနှင့် အုပ်ချုပ်ခံလူတန်းစား နှစ်ရပ်အတွင်း၌ တွေ့မြင်နိုင်သည်။

အုပ်ချုပ်သူလူတန်းစားများဖြစ်နေသည့် စစ်ဗိုလ်တစုသည် မိမိတည်းဟူသော ကိုယ်ကျိုးစီးပွားအတွက် အများသူငှာ၏ အကျိုးစီးပွားများကို စတေးစေကာ အဓမ္မ ဗိုလ်ကျအနိုင်ကျင့်နေကြသည်။ ၄င်းတို့၏ အာဏာကို ထိပါးလာသူ မည်သူ့ကိုမဆို ညှဉ်းဆဲသတ်ဖြတ်ဖို့ရန် အသင့်ရှိနေကြ၏။ ၄င်းတို့ ကိုးကွယ်ဆည်းကပ်ရာသည် အာဏာပါဝါဖြစ်သည်ဟုသာ နားလည်ထားကြသည်။ ထို့ကြောင့် မိမိတို့ကိုယ်တိုင် ယုံကြည်ကိုးကွယ်ပါသည်ဟု ဆိုကာ လူသိရှင်ကြား အကျယ်တဝင့်ပြောဆိုနေသော ဗုဒ္ဓဘာသာ သာသနာကိုပင် မထေမဲ့မြင်ပြု အံတု၍ သာသနာ့ဝန်ထမ်း ရှင်ရဟန်းတို့အား သတ်ဖြတ်ညှဉ်းဆဲကာ ထောင်သွင်းအကျဉ်းချနေကြသည်။ ထိုအပြင် ရေရှည် ဗိုလ်ကျအနိုင်ကျင့်ခြင်းဖြင့် ကိုယ်ကျိုးစီးပွားရှာဖွေနိုင်ရန်အတွက် လမ်းစဉ် (၇) ရပ် ချမှတ်ကာ ဖွဲစည်းပုံအခြေခံဥပဒေကိုလည်း အဓမ္မ အတည်ပြုပြဌာန်းခဲ့သေး၏။ အထင်အရှား ပေါ်လွင်ခဲ့သည်ကား နာဂစ်ဘေးဆိုးကြီးကျရောက်ကာ တိုင်းသူပြည်သားများ အတိဒုက္ခ ရောက်ကြရပါသော်လည်း ဂရုမစိုက်အားဘဲ မိမိတို့ ရေရှည် ဗိုလ်ကျအနိုင်ကျင့်နိုင်ရေးကိုသာ ကြိုးစားအားထုတ်ခဲ့ကြခြင်းဖြစ်သည်။

ဗိုလ်ကျအနိုင်ကျင့်ဝါဒဟူသည် ကိုယ်ကျင့်သိက္ခာ ကင်းမဲ့မှုအပေါ်တွင် အခြေခံ၍ ဖြစ်ပေါ်လာသော ဝါဒပင်ဖြစ်၏။ ထိုကြောင့် မည်သည့်လူသားမဆို ကိုယ်ကျင့်သိက္ခာကင်းမဲ့သော ပတ်ဝန်းကျင်တွင် မနေလိုကြခြင်းဖြစ်သည်။ သို့သော် မျက်မှောက်ကာလ၌ကား အဖိနှိပ်ခံ ပြည်သူများအနေဖြင့် ဖိနှိပ်ဗိုလ်ကျခံရမှု သံသရာ၌ ပို၍နစ်မွန်းကာ ကျပ်တည်းခက်ခဲလာစေခဲ့၏။ ထိုအပြင် ကမ္ဘာကြီးတခုလုံး တုန်လှုပ်ခြောက်ခြားဖွယ်ရာ ထောင်ချပွဲကြီးကိုလည်း လတ်တလောကာလ၌ စစ်ဗိုလ်တစုက အကြီးအကျယ် ဆင်နွှဲနေလေသည်။

ကြီးမားသော ရာဇဝတ်မှုကို ကျုးလွန်သည့် ရာဇဝတ်သားလူမိုက်များအား အပြစ်ပေးရာတွင်ပင် မကြားခဲ့ မနာခဲ့ရသော တရားစီးရင်ရေး ဥပဒေပုဒ်မပေါင်းများစွာဖြင့် စွပ်စွဲပုတ်ခတ်ကာ ကာယကံရှင် အကျဉ်းစံ ခေါင်းဆောင်တို့ နေနိုင်ဖို့ရန် ကျန်ရှိသည့် သာမာန်လူ့သက်တမ်းထက်မကသော ထောင်ဒဏ်များကို ချမှတ်၍ နိုင်ငံ့အစွန်းအဖျား အကျဉ်းထောင်များသို့ အဓမ္မ ပို့ဆောင်နေကြသည်။ ထိုသို့ ပို့ဆောင်လိုက်ခြင်းအားဖြင့် ကာယကံရှင် အကျဉ်းစံများတွင် ထောင်တွင်း၌ အမျိုးမျိုးသော ညှဉ်းပန်းနှိက်စက်မှုများကြောင့် ပင်ပန်းဆင်းရဲမှုဒါဏ်၊ ရေခံမြေခံ မတူညီသောကြောင့် ကျန်းမာရေးဆိုးဝါးစွာ ခံစားရသည်ဒါဏ်များအပြင် ပုံမှန်ထောင်ဝင်စာတွေ့ကာ ဂရုတစိုက်ပြုစုနေကြသည့် မိသားစုအားလည်း စိတ်ပိုင်းဆိုင်ရာအရရော ရုပ်ပိုင်းဆိုင်ရာအရပါ တပြိုင်နက်မှာပင် ညှဉ်းပန်းနှိက်စက်တာ ခံရပြီးသားဖြစ်စေခဲ့၏။

လူဟူသည်မှာ မိမိတစ်ယောက်တည်းနေ၍ ရသည်မဟုတ်၊ လူ့ပတ်ဝန်းကျင် လူ့အသိုင်းအဝိုင်းမှာနေမှ သင့်တော်သည့် သတ္တဝါမျိုးဖြစ်၏။ အနီးဆုံး ပတ်ဝန်းကျင်ဖြစ်သည့် မိမိ၏အိမ်တွင်း၌ပင် မိမိအပြင် အခြား အိမ်သူအိမ်သားများ ရှိကြသေး၏။ ထို့ကြောင့် မိမိအနေဖြင့် အခြားသော အိမ်သူအိမ်သားများအပေါ် စိတ်မချမ်းမသာ မဖြစ်ရလေအောင် (ဝါ) အခြားသူများ၏ အကျိုးစီးပွားကို မထိခိုက်ရလေအောင် ဆက်ဆံဖို့လို၏။ အကယ်၍ မိမိ၏ အိမ်သူအိမ်သားများအပေါ် စိတ်မချမ်းမသာဖြစ်သွားအောင်၊ ထိုသူတို့၏ အကျိုးစီးပွားကို ထိခိုက်သွားအောင် ဆက်ဆံမိမည်ဆိုပါလျှင် ဗုဒ္ဓဒေသနာတော်အရ မိမိ၏ ကိုယ်ကျင့်သိက္ခာ ညစ်နွမ်းသွားနိုင်သည်။

အလားတူပင် မိမိအိမ်၏ ပြင်ပ၌လည်း အခြားသူများ ရှိကြသေး၏။ ထိုကြောင့် ထိုသူများနှင့် ဆက်ဆံရသောအခါ ထိုသူများ စိတ်မချမ်းမသာ ဖြစ်မသွားရလေအောင် ထိုသူများ၏ စိတ်ပိုင်းဆိုင်ရာ ရုပ်ပိုင်းဆိုင်ရာ အကျိုးစီးပွားကို ထိခိုက်မှုမရှိစေရန် သတိပြုဆက်ဆံဖို့လို၏။ အကယ်၍ ထိုသူများ စိတ်မချမ်းမသာဖြစ်သွားအောင် ဆက်ဆံမိပြီဆိုပါလျှင် ကိုယ်ကျင့်သိက္ခာရှုထောင့်အရ မိမိသည် လူညံ့သာဖြစ်၏၊ မယဉ်ကျေးသူသာ ဖြစ်ပေလိမ့်မည်။

လင်းတငှက်သည် အကောင်ပုပ်ကို နတ်သုဒ္ဓါဟု ထင်သကဲ့သို့ ဝက်တိရစ္ဆာန်သည် မစင်ပုပ်ကို နှစ်လိုဖွယ်ရာ အစားအစာဟု မှတ်ယူသကဲ့သို့ အာဏာရှင် စစ်ဗိုလ်တစုသည်လည်း ပြည်သူပြည်သား လူအများတို့အား ကိုယ်ရောစိတ်ပါ မချမ်းသာရလေအောင် ညှဉ်းဆဲသတ်ဖြတ်ပြီးမှ ရယူထားသော အာဏာအစရှိသော ကိုယ်ကျိုးစီးပွားတို့ကိုလည်း နှစ်လိုဖွယ်ရာ အဆင်တန်ဆာအဖြစ် ထင်မှတ်ကာ ကျေနပ်နေကြ၏။ ထိုသို့ ကျေနပ်နေကြသည်ဖြစ်၍ အကုသိုလ် တိုးပွားရာတိုးပွားကြောင်း မြေသြဇာကောင်းများဖြင့် မိမိတို့ ကိုယ်ကျိုးစီးပွားတည်းဟူသော အကုသိုလ်ပင်စည်ကြီး ရှင်သန်ကြီးထွားစေရန် ကြံဖန်နေကြကုန်၏။

လောက၌ သဘာဝအားဖြင့် အသာစံခြင်းနှင့် အနာခံခြင်းဟူ၍ နှစ်မျိုးရှိလေရာ အနာခံခြင်းဟူသည်မှာ လွယ်ကူသော အလုပ်မဟုတ်၊ တကယ်တမ်းမြင့်မြတ်သူတို့သာ လုပ်နိုင်သော အလုပ်မျိုးဖြစ်သည်။ (အတ္တ)လောဘအမှူးရှိသော ကိလေသာများကို တတ်နိုင်သလောက် ပါးအောင် ကျင့်နိုင်ပါမှဖြစ်၏၊ ကိလေသာပါးလာသည်နှင့်အမျှ အနာခံခြင်းသည်လည်း တိုးပွားလာမည်ဖြစ်သည်။

ဤကဲ့သို့ မြင့်မြတ်သူတို့သာ အစဉ်တစိုက် လုပ်နိုင်ပါသည်ဟုဆိုသော အနာခံခြင်း (ဝါ) ပေးဆပ် ခြင်းလုပ်ငန်းများကို တစိုက်မတ်မတ် လုပ်ကိုင်နေကြသူများသည် ယနေ့မြန်မာပြည်၌ အများအပြားရှိကြကုန်၏။ ထိုသူများသည် အဖိနှိပ်ခံပြည်သူဘက်မှ ရဲဝံ့စွာ ရပ်တည်နေကြသူများဖြစ်သည်။ ထိုသို့ အဖိနှိပ်ခံပြည်သူဘက်မှ ရပ်တည်ရင်ဆိုင်နေခြင်းသည် အများစုထဲ၌ သူလိုကိုယ်လို သာမာန်ရပ်တည်နေကြခြင်းမဟုတ်၊ ရှေ့တန်းမှ ကိုယ်ကျိုးစွန့်အနစ်နာခံကာ ဦးဆောင်ရပ်တည်ခြင်းမျိုးဖြစ်၏။

ထိုသူတို့သည် မိမိတို့ တခဏတာရရှိလာသည့် လူ့ဘဝသက်တမ်းကာလ အတိုလေးအတွင်းမှာပင် အမျိုးဘာသာ သာသနာအကျိုး၊ တိုင်းကျိုးပြည်ကျိုးတို့အား အနှစ်သာရရှိရှိဖြင့် ရှင်သန်ကြီးထွားအောင် မိမိအတွက် မိမိမိသားစုအတွက်တည်းဟူသော ရည်မှန်းချက်တစုံတရာမရှိဘဲ ကြိုးစားအား ထုတ်နေကြသည်။ ထိုသို့ ကြိုးစား အားထုတ်ရာတွင်လည်း တရားဓမ္မ နည်းလမ်းများအရ အကြမ်းမဖက် သံမဏိစိတ်ဓါတ်ဖြင့် အများသူငှာ၏ အကျိုးစီးပွားတို့အား ထိခိုက်နစ်နာမှု မရှိရလေအောင် ကိုယ်ကျိုးစွန့်အနစ်နာခံကာ လုပ်ဆောင်နေ၏။ သို့ဖြစ်၍ ထိုခေါင်းဆောင်တို့၏ လုပ်ရပ်သည် မြတ်ဗုဒ္ဓအလိုတော်ကျ မေတ္တာဝါဒ၌ အကျုံးဝင်သည်။ မေတ္တာဝါဒ၌ အကျုံးဝင်သည်ဖြစ်ရကား အကျိုးမဲ့ ရှုံးနိမ့်ရခြင်းအလျဉ်းမရှိ။ အကျိုးအမြတ်ရှိရှိ ပိပိရိရိနဲ့ အောင်မြင်ခြင်းသာ ဖြစ်ကောင်းရာ၏။

အမှန်အားဖြင့် အုပ်ချုပ်သူနှင့် အုပ်ချုပ်ခံ လူတန်းစားနှစ်ရပ်အကြား အချင်းချင်း ဆက်ဆံရာတွင် တိုင်းပြည်ကြီး ဖွံ့ဖြိုးတိုးတက်ရေးနှင့် မိမိတို့ ရှင်သန်ကြီးထွားရာ လူ့ဘောင် လူ့လောကကြီး ငြိမ်းချမ်းသာယာရေးအတွက် ရှေးရှုပြီး အချင်းချင်း ကြင်နာဖို့လို၏၊ အနစ်နာခံဖို့ လို၏၊ တဖက်သား၏ အကျိုးကို ရည်စူးဖို့လို၏။ ဤအင်္ဂါသုံးရပ်အပေါ် အခြေခံပြီး အချင်းချင်း ဆက်ဆံရာတွင် ကျင့်သုံးပါက ဗုဒ္ဓအဆုံးအမတော်အရ ကိုယ်ကျင့်သိက္ခာကို အနှစ်သာရအားဖြင့် ထိန်းသိမ်းပြီးသား ဖြစ်စေတော့မည်။ ထို့အပြင် မိမိ၏ အကျိုးစီးပွားကို ဆောင်သောသူများအပေါ် သက်ရောက်အားနှင့် တန်ပြန်သက်ရောက်မှုတို့၏ နိယာမအရ မည်သူမှ မငြိမ်းချမ်းအောင် ပြုလုပ်တော့မည်မဟုတ်၊ ထိုအခါ အချင်းချင်းဆက်ဆံရာ၌ လူမှု့ဆက်ဆံရေးသည် ချောမွေ့ပြီး တိုင်းပြည် (၀ါ) လောကကြီးသည် ငြိမ်းချမ်းသာယာပေ လိမ့်မည်။

×××××

ကိုမော် (14.12.2008)